Leon Schlumpf

De Leon Schlumpf (* 3. Februar 1925 z Felsbärg bi Chur, Graubünde; † 7. Juli 2012 z Chur), vo Mönchaltorf ZH und vo Felsbärg, isch en Schwiizer Politiker (SVP) und Volksmusikant gsii.

Politik

De Leon Schlumpf isch vo Bruef Rechtsaawalt gsi und hät als Regierigsrat, Nationalrat und Schtänderat amtiert. Er isch am 5. Dezember 1979 in Bundesrat gwählt worde. Am 31. Dezember 1987 isch er zruggträte. Während siinere Amtszeit isch er em Eidgenössische Verchehrs- und Energiewirtschaftsdepartement vorgschtande.

Er isch Bundespräsident gsii im Jahr 1984.

Si Dochter, d Eveline Widmer-Schlumpf, isch 2007 anschdatt vom Christoph Blocher in Bundesrat gwählt worde.

Musig

Weniger bekannt isch, dass er Klavier gschpilt und sich dr Ländlermusig gwidmet hät. Er hät under em Pseudonym Raetus Telena selber Stück komponiert, won er mit dr Ländlerkapelle Bernina, wo z Felsberg beheimatet gsi isch, interpretiert hät. E Polka, won er komponiert het, isch 2004 uf dr CD Musig a so wie früener erschine, gschpilt vo dr Ländlerkapelle Oberalp. D Klavierbegleitig isch i dr Bündner Volksmusigszene scho immer e Selteheit gsii, hüt sogar e Fremdkörper.

Literatur

Leon Schlumpf im Munzinger-Archiv (Artikelaafang frei abruefbar)

Weblink

Adolf Collenberg: Leon Schlumpf In: Historisches Lexikon vo dr Schwiiz.
Leon Schlumpf i de Datebank Dodis vo de Diplomatische Dokument vo de Schwiiz
Adolf Ogi: Adolf Ogi würdigt Leon Schlumpf. In: Der Sonntag vom 7. Juli 2012

Vorgänger
Rudolf Gnägi

Mitgliid im Schwiizer Bundesrat
1980-1987

Nochfolger
Adolf Ogi

Dä Artikel basiert uff ere fräie Übersetzig vum Artikel „Leon_Schlumpf“ vu de dütsche Wikipedia. E Liste vu de Autore un Versione isch do z finde.