Indonesie

	Republik Indonesia; Republik Indonesie
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Indonesisch
Hauptstadt	Nusantara
Staatsoberhaupt	Prabowo Subianto
Regierigschef	Prabowo Subianto
Flächi	1.904.570 km²
Iiwohnerzahl	264,1 Millionen (Schetzig vo 2018)
Bevölkerigsdichti	125 Iiwohner pro km²
Bruttoinlandsprodukt pro Iiwohner	3.600 US-$ (2005)
Währig	Rupiah
Unabhängigkeit	vo de Niiderland am 17. August 1945
Nationalhimne	Indonesia Raya
Zitzone	+7 UTC bis +9 UTC
Kfz-Kennzeiche	RI
Internet-TLD	. id
Vorwahl	+62

Der Schdaat Indonesie (indones.: Indonesia) isch der gröschd Inselschtaat uf der Wält. Er isch am 17. August 1945 proklamiert und am 27. Dezember 1949 vo de Niederlande unabhängig worde. Di gröscht Stadt Jakarta het öbbe 18 Mio. Iiwohner und lit uf dr Insle Java, wo meh as d Hälfti vo de Iiwohner vom Land läbe. Bi 2024 isch Jakarta au d Hauptstadt vo Indonesie gsi, im augschte 2024 het me di nöi Hauptstadt Nusantara uf dr Inlse Borne iigweit.

Dr Name Indonesie setzt sich us em lateinische Wort India für "Indie" und em griechische Wort nesos für "Insle" zsämme. S Woppe vo Indonesie zaigt de Götteradler Garuda.

Die gröschte Insle sin Sumatra, Java, Borneo (Kalimantan), Sulawesi (Celebes) und Neuguinea (nume dr Weschtteil ghört zu Indonesie).

Die gröschte Schtet sin Jakarta, Surabaya uf Java (2,7 Mio Iiw.), Medan uf Sumatra (2,1 Mio. Iiw.), Yogyakarta uf Java (3.2 Mio. Iiw.), Makassar uf Sulawesi (1,3 Mio. Iiw.), Semarang uf Java (1,3 Mio. Iiw.) und Bandung uf Java (3 Mio. Iiw.).

D Bevölkerig

Indonesie het öbbe 264 Millione Iiwooner, wo zu fast 360 verschiidene Völker ghööre, die mäiste si vo malaiischer Härkumft. Die allgemäini Bezäichnig Indonesier isch erst gege s Ändi vo dr niiderländische Kolonialzit ufchoo. Äini vo de schwiirigste Ufgoobe vo dr Zentralregierig isch us deene Bevölkerigsgrubbe e Nazioon z mache drotz de starke regionale Autonomii- und Sezessionsbesträäbige.^[1]

Die wichdigste Ethnie

Javaner (41,7 %), Sundanese (15,4 %), Malaie (3,4 %), Madurese (3,3 %), Batak (3,0 %), Minangkabau (2,7 %), Betawi (2,5 %), Bugis (2,5 %), Bantenese (2,1 %), Banjarese (1,7 %), Balinese (1,5 %), Sasak (1,3 %), Makassarese (1,0 %), Cirebon (0,9 %), Chinese (0,9 %), Gorontalo (0,8 %), Achinese (0,4 %) (wägen em Chrieg isch nume öbbe d Helfti vo dr Bevölkerig vom Bundesstaat Aceh erfasst wurde), Toraja (0,4 %).

D Religione

Indonesie het käi Staatsreligion, aber jeede Bürger muess sich zu äinere vo fümf Wältreligioone bekenne: Islam, Christedum (katholisch und evangelisch), Buddhismus, Hinduismus oder Konfuzianismus. Animiste oder Lüt mit andere Glaube gäbe dorum äini vo de offizielle Religioone aa, ooni sä z braktiziere.

200 Millione vo de Indonesier si Moslems, die mäiste von ene Sunnite, und s Land isch dorum dr Staat mit dr grösste muslimische Bevölkerig uf dr Wält. 23 Millione gäbe as Religion s Christedum aa, zwäi Driddel von ene s evangelische. Es het immer wider Zämmestööss zwüsche Moslems und Christe gee und sit 1999 si bin ene mee as 10'000 Lüt um s Lääbe choo. In West-Neuguinea wird die animistisch-christligi Papua-Bevölkerig bis hüte verfolgt.^[2]

Weblink

Commons: Indonesie – Sammlig vo Multimediadateie

Datebank vu Literatur zue dr gsellschaftliche, politische un wirtschaftliche Situation z Indonesien

Fuessnoote

↑ Meyers Großes Länderlexikon. Meyers Lexikonverlag, Mannheim 2004. , Seite 240
↑ International Crisis Group: Resources and Conflict in Papua. Brussel 2002 pdf 737 kb Archivlink (Memento vom 8. Augschte 2009 im Internet Archive), S. 8.

Koordinate: 11°S – 6°N, 95°–141° O

Dä Artikel basiert uff ere fräie Übersetzig vum Artikel „Indonesien“ vu de dütsche Wikipedia. E Liste vu de Autore un Versione isch do z finde.

[MGL-1] Meyers Großes Länderlexikon. Meyers Lexikonverlag, Mannheim 2004. , Seite 240

[2] International Crisis Group: Resources and Conflict in Papua. Brussel 2002 pdf 737 kb Archivlink (Memento vom 8. Augschte 2009 im Internet Archive), S. 8.

[1]

[2]