Master
Dr Maaster (Master, änglisch; [ˈmaːstɐ] oder [ˈmaːstə], vo Latiinisch Magister) isch dr zwäithöggst akadeemisch Graad, wo öbber cha üüberchoo, wo an ere Uniwersidäät oder gliichgstellte (Fach-)Hochschuel e Masterstudium erfolgriich abschliesst. S Maasterstudium isch e postgraduaals Studium, wo mä cha mache, wemm mä e grundständigs Studium wien es Bätschelerstudium abgschlosse het. Es umfasst mäistens zwäi bis vier Semester (Reegelstudiezit) und mä cha im e konsekutiive Maasterstudium d Studie, wo mä scho gmacht het, wüsseschaftlig verdiefe oder im e nit-konsekutiive Maasterstudium sich nöije Wüssensgebiet widme. Mä muess drbii an Leerveraastaltige däilnää und e Maasteraarbet schriibe. Es git Maasterstudie, wo d Usrichdig von ene eender braxisorientiert isch und anderi, wo sich uf d Forschig konzentriere. D Lengi vom Studium, d Vorussetzige zum zuegloo wärde und dr Ufbau vom Studium chönne seer underschiidlig si.
Dr Diddel Maaster isch im Raame vom Bologna-Brozäss und dr nöije Studiestruktur, wo dä mit sich brocht het, in Öiropa iigfüert worde. Dr Maaster-Graad entspricht mindestens dr fachlige Kwalifikazioon vo de früenere akadeemische Graad Diplom bzw. Magister. Dr Maaster isch en Abschluss, wo äim für e Bruef kwalifiziert und mä darf mit em e Räije vo verschiidene Brüef in dr Wirtschaft und Wüsseschaft usüebe oder aber e witerfüerends Promozioonsstudium aafoo.
Dr akadeemisch Maastergraad wird (noch DIN-Norm 5008) im Allgemäine noch em Familienaame gfüert (zum Bispil Max Mustermann, M. A.) und darf nume in dr Form brucht wärde wie si in dr Verleijigsurkunde aagee isch.
Kwelle
[ändere | Quälltäxt bearbeite]- Dr Ardikel «Master» uf dr dütsche Wikipedia
Liddratuur
[ändere | Quälltäxt bearbeite]- Sebastian Horndasch: Master nach Plan. Springer Science, Berliin 2010, ISBN 978-3-6421-3019-9.
- Felix Petersen, Marcus Mery: Die Bewerbung zum Studium: Erfolgreich bewerben für Bachelor und Master. Verlag Ausbildungspark, Offenbach/Main 2010, ISBN 978-3-9413-5602-3.
Weblingg
[ändere | Quälltäxt bearbeite]- Literatur vu un iber Master im Katalog vu dr Dütsche Nazionalbibliothek
- Liste von Studiengängen an deutschen Hochschulen, Hochschulkompass der Hochschulrektorenkonferenz (HRK).
- Stiftung zur Akkreditierung von Studiengängen, Akkreditierungsrat.
- Bachelor und Master auf dem Arbeitsmarkt – Veröffentlichungen, Forschungsberichten, Institutionen und weiterführenden Links, IAB.
- Tipps für die Mastersuche, ZEIT Campus, 28. Dezember 2012.