Piemont

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Bschryybig[ändere | Quälltäxt bearbeite]

Piemont
Wappe vo der Region Piemont Flagge vo der Region Piemont
Basisdate
Hauptstadt: Turin
Provinze: 8
Flechi: 25.399,83 km²
Iiwohner: 4.334.734 (31. Mai 2005)
Bevölkerigsdichti: 171 Iiwohner/km²
Website: www.regione.piemonte.it
ISO 3166-2: IT-21
Presidänt: Mercedes Bresso
Charte
Charte vo Italien, Piemont useghobe

S Piemont (ital: Piemonte: „am Fuess vo de Bärg“) isch noch Sizilie d Region z Italie, wo flechemässig am grösste isch.

Geografii[ändere | Quälltäxt bearbeite]

S Arnas-Dal bi Usseglio

S Piemont het e Flechi vo 25.399 Quadratkilometer und öbbe 4,33 Millione Iiwohner. S Aostadal im Nordweste vo dr Region zehlt historisch und naturgeografisch zum Piemont, isch aber as autonomi Region mit Sonderstatut e Verwaltigseiheit für sich. Im Aostadal läbe öbbe 120.000 Lüt uf ere Flechi vo 3.263 Quadratkilometer.

Im Norde gränzt s Piemont an d Schwiiz (Kanton Wallis und Tessin), im Weste an Frankriich (Rhône-Alpes/ Provence-Alpes-Côte d’Azur), italiänischi Binnegränze het s im Süde mit dr Region Ligurie, im Südoste mit dr Emilia-Romagna, im Oste mit dr Region Lombardei und im Nordweste em Aostadal.

Naturgeografisch isch d Region in drei Deil deilt: D Alperegion lit an dr West- und Nordgränze vom Piemont am Rand vo den Alpe. Do si die okzitanische Däler (Valle Stura, Valle Maira, Valle Varaita, Valle del Po, Valle del Chisone, Val Pellice, Valle di Susa, Valle d'Aosta) und d Gegend rund um s Westufer vom Lago Maggiore. Dr höchst Bärg im Piemont isch dr Mont Blanc, wo im hinterste Aostadal lit. Dr höchst Bärg in dr politische Region Piemont isch dr Monte Rosa, denn dr Gran Paradiso mit 4.061 Meter und dr Monviso mit 3.841 Meter.
In dr Po-Ebeni befinde sich die grosse Stedt vom Piemont; do läbe au die meiste Lüt.
S Hügelland im Südoste vo dr Region (Monferrato, Langhe, Roero) wird in erster Linie landwirtschaftlig und touristisch gnützt; do wachst dr berüehmt Wii (Barolo, Barbera, Barbaresco) vom Piemont.

Provinze vom Piemont

As Verwaltigseiheit deilt sich s Piemont in 8 Provinze:

  • Turin
  • Alessandria
  • Asti
  • Cuneo
  • Novara
  • Biella
  • Verbano-Cusio-Ossola
  • Vercelli

D Hauptstadt und gliichziitig die grösst und bedütendsti Stadt vom Piemont isch Turin. Novara, Alessandria, Asti und Cuneo si wiiteri Zentre.

Walser im Piemont[ändere | Quälltäxt bearbeite]

Im Piemont liige d Walsergmeine Im Land (ital. Alagna Valesia), Makana (ital. Macugnaga), Pumat (ital. Formazza) un Remallju (ital. Rimella). Uusgstorbe sin mittlerwiili d Walserdialekt in dr Gmeine Urnafasch (ital. Ornovasso) un Rifu (ital. Riva Valdobbia). Nimmi bewohnt sin d Walserderfer Aager (ital. Agaro), Arimmu (ital. Rima), Opsu (ital. Ausone) un Salei (ital. Salecchio).


Dä Artikel basiert uff ere fräie Übersetzig vum Artikel „Piemont“ vu de dütsche Wikipedia.

E Liste vu de Autore un Versione isch do z finde.