Lauterbrunnen

Lauterbrunnen
Basisdate
Staat:	Schwiiz
Kanton:	Bärn (BE)
Verwaltungskreis:	Inderlache-Oberhasli
BFS-Nr.:	0584
Poschtleitzahl:	3822
UN/LOCODE:	CH WNG (Wengen)
Koordinate:	636032 / 16107746.5999917.908887795Koordinate: 46° 36′ 0″ N, 7° 54′ 32″ O; CH1903: 636032 / 161077
Höchi:	795 m ü. M.
Flächi:	164.4 km²
Iiwohner:	2509 (31. Dezämber 2011)
Website:	www.lauterbrunnen.ch
	Luuterbrunne mit Chiuche und Stoubbach im Hingergrund
Karte

Luuterbrunne (amtlech Lauterbrunnen) isch e Politischi Gmeind im Verwautigskreis Inderlache-Oberhasli im Kanton Bärn, Schwiz.

Geografi [ändere]

Luuterbrunne ligt im Luuterbrunnetau un umfasst d Dörfer Luuterbrunne, Stächelbärg, Wänge, Iseflue (sit 1973), Mürre u Gimmelwald. D Gmeindsflächi bsteit us 23,4 % langwirtschaftlecher Flächi, 16,4 % Waud, 1,3 % Sidligsflächi u 58,9 % süschtigi Flächi.

Gschicht [ändere]

Luuterbrunne, Gimmelwald u Mürre si Walserdörfer u sin im Gegesatz zum übrige Bärner Oberland vom Letschutal vom Wallis här bsidlet worde. Luuterbrunne isch zum erschte Mal gnennt worde im Jahr 1240 aus in claro fonte, 1304 Luterbrunnen, Wänge 1268 aus mons Wengen, Iseflue 1319 aus Ysenvluo, Mürre 1257 aus mons Murren.

Bis zum 31. Dezämber 2009 het d Gmeind zum Bezirk Inderlache ghört.

Bevöukerig [ändere]

Jahr	1850	1860	1870	1880	1888	1900	1910	1920
Iiwohner	1918	1916	2124	2279	2351	2696	3337	2711
Jahr	1930	1941	1950	1960	1970	1980	1990	2000
Iiwohner	3056	2905	2968	3281	3478	3077	3207	2914

Dr Uusländeraateil isch 2010 bi 22,6 % gläge.

Religion [ändere]

68,3 % vo de Iiwohner si evangelisch-reformiert, 17,6 % si römisch-katholisch (Stang 2000).

Politik [ändere]

Bi de Nationauraatswahle 2011 het s das Ergebnis gää: BDP 21,5 %, CVP 0,6 %, EVP 1,8 %, FDP 14,3 %. GLP 2,7 %, GP 8,0 %, SP 14,6 %, SVP 29,6 %, Suschtigi 6,9 %.

Gmeindspresidänt vo Luuterbrunne isch dr Peter Waelchli (Stang 2013).

Wirtschaft [ändere]

D Arbetslosigkeit isch im Jahr 2011 bi 1,9 % gläge.

Sprach u Dialäkt [ändere]

Bir Voukszeuuig 2000 hei vo de 2914 Iiwohner 85,2 % Dütsch aus Houptsprach aagää, 1,4 % Französisch u 1,4 % Italienisch.

Dr Dialäkt vo Luuterbrunne ghört zum Höchstalemannisch.

Literatur [ändere]

Einwohnergemeinde Lauterbrunnen (Hrsg.): Geschichte der Talschaft Lauterbrunnen. 1989.
Andrea Jund: Im Stächelbärg, Zytglogge Verlag 2003 ISBN 3-7296-0659-X
Hans Buchs: Schul- und Dorfchronik Stechelberg, Verlag Schlaefli und Maurer, 2005 ISBN 3-85884-012-2