Arosa

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Arosa
Wappe vo Arosa
Basisdate
Staat: Schwiiz
Kanton: Graubünde (GR)
Bezirk: Plessurw
Kreis: Schanfigg
BFS-Nr.: 3921i1f3f4
Poschtleitzahl: 7050
UN/LOCODE: CH ARS
Koordinate: 771390 / 18380346.7833339.683331775Koordinaten: 46° 47′ 0″ N, 9° 41′ 0″ O; CH1903: 771390 / 183803
Höchi: 1'775 m ü. M.
Flächi: 42.53 km²
Iiwohner: 2199 (31. Dezämber 2012)[1]
Website: www.arosa.ch
Karte
Mapraggsee Heidsee Urdensee Grünsee (Arosa) Davosersee Obersee (Arosa) Untersee (Arosa) Stausee Arosa Kanton St. Gallen Albula (Bezirk) Hinterrhein (Bezirk) Imboden (Bezirk) Albula (Bezirk) Landquart (Bezirk) Prättigau/Davos (Bezirk) Chur Churwalden Tschiertschen-Praden Arosa Calfreisen Castiel Langwies Lüen Maladers Molinis Peist St. Peter-PagigKarte von Arosa
Iber des Bild
ww

Arosa isch en politischi Gmeind vom Kanton Graubünde im Bezirk Plessur i de Schwiiz. Es lit am obere Endi vum Schanfigg. De Ferie- und Erholigsort Arosa isch vor allem für sis schneesichere Skigebiet met über 70 Pistekilometer bekannt. Arosa hed öppe 2'300 Iiwohner, dezue chömed bis zu 12'500 Feriegäscht.

Geografii[ändere | Quälltäxt bearbeite]

Arosa lit am obere Endi vom Schanfigg, das isch s Tal vo de Plessur, wo in Arosa ds Quellgebiet hed und vo det bis uf Chur abe flüsst. Ds Tal, wo ursprünglich im Oste vo Chur aafangt, macht en langzogene Boge nach Süde, so dass Arosa nocher 15 km südöstlich vo Chur lit. Umgeh vo Berge liit Arosa imene braita Talchessl (3 km) uf 1'700 bis 1'900 m ü. M. Ds Dorf Arosa erschtreckt sich über 2 km Längi, am meischte Wohnige und Hüüser heds am Ober- und Untersee.

Drü Sache präged s Landschaftsbild vo Arosa, d Berge rundume, d Seeä und d Waldgrenze wo öppe uf 1'900 m ü. M. verlauft. Westlich vom Dorf heds vor allem Weide und Gröllhaldene. Talabwärts, uf de 4 Kilometer nach Litzirüti heds en dichte Nadelwald.

Seeä[ändere | Quälltäxt bearbeite]

Im Quellgebiet vor Plessur heds mehreri Seä:

di bekannte beide im Dorf:

  • Obersee (1'734 m)
  • Untersee (1'706 m)

und:

  • Älplisee (2'156 m)
  • Schwellisee (1'933 m)

Gmeindsgrenze und Nachbardörfer[ändere | Quälltäxt bearbeite]

D Gmeindsgrenze goht vom Aroser Wiishorn (2'653 m) nach Süde über ds Plattehorn und Tschirpa zum Parpaner Wiishorn (2'824 m) wiiter über ds Parpaner Rothorn (2'861 m) zum Aroser Rothorn (2980 m, und somit der höchschti Punkt vor Gmeind). Uf em Grat füehrt si vom Rothorn nach Nordoste zum Erzhorn (2'924 m) und em Älpliseehorn (2'725 m), si quert der Welschtobelbach uf 1'659 m und stigt denn weder aa zum Grat vo dr Leidflue (2'560 m), lauft um mehreri Talchammere ume und erreicht dr Sandhubel (2'764 m) und nocher ds Valbellahorn (2'763 m), das isch dr südöstlichsti Punkt ir Gmeind. Nocher heds mehreri Päss nach Davos, der Alteiner, Bärentaler und de Maienfelder Furgga, di höchschta Berga derta sind d Amselflue (2'781 m), ds Furggahorn (2'727 m) und ds Schiesshorn (2'605 m).

Dur d Lag am Endi voma Tal, und em nöd zum Gmeindsgebiet ghörende Welschtobel, isch s Gmeindsgebiet huusiseförmig und wird vo volgende Gmeinde umschlosse,

Im Norde:

  • Molinis
  • Peist
  • Langwies

Im Oste:

  • Davos

Im Süde:

  • Wiesen
  • Schmitten
  • Alvaneu
  • Lantsch/Lenz

Im Weste:

  • Vaz/Obervaz
  • Tschiertschen

Skigebiet[ändere | Quälltäxt bearbeite]

S Skigebiet erschtreckt sich über d Wisene im Nordoste (Hörnli) und Norde (Brüggerhorn). Es isch mit 70 Pischtekilometer uf 16 Pischtene eis vo de grössere im Kanton Graubünde.

Bergbahne[ändere | Quälltäxt bearbeite]

D Bergbahne werded vo de Arosa Bergbahnen AG betribe.

Luftseilbahn:

  • LAW (Luftseilbahn Arosa-(Mittelstation)-Weisshorn)

Gondelbahn:

  • Hörnliexpress
  • Innerarosa-Tschuggen

Sesselbahne:

4er:

  • Hörnli
  • Plattenhorn
  • Carmenna

3er:

  • Tschuggen Ost

2er:

  • Brüggerhorn

Skilift:

  • Ried
  • Tschuggen West
  • Tomeli
  • Prätschli

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)