Ungerundeter geschlossener Vorderzungenvokal

Us der alemannische Wikipedia, der freie Dialäkt-Enzyklopedy

Dé úngrundéte gschlosséne Vorderzungévókal isch é Lút wo in dé meisté Sproché vorkunnt. In dé phónetisché Schrift wird er durch [i] dargstellt. Bím Úßspreché vom [i] ßin d Lippé entspannt, d Zungé isch wít vorné und s Mul isch fast zü.

[ändere] Im Alemannisché

Sehr oft kunnt dé úngrundéte gschlosséne Vorderzungévókal als langé Vókal [i:] vor. In dé Schwíz wird an s lange [i:] oft au dé Lút [ε] dírekt aghängt, in Östriech und Württéberg oft au é [a]. Für den Lút wird je noch Schriebíg ie, ii, ih, ieh oder y (noch dé Dieth-Schriebíg au yy) gschriebé.

Als kurzés [i] kunnt dé úngrundéte gschlosséne Vorderzungévókal in dé ostschwízerisché Dialekte oft vor. In dé Berner, Zürcher, Basler, Aargauer, Badéner und schwöbisché Dialekte isch an sínré Stell oft dé Lút [ɪ] anstell vo [i] vor; [i] kunnt nur vor mé einzelné Vókal in ré únbetonté Silbé vor. Für [i] und [ɪ] wird meistens é einzelnés i gschriebé.

[ändere] In anderé Sproché

[ändere] Hochdýtsch

Dé lange Lút [i:] kunnt au im Hochdýtsché oft vor und wird je noch Wort durch ie, i, ih, ieh, selténer durch y realísiert. Als kurzé Lút kunnt er (im Standarddýtsch, alsó dé Dialekte rund um Hannover) nie vor. In einígé Dialekte (z.B. z Berlin) sait mer in ré únbetonté Silbé vor nur einém Vókal [i] statt [ɪ].

[ändere] Englisch

Als langé Vókal kunnt dé úngrundéte gschlosséne Vorderzungévókal am meisté als langés [i:] vor. In denné Fäll wird ee, ea, selténer i gschriebé. [i] kunnt nur am Wortend bí dé Endíg -y vor.