Dänische Sprache

Technische Yschränkung:
Dr koräkt Titel wär: »Dänischi Sproch«

Dänisch (dansk sprog)
Verbreitig:	lüeg under Amtssproch i
Sprecher:	5,3 Millione Müetersprochler 0,3 Millione Zweitsprochler
Linguistischi Klassifikation:	Indogermanischi Sproche Germanischi Sproche Skandinavischi Sproche (Nordgermanisch) Ostskandinavisch Dänisch
Unterteilige:	3 Hauptgruppe (noch Azahl Gschlæchter): Jütisch, Inseldänisch, Ostdänisch
Offizieller Status
Amtssprooch vo:	Dänemark Grönland Färöer Insle EU Nordische Root
Anerkannti Minderheitesprooch vo:	Düütschland
Sproochchürzel
ISO 639-1	da
ISO 639-2	dan
ISO 639-3	dan
SIL	dan

Di dänischi Sproch (dän. dansk sprog) ghört zu de skandinavische und dodemit zu de germanische Sproche.

[ändere] Verbreitig

Insgsamt wird Dänisch vo ca. 5,3 Millione Müetersprochler gschwätzt, dodevo 5 Millione z Dänemark selber und de Rest z Schwede, Norwege, Grönland, (Nord-)Dütschland, Kanada und in de USA.

Zweitsprochler git s vor allem z Schleswig-Holstei (8'000-10'000), aber au z Ysland.

Zwar isch s Dänisch ziemlig stark vom Nyderdütsch beyflusst worde, aber d Grænze zwüschem dütsche und em dänische Sprochberych isch e ræcht harti. Friehner isch d Sprochgrænze nit die glychi gßi wie d Landesgrænze und s hät au Dänischsprochigi z Dütschland und Dütschsprochigi z Dänemark gha.

[ändere] Dialækt

Hochsproch vom Dänisch isch de Dialækt vo Kopehage und Umgebig. S wird au als Rigsdansk (=Rychsdänisch) bezeichnet. S hät ursprünglig uff me Soziolækt vo de Obere Klass basiert. Næbem "Hochdänisch" git s e Hufe Dialækt; so hät fast jedi Insle ihr eigene. Drum könne zwüsche Däne uss verschydene Deil vo Dänemark Verständnisproblem ufftrette, woby aber hütt di meiste Däne Rychsdänisch oder e liecht dialektal beyflussti Variante devo schwätze.^[1]

[ändere] Phonology

[ändere] Vokal

Im Dänische git s di folgende 27 Vokal:

	vorne				zentral		hinde
	ungrundet		grundet		zentral		hinde
	lang	kurz	lang	kurz	lang	kurz	lang	kurz
gschlosse	iː	i	yː	y			uː	u
halbgschlosse	eː	e	øː	ø			oː	o
mittel						ə¹
halboffe	ɛː	ɛ	œː	œ		ʌ	ɔː	ɔ
offe	æː²	a		ɶ	ɑː	ɑ	ɒː	ɒ

Zudem git s insgsamt 25 Diphthong: [e:ɪ > e:], [ɛ:ɪ > ɛ:], [æ:ɪ > æ:], [ɑ(:)ɪ], [u(:)ɪ], [ʌ(:)ɪ], [i(:)ʊ], [e(:)ʊ], [ɛ(:)ʊ], [æ(:)ʊ], [a(:)ʊ], [y(:)ʊ], [ø(:)ʊ], [œʊ], [ɔ(:)ʊ], [ʌ(:)ʊ], [i(:)ʌ], [e(:)ʌ], [ɛ(:)ʌ], [æ(:)ʌ], [y(:)ʌ], [ø(:)ʌ], [œ(:)ʌ], [u(:)ʌ], [o(:)ʌ]

[ändere] Konsonante

	bilabial	labio- dental	dental	alveolar	palatal	velar	uvular	glottal
Plosiv	pʰ b̥			tˢ d̥		kʰ g̊
Nasal	m			n		ŋ
Frikativ		f		s				h
Approximante		ʋ	ð̪		j		ʁ
Lateral				l

[ändere] Ussproch

Dänisch hät zimlig vyli Vokal. Sælli 9 Vokal, wo gschrybe werre, chönne insgsamt 16 verschydeni Lut darstelle; dezüe chömme d Diphthong. Für Müetersprochler e Schwyrigkeit darstelle düet au de Knacklut; ohni den cha s allerdings zu Missverständnis cho (z.B. bi lever (=Læber) mit Knacklut und lever (=læbe) ohni en). Bi lange Vokal kunnt er vom Ænd vom Vokal, ansunschte vor em Konsonant noch em Vokal. Wenn e stimmlose Konsonant uff e kurze Vokal folgt, no hät s niene e Glottisschlag.

D Konsonante vom Dänische ßin meistens stimmlos (eso au b, d, g).

Ussproch vo de Vokal
Vokal	Ußsproche
a	* gschlosses [e] wie in "See" * hells a (IPA: æ)
e	* Schwa, IPA [ə]
i	* langs, gschlosses [i:] * zwüsche [e] und [ɪ]
o	* Diphthong [əʊ] * hells a, IPA [æ]
u	langs, gschlosses [u:]
y	* wie <ew> uff Englisch * wie s <ö> uff Dytsch
æ	* hells a, IPA [æ]
ø	* gschlosses [ø]
å	* gschlosses [o] * Diphthong [əʊ]

Ussproch vo de Konsonante
Konsonant	Ußsproch
b	normals [b], zwüsche Vokal und am Wortend [w]
c	vor Konsonante und vor a, o, u [k], sunsch simmloses s [s]
d	am Wortend und zwüsche Vokal [ð], sunsch [d] noch l, n, r und vor s, t nit ußgsproche
f	[f] wie uff Alemannisch
g	[g] wie uff Alemannisch, noch Vokal sælte ußgsproche am Silbeænd stimmhafts [g] in Fræmdwörter au [ʒ]
h	vor <j> und <v> stumm, sunsch [h] wie uff Alemannisch
j	[j] wie s Alemannischè [j] in yheimische Wörter
kʰ	normalerwis [kʰ], zwüsche Vokal und am Silbeænd stimmloses <g> [g̊]
l	[l] wie uff Alemannisch
m	[m] wie uff Alemannisch
n	[n] wie uff Alemannisch
pʰ	stimmloses [pʰ], zwüsche Vokal und am Silbeænd stimmloses <b> [b̥]
qu	[kw] wie uff Englisch
r	am Wortafang und noch Konsonant [ʁ] wie <r> uff Französisch, im Wortinnere entfallt s oder wird Deil vo me Vokal
s	wie <s> uff Alemannisch, IPA [s]
tˢ	stimmloses, aspirierts [tˢ], zwüsche Vokal und am Silbeænd stimmloses <d> [d̥]
v	am Wortænd [u] wie s gschlossenè <u> uff Alemannisch, sunsch [v] wie <w> uff Alemannisch
w	[v] wie uff Alemannisch
x	Affrikate [ks] wie <x> uff Alemannisch
z	simmloses <s> [s]

[ändere] Grammatik

Nome und Adjektive hän zwei Gschlæchter. Die heiße Neutrum und Utrum. S Utrum isch uss de beide Gschlæchter Maskulinum und Femininum zämmecho. E Ændig wo s Gschlæcht vo me Nome azeigt, git s nit.

Im Dänische werre d Nome nit an de Fall apasst. Nur für de Genitiv wird immer d Endig -s ans Nome draghängt.

De Plural wird mit de Suffixe -er oder -r bildet. Sæltener chunnt d Ændig -e vor, no sæltener gar kei Endig.

S git im Dänische zwei unbstimmti Artikel, nämlig et (Neutrum) und en (Utrum). Si stönn immer vor em Nome. Zum Usdrucke, dass s Nome bstimmt ßy soll, hänkt mer sælli Ændige (im Utrum Plural -ne statt -en) ans Nome a. In e paar Usnahme wird de Uslutkonsonant (letschte Konsonant) verdoppelt.