Wittighausen

Basisdate
Bundesland:	Bade-Württebärg
Regierigsbezirk:	Stuegert
Chreis:	Main-Tauber-Chrais
Höchi:	245 m ü. NHN
Flächi:	32,4 km²
Iiwohner:	1789 (31. Dez. 2024)
Bevölkerigsdichti:	55 Iiwohner je km²
Poschtleitzahl:	97957
Vorwahl:	09347
Kfz-Chennzeiche:	TBB
Gmeischlüssel:	08 1 28 137
Adress vo dr; Gmeiverwaltig:	Königstraße 17; 97957 Wittighausen
Webpräsenz:	www.wittighausen.de
Burgermeischter:	Marcus Wessels
Lag vo vo dr Gmei Wittighausen im Main-Tauber-Chrais
	Karte

Wittighausen (oschtfränkisch Widdichhause) isch e Gmai im Main-Tauber-Chrais z Bade-Wirttebärg. D Gmai het 1789 Yywohner (Stand: 31. Dezember 2024).

Geografi

Wittighausen lyt am Wittigbach, eme Näbefluss vu dr Tauber am Ibergang vum Ochsenfurter Gau, Gollachgau un dr Messelhäuser Hochfläche. Dr Baan bstoht us 71,7 % Landwirtschaftsflechi, 19,1 % Wald, 7,6 % Sidligsflechi un 1,6 % sunschtiger Flechi.^[2]

Nochbergmaine sin Großrinderfeld im Norde, Kirchheim un Bütthard im Oschte, d Exklave Bowiesen vu dr Gmai Igersheim im Side un Grünsfeld un Lauda-Königshofen im Weschte.

Uf em Baan vu Wittighausen lige Dail vum Europäische Vogelschutzbiet Wiesenweihe Taubergrund (syt 2007).^[3]

Gmaigliederig

Zue Wittighausen ghere d Gmaindsdail Oberwittighausen (mit em glychnamige Dorf un dr Wohnblätz Haltestelle Gaubüttelbrunn un Grenzenmühle), Poppenhausen (mit em glychnamige Dorf un em Wyler Lilach), Unterwittighausen (mit em glychnamige Dorf un dr Wohnblätz Langenmühle, Neumühle un Bahnstation Wittighausen) un Vilchband.^[4]

Gschicht

Dr Ortsname Wittighausen isch zum erschte Mol gnännt wore anne 1131 as Wittigehusen, 1242 isch zum erschte Mol unterschide in Wittingenhusen superior un Inferior Witegehusen, Poppenhausen 1184 as Poppinhusen un Vilchband 837 as Filuhonbiunte (1322 Vilchgepunt, 1491 Vilchpant).

Ober- un Unterwittighausen un au Vilchband sin Bsitz vu dr Herre vu Zimmern gsii un sin mit däne aafangs 13. Johrhundert an d Grofe vo Rieneck chuu. Um 1312 sin d Ortschafte an Stift Aschaffenburg verbfändet wore. 1488 hän d Landgrofe vu Leuchtenberg d Herrschaft kriegt. S Läche het speter dr Bischof vu Würzburg iberchuu, wu 1638 au d Herrschaft ibernuu het. Anne 1803 isch s Bischtum Würzburg im Rame vum Rychsdeputazionshauptschluss säkularisiert wore un d Ortschafte sin n d Firschte von Salm-Reifferscheidt chuu un 1806 schließli an s Großherzogdum Bade.

Poppenhausen het wie di andere Ortschafte im Mittelalter dr Herre vu Zimmern un druf dr Grofe vo Rieneck ghert un isch au um 1312 ans Stift Aschaffenburg verbfändet wore, het aber speter zue Kurmainz ghert un nit zue Würzburg. Anne 1803 isch s Erzstift Mainz im Rame vum Rychsdeputazionshauptschluss säkularisiert wore un Poppenhausen isch an s Firschtedum Leiningen chuu un 1806 schließli au an s Großherzogdum Bade.

Im Badische hän Ober- un Unterwittighausen un Vilchband zum Amt Gerlachsheim ghert, Poppenhausen zum Amt Grünsfeld, 1864 sin alli vier Ort zum Вezirksamt Tauberbischofsheim chuu, wu 1939 dr Landchrais Tauberbischofsheim drus woren isch. Im Rame vu dr bade-wirttebärgische Chraisreform isch 1973 dr Landchrais Tauberbischofsheim ufglest wore un Tauberbischofsheim un d Ortschafte sin zum neie Tauberkreis chuu, wu zum 1. Jänner 1974 in Main-Tauber-Kreis umgnännt woren isch.

= Yygmaindige

D Gmai Wittighausen isch am 1. Septämber 1971 entstande dur dr Zämmeschluss vu dr Gmaine Oberwittighausen un Unterwittighausen. Am 1. Jänner 1972 isch Poppenhausen un am 31. Dezämber 1972 Vilchband yygmaindet wore.^[5]^[6]

Yywohnerentwicklig

Johr	Yywohner
1961	1983
1970	1991
1991	1704
1995	1772
2005	1711
2010	1701
2015	1647
2020	1644

Quälle: Gemeindeverzeichnis^[7] un Aagobe vum Statistische Landesamt

Verwaltig

Wittighausen het mit dr Stadt Grünsfeld e Verwaltigsgmainschaft veryyrbart.

Burgermaischter vu Wittighausen

1971: Bruno Sinner
1972–1978: Erhard Ziegler
1978–2002: Werner Hoos
2002–2013: Bernhard Henneberger
seit 2014: Marcus Wessels

Kultur un Böuwärch

Chilche St. Martin, Poppenhausen (romanischi Wehrchilche, 11./12. Jh.)
Chilche Allerheiligen, Unterwittighausen (barock, 1739)
Chilche St. Regiswindis, Vilchband (barock, um 1753/54)
Chilche St. Ägidius, Oberwittighausen (18. Jh.)
Kapäll St. Sigismund, Oberwittighausen (12. Jh.)
Dorfmihlekapäll, Unterwittighausen (19. Jh.)
Neimihlekapäll, Unterwittighausen (noch 1. WK)
Waldkapäll, Unterwittighausen (um 1840)

St. Martin
Allerheiligen
St. Regiswindis

St. Regiswindis
St. Regiswindis, Innenaasicht
St. Ägidius
St. Sigismund
Dorfmihlekapäll
Neimihlekapäll
Waldkapäll

Dialäkt

Dr Dialäkt vu Wittighausen ghert zum Oschtfränkisch.

Literatur

Edgar Braun: Geschichtsdaten. Historiographie von Wittighausen bis 2019. Gemeinde Wittighausen 2019 (Wittighäuser Hefte 31)

Weblink

Commons: Wittighausen – Sammlig vo Multimediadateie

Websyte vu Wittighausen
Wittighausen uf LEO-BW
- Oberwittighausen uf LEO-BW
- Poppenhausen uf LEO-BW
- Unterwittighausen uf LEO-BW
- Vilchband uf LEO-BW

Fueßnote

↑ Statistisches Landesamt Baden-Württemberg – Tabellengruppe 12411: Fortschreibung des Bevölkerungsstandes zum 31. Dezember 2024 (Hilfe dazu).
↑ Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
↑ Verordnung des Ministeriums für Ernährung und Ländlichen Raum zur Festlegung von Europäischen Vogelschutzgebieten (VSG-VO).
↑ Das Land Baden-Württemberg. Amtliche Beschreibung nach Kreisen und Gemeinden. Band IV: Regierungsbezirk Stuttgart, Regionalverbände Franken und Ostwürttemberg. Kohlhammer, Stuttgart 1980, ISBN 3-17-005708-1. S. 322–324
↑ Referänz-Fähler: Uugiltige <ref>-Tag; s isch kei Täxt fir s Ref mit em Name LEO-BW.de aagee wore.
↑ Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27.5.1970 bis 31.12.1982. W. Kohlhammer, Stuttgart / Mainz, ISBN 3-17-003263-1, S. 480 f.
↑ Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27.5.1970 bis 31.12.1982. W. Kohlhammer, Stuttgart / Mainz, ISBN 3-17-003263-1.

[Metadaten_Einwohnerzahl_DE-BW-1] Statistisches Landesamt Baden-Württemberg – Tabellengruppe 12411: Fortschreibung des Bevölkerungsstandes zum 31. Dezember 2024 (Hilfe dazu).

[2] Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)

[3] Verordnung des Ministeriums für Ernährung und Ländlichen Raum zur Festlegung von Europäischen Vogelschutzgebieten (VSG-VO).

[Gemeindegliederung-4] Das Land Baden-Württemberg. Amtliche Beschreibung nach Kreisen und Gemeinden. Band IV: Regierungsbezirk Stuttgart, Regionalverbände Franken und Ostwürttemberg. Kohlhammer, Stuttgart 1980, ISBN 3-17-005708-1. S. 322–324

[LEO-BW.de-5] Referänz-Fähler: Uugiltige <ref>-Tag; s isch kei Täxt fir s Ref mit em Name LEO-BW.de aagee wore.

[6] Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27.5.1970 bis 31.12.1982. W. Kohlhammer, Stuttgart / Mainz, ISBN 3-17-003263-1, S. 480 f.

[7] Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27.5.1970 bis 31.12.1982. W. Kohlhammer, Stuttgart / Mainz, ISBN 3-17-003263-1.

[1]

[2]

[3]

[4]

[5]

[6]

[7]