Nordmazedonie

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel behandelt die ehemolig jugoslawisch Republik Mazedonie, fer witteri Bedütige lueg under Mazedonie (Begriffsklärig).


Република Cеверна Македонија

Republika Serverna Makedonija
Republik Nordmazedonie

Fahne vo Nordmazedonie
Wappe vo Nordmazedonie
Fahne Wappe
Amtspraach Mazedonisch un Albanisch
Hauptschtadt Skopje
Schtaatsform Republik
Schtaatsoberhaupt Gjorge Ivanov
Regierigschef Zoran Zaev
Flächi 25.333 km²
Iiwohnerzahl 2.063.122 Ywohner (2004)
Bevölkerigsdichti 81 Iiwohner pro km²
Bruttoinlandbrodukt 2.404 US-$ (2005)
Währig Mazedonische Denar
Unabhängigkeit 8. September 1991
Nationalhymne Denes Nad Makedonija
(Денес над Македонија)
Nationalfiirtig 2. August (Ilinde-Uffstand vo 1903)
Zitzone UTC+1
Kfz-Kennzeiche MK
Internet-TLD .mk
Vorwahl +389
LocationMacedonia.png
Mazedonien.png

Nordmazedonie, mängisch au Nordmakedonie, isch e Staat z Südosteuropa.

der Name vom Staat[ändere | Quälltäxt bearbeite]

Er hat derzitt zwei offizielli Nämme. Die amtlich Eigebezeichnig isch bis jetz mazedonisch Република Cеверна Македонија Republika Serverna Makedonija, in dr Sproch vu dr albanische Minderheit Republika e Maqedonisë), vu dr UNO, dr Europäische Union un andere internationale Organisatione isch dr Staat sit 1993 völkerrechtlich provisorisch under dr Bezeichnig Former Yugoslav Republic of Macedonia (abchürzt F.Y.R.O.M. au FYROM, uff alemannisch Ehemoligi Jugoslawischi Republik Mazedonie) anerkannt.[1]

Die amtlich Selbschtbezeichnig isch zwische dr griechische un dr slawisch-mazedonische Regierig umstritte gsi, dorüber hän joorelangi Vermittligsbemüehige under dr Schirmherrschaft vu dr Vereinte Nationen stattgfunde.

Grund fir die griechisch Argwohn isch die glichnammig nordgriechisch Provinz Makedonia. Griecheland het dr ehemolige jugoslawische Republik understellt gha, dur d'Nammenswahl Republika Makedonija fir dr Staat territoriali Asprüch uf ganz Makedonie un demit au dr griechisch Süddeil z stelle. Es isch denn i zäche Verhandlige sowyt cho, ass sech beidi Länder eins worde sind, zum die griechischi Provinz und s nöi Land klar z underscheide sell das der nöi Name Nordmazedonie ha.

Am 11. Jänner 2019 het s Parlamänt pschlosse, die Abmachig aznää. Es muess jetz dänn no Verfassig so abändere, dass dört der nöi ofiziell Staatsname drinn isch. Am 25. Jänner 2019 het au s griechische Parlamänt em Vertrag mit em Nochberland über dä nöi Name Nordmazedonie zuegstumme.

Geographischi Lag[ändere | Quälltäxt bearbeite]

Mazedonie isch die südlichscht Deilrepublik vum früehere Jugoslawie gsi un het eweng später wie Kroazie un Slowenie si Unabhängigkeit usgruefe. Es grenzt an Serbie, dr Kosovo, Bulgarie, Griecheland un Albanie.

D Hauptstadt isch Skopje.

Schribwiis[ändere | Quälltäxt bearbeite]

Im dütsche Sprochruum het sich in dr ledschde Johre e Underschidig zwische Mazedonien, wo über s Latiinisch iidütscht isch, für di ehmolig jugoslawisch Deilrepublik un dr Bezeichnig Makedonien, wo direkt us em Griechisch übernoh isch, für di historisch Region un di hütig griechisch Provinz ussibildet. Die Unterschidig isch numme e Schribempfählig – wo in dr Regel au d'Regierige z Ditschland, z Öschterrich un dr Schwiz verwende – aber in andere Sproche nüt gängig. Grad in älterer ditschsprochiger Literatur (vor dr Gründig vom Staat Mazedonie un in dr erschte Johre nooch dr Unabhängigkeit) werre Mazedonien un Makedonien sowohl fier die ehemolig jugoslawisch Republik wie au die griechisch Provinz un die gsamt Region verwendet.

Bevölkerig[ändere | Quälltäxt bearbeite]

Z Nordmazedonie wohne Lüüt vo verschidene Völker. Näbe de Mazedonier sälber läbe vil Albanier im Land; es sind öppe 25 Prozänt vo der Bevölkerig. Derzue chöme chlyneri Minderheite vo Türgge, Rumäne, Serbe und anderne Gruppe.

D Mehrheit vo de Lüüt ghöre zu der Orthodoxe Chile.

Quelle[ändere | Quälltäxt bearbeite]

  1. Anerchennig dur d'UNO: A/RES/47/225, 8. Apr. 1993