S Köönigriich Pole

Köönigriich Pole (polnisch Królestwo Polskie, latiinisch Regnum Poloniae) isch d Bezäichnig vom polnische Staat in de Joor 1000^[1] bis 1795 gsi. Vo 1815 bis 1867 isch es die offizielli Bezäichnig für s Kongräss-Pole, wo dur e Personalunion mit em Russische Kaiserriich verbunde gsi isch, gsi.

S Köönigriich Pole het äntwääder im Joor 1000 aagfange, wo dr Kaiser Otto III. d polnisch Herzog Bolesław I. zum Status vom e „Brueder und Hälfer vom Römische Riich“ erhoobe het, oder wo sich dr Bolesław I. 1025 churz vor sim Dood sälber zum Köönig vo Pole kröönt het. S spöötere Polnisch-Litauische Riich isch 1795 mit dr Dritte Däilig vo Pole und dr Abdankig vom Köönig Stanisław August Poniatowski, wo vo Russland, Ööstriich und Pröisse erzwunge worde isch, undergange.

Charte vom Köönigriich[ändere | Quälltäxt bearbeite]

S Köönigriich Pole um 1020 under dr Piaste-Dünastii.
S Köönigriich Pole (aagschriibe mit R. Poloniae) südlig vom Herzogdum Pommern (aagschriibe mit D. Pomeraniæ) und südwestlig vo Pröisse (aagschriibe mit Pruzzia) uf ere Landcharte vo westslawische Völker und Riich (gääl umrandet) bis 1125. Pröisse isch kä slawischs Land gsi.
S Köönigriich Pole under em Köönig Wenzel (I.) Root: diräkti Herrschaft as Landesherr (verdrätte vo „Capitanei“). Blau: Piastischi Däilherrschafte, wo sini Suzeränidäät anerkennt häi. Grau, Grüen und Veielett: Piastischi Däilherrschafte, won en 1301 nonig as Suzerään und Köönig vo Pole anerkennt häi.
S Köönigriich Pole vo 1386 bis 1434 under dr Herrschaft vo de Jagiellone, wo au s Groossfürstedum Litaue, und d Köönigriich Bööme, Kroazie und Ungarn beherrscht häi.
Die Aristokratischi Republik Pole-Litaue um 1619, d Gebiet wo von ere abhängig gsi si, inklusiv: d Herzogdümer Pröisse, Kurland und Livland.
Die Aristokratischi Republik Pole-Litaue im 18. Joorhundert (änglischi Charte)
Kongrässpole, 1815–1867

Litratuur[ändere | Quälltäxt bearbeite]

Emil von Sydow: Das Königreich Polen. Topographie und statistische Skizzen. Leipzig 1864 (onläin)
Verwaltung und Reformen im Königreich Polen von 1815 bis 1867. 2. Uflaag, Berlin 1869 (onläin)
Fedor Possart, Józef Lukaszwewicz und Adolph Mulkowski: Das Königreich Polen und der Freistaat Krakau. Stuttgart 1840 (online)
Martin Cromer: Beschreibung des Königreichs Polen. Mit einigen Anmerckungen herausgegeben von Andreas Schott. Dantzig 1741 (onläin).

Fuessnoote[ändere | Quälltäxt bearbeite]

↑ Johannes Fried: Otto III. und Bolesław Chrobry. Das Widmungsbild des Aachener Evangeliars, der „Akt von Gnesen“ und das frühe polnische und ungarische Königtum. Eine Bildanalyse und ihre historischen Folgen, Stuttgart 1989, ISBN 3-515-05381-6.

Dä Artikel basiert uff ere fräie Übersetzig vum Artikel „Königreich_Polen“ vu de dütsche Wikipedia. E Liste vu de Autore un Versione isch do z finde.

[1] Johannes Fried: Otto III. und Bolesław Chrobry. Das Widmungsbild des Aachener Evangeliars, der „Akt von Gnesen“ und das frühe polnische und ungarische Königtum. Eine Bildanalyse und ihre historischen Folgen, Stuttgart 1989, ISBN 3-515-05381-6.

[1]