Neuewäg

Neuenweg Gmeind Chleis Wiisedal
	Wappe vo Neuenweg
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Höchi:	722 m
Flechi:	12,65 km²
Iiwohner:	321
Bevölkerigsdichti:	25 Iiwohner/km²
Iigmeindig:	1. Januar 2009
Regierigsbezirk:	Fryburg
Landchreis:	Lörrach
Poschtleitzahl:	79691
Vorwahl:	07673
Nummereschild:	LÖ

Koordinate: 47° 47′ 43″ N, 7° 49′ 39″ O

Dialäkt: Markgräflerisch (Lörrach)

Neuewäg ['nɔɪə,væ:g] (amtlig Neuenweg) isch e ehemoligi Gmei in Bade-Württeberg (Dütschland) un ghört zum Landkreis Lörrach.

Die ehemolig Gmei ghört sit em 1.1.2009 zue dr neije Gmei Chleis Wiisedal mit Hauptort Dägernau, wo ussem gliichnammige Gmeiverwaltigsverband hervorgange isch. D'Umwandlig vum Gmeiverwaltigsverband in e Verbandsgmei isch us finanzieller Not erfolgt.

Geografy

Neuewäg isch als Erholigsort staatlig aerkännt und isch im Naturpark Südschwarzwald im Dal vo de Chleine Wiese uff re Höchi vo 700 bis 1400 Meter. S Gmeindegebiet vo derre letschte Sydlig am Änd vom Dal goht bis uff de Gipfel vom Belche. 89 Prozänt vo de Gmeindflächi werre aber durch Wald bedeckt.
D Gmeind gränzt im Norde an Münschterdal im Landchreis Brysgau-Hochschwarzwald, im Oste an d Stadt Schönau im Schwarzwald und Bölle, im Süde an Bürchau und Raich, im Weste an Wies.

Zu de Gmeind ghöre s Dorf Neuewäg, d Wyler Hinderheubrunn, Mittelheubrunn und Vorderheubrunn und d Zinke Belchehöf und Sägemättle.

Gschicht

Neuewäg isch im Johr 1278 in re Schenkigsurkunde vom Chloster St. Blasie zum erschte Mol erwähnt worre. De Ort hät zu de Marchgrafschaft Bade-Durlach ghört und isch mit säller in de Reformationszit protestantisch worre. Bis zu me Brand 1903 hät s z Neuewäg no Hüser mit Strohdächer gha.

Kultur und Sehenswürdigkeite

S gsamte Belchemassiv mit em Südhang z Neuewäg isch sit 1949 e Naturschutzgebiet. Do hät s e sälteni, deilwis alpini Vegetation.
Au de Karsee Normatteweiher im Wald oberhalb vo Heubronn uff 915 Meter stoht under Naturschutz. Er isch e Relikt vo de yszitlige Vergelschterig vom Schwarzwald. Im Weiher dinne schwimmt e Torfinsle.