Chleis Wiisedal

Wappe	Dütschlandcharte
	47.7197222222227.7944444444444
Basisdate
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Lokalvariante:	südl. Markgräflerisch
Bundesland:	Bade-Württebärg
Regierigsbezirk:	Friburg
Landchreis:	Lörrach
Flächi:	77,8 km²
Iiwohner:	2818 (31. Dez. 2022)
Bevölkerigsdichti:	36 Iiwohner je km²
Poschtleitzahl:	79692
Vorwahle:	07622, 07629, 07673
Kfz-Chennzeiche:	LÖ
Gmeischlüssel:	08 3 36 107
Adress vo dr Gmeiverwaltig:	Landstraße 10 79692 Chleis Wiisedal
Webpräsenz:	http://www.gvvkw.de
Burgermeischter:	Gerd Schönbert (parteilos)
Lag vo dr Gmei Chleis Wiisedal im
Charte

Charte vu dr Gmei Chleis Wiisedal

Chleis Wiisedal (amtlich Kleines Wiesental) isch e Gmei im Landchreis Lörrach in Bade-Württeberg, wo am 1. Jänner 2009 us em us finanzieller Not borene Zämmeschluss vu dr bis dert selbständige Gmeinde Bürchau, Dägernau, Elbeschwand, Neiewäg, Raich, Sallneck, Wys und Wyslet entstande isch.

Geographi

Die nej Gmei lit im üsserschte Südweschte vum Schwarzwald. Dr Bann erstreckt sich vum Südhang vum Belche bis zue dr Mündig vu dr Chleine in die Gross Wiise.

Gschicht

Ursprünglich isch s'Dal in zehn Gmeinde ufdeilt gsi. Am Aafang vu dr 1970er-Johre sin die zwä südlichschte Gmeinde Langenau und Enkestei uf Schopfe igmeindet worre. Die anderen acht Gmeinde hän sich im Gemeindeverwaltungsverband Kleines Wiesental zämmegschlosse. Mit Iwohnerzahle zwische 166 un 657 Lit hän si zue dr bevölchrigsärmschte selbständige Gmeinde in Bade-Württeberg ghert un sin uf ständigi Alimentierig dur dr Landeshushalt agwiise gsi.

Uf d'Anchündigung vum Regierigspräsidium Friburg, sälle so gnennte Bedarfsgmeinde vu anno 2010 a keini Zueschüss meh zum Usgliich vu dr Verwaltigshushalte z'gwähre, un as Üsweg d'Zämmenlegig vu dr acht Gmeinde as Uswäg us dr drohende Finanznot vorgschlage - e Agebot, wo si nit hän ablähne chänne.

In ere Bürgeranhörig am 6. Juli 2008 hän sich in dr acht Gmeinde bi - us Protescht gege die alternativlos gmacht Fusion - gringer Wahlbeteiligung 87 Prozent vu dr abstimmende Iwohner fier d'Gründig vu ere Einheitsgmei usgsproche. Am 8. Oktober 2008 hän die acht Gmeindrät dorum dr Zämmeschluss zum 1. Jänner 2009 beschlosse. Dr Vertrag isch am 21. Oktober 2008 underzeichnet worre, so dass dr Gmeiverwaltigsverband in d'Verbandsgmei zum neije Johr umgwandelet worre isch.

Bürgermeister isch sit de Wahl vom 19. Abril 2009 de Gerd Schönbett (parteilos).

Im Zug vu dr Zämmelegig het d'Gmei au e eiheitlichi Boschtleitzahl kriegt. Sällewäg het mer müesse einigi Strosse umdaife, wil d'Boscht fier d'Zuestellig eiditigi Strossenämme verlangt. Wie scho d'Zwangsfusion isch au d'Umdaifi vu Strosse un Wäg nit grad umjubelt worre.

Wahle

Ergebnis vo dr Landdagswahle sit 2006:

Johr	CDU	SPD	FDP	Grüeni	Linki1	AfD	Suschtigi
2016	24,6 %	16 %	7,9 %	31,5 %	1,9 %	13,4 %	4,8 %
2011	31 %	26,6 %	5,7 %	27,1 %	2,6 %		7,1 %
2006	42,4 %	29,9 %	7,3 %	8,7 %	3,6 %		8 %

¹ 2006: WASG, sit 2011: Die Linke

Wappe

Die nej Gmei het noch kei eiges Wappe. Alli Vorgängergmeinde un jetzige Ortsdeile füehre aber eins.

Wappe vu dr ehmolige Gmeinde
Bürchau	Elbeschwand	Neieweg	Raich	Sallneck	Dägernau	Wys	Wyslet

Lüt

• Else Wittum (1927–2022), Heimetdichteri

Weblink

•  Commons: Chleis Wiisedal – Sammlig vo Multimediadateie
• Webpräsenz vu dr Gmei Chleis Wiisedal

Einzelnochwis

Dä Artikel basiert uff ere fräie Übersetzig vum Artikel „Kleines_Wiesental“ vu de dütsche Wikipedia. E Liste vu de Autore un Versione isch do z finde.