Elbeschwand

Elbenschwand Gmeind Chleis Wiisedal
	Wappe vo Elbenschwand
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Lokalvariante:	Wysedälerisch
Höchi:	527 m
Flechi:	6,76 km²
Iiwohner:	161
Bevölkerigsdichti:	24 Iiwohner/km²
Iigmeindig:	1. Januar 2009
Regierigsbezirk:	Fryburg
Landchreis:	Lörrach
Poschtleitzahl:	79692
Vorwahl:	07629
Nummereschild:	LÖ

Koordinate: 47° 45′ 44″ N, 7° 50′ 9″ O

Dialäkt: Markgräflerisch (Lörrach)

Elbeschwand (amtlig Elbenschwand) isch e ehemoligi Gmei in Bade-Württeberg (Dütschland) un ghört zum Landkreis Lörrach.

Die ehemolig Gmei ghört sit em 1. Jänner 2009 zue dr neije Gmei Chleis Wiisedal mit Hauptort Dägernau, wo uss em gliichnammige Gmeiverwaltigsverband hervorgange isch. D Umwandlig vum Gmeiverwaltigsverband in e Verbandsgmei isch us finanzieller Not erfolgt.

Geografy

Elbeschwand litt im Naturapark Südschwarzwald im Dal vo de Chleine Wyse zwüsche 500 und 1000 Meter über em Meer. D Gmeind gränzt im Norde an Bürchau, im Oste an Fröhnd, im Süde an Zell, im Südweste an Tegernau und im Weste an Raich.

72 Prozänt vo de Elbeschwander Flächi sin Wald. D Gmeind wird in d Dörfer Elbeschwand (Hinder- und Vorderdorf), Holl und Langesee und d Hüser Buck. Usserdem ligt d Wiestig Gebinbach in de Gmarkig.

Gschicht

Elbeschwand isch im Johr 1278 in re Schenkigsurkunde vom Kloster St. Blasie zum erschte Mol erwähnt worre. S Kloster isch de Grundherr bis zu de Säkularisierig im Johr 1806.

Langesee isch 1934 ygmeindet worre, Holl hät sällemols scho zu Langesee ghört.