Fröhnd

Basisdate
Dialekt:	Alemannisch
Hauptvariante:	Hochalemannisch
Regionalvariante:	Markgräflerisch
Bundesland:	Bade-Württebärg
Regierigsbezirk:	Fryburg
Landchreis:	Löörech
Höchi:	554 m ü. NHN
Flächi:	16,2 km²
Iiwohner:	487 (31. Dez. 2024)
Bevölkerigsdichti:	30 Iiwohner je km²
Poschtleitzahl:	79677
Vorwahl:	07673
Kfz-Chennzeiche:	LÖ
Gmeischlüssel:	08 3 36 025
Adress vo dr; Gmeiverwaltig:	Unterkastel 21; 79677 Fröhnd
Webpräsenz:	froehnd.de
Burgermeischteri:	Tanja Steinebrunner
Lag vo dr Gmei Fröhnd im Landchreis Löörech
	Karte

Dialäkt: Markgräflerisch (Lörrach)

Fröhnd [IPA: fʀø:nd] isch e Gmeind im Landchreis Lörrach in Bade-Württeberg, Dütschland. S isch Mitglyd vom Gmeindeverwaltigsverband Schönau im Schwarzwald.

Geografy

Fröhnd litt im Wiesedal uff 500 bis 1200 Meter im Naturapark Südschwarzwald. Nochbergmeinde sin Schönau im Schwarzwald, Wembach und Tunau im Norde, Präg-Herreschwand (Todtnau) im Oste, Häg-Ehrsberg und Zell im Wiesedal im Süde und Elbeschwand und Bürchau im Weste.

Zu Fröhnd ghöre d Wyler Hinderholz, Hof, Itteschwand, Kastel, Künaburg, Nyderhepschinge, Oberhepschinge, Stutz und Vorderholz und d Hüser Kastler und Künabergermiehli. Im Gmeindegebiet liige d Wiestige Bursdal, Hungerberg, Danne und Mittelholz.

Gschicht

Fröhnd isch e Zämmefassig vo nün Wyler und zwei Einzelhüser. De Name vo de Gsamtgmeind isch vo de alte Landschaftsbezeichnig Froehnde hergleitet worre. De Grundherr „uff de Fröhnde“ isch s Chloster St. Blasie gsi; sällem isch au d Grichtbarkeit understande. Mit de Säkularisierig vom Kloster 1806 isch s Gebiet zum Großherzogtum Bade cho, wo sällemols neu gschaffe worre isch.

Wahle

Ergebnis vo dr Landdagswahle sit 2006:^[2]

Johr	CDU	SPD	FDP	Grüeni	Linki¹	AfD	Suschtigi
2016	35,1 %	6,4 %	4,4 %	36,3 %	1,6 %	10,8 %	5,6 %
2011	54,3 %	18,6 %	4 %	15,4 %	3,6 %		4 %
2006	65,9 %	16,6 %	6,8 %	3,9 %	2 %		4,9 %

¹ 2006: WASG, sit 2011: Die Linke

Bildig

Z Fröhnd git s kei Kindergarte und kei Schüel. Grund- und Hauptschieler gönn z Schönau im Schwarzwald uff d Schüel, dört hät s au e Gymnasium. Di nächsti Realschüel isch z Zell.