Gotthard-Gruppe

Us der alemannische Wikipedia, der freie Dialäkt-Enzyklopedy
Gotthard-Gruppe
Gotthard-Gruppe.png
In dr Mitte vu dr Gotthard-Gruppe lyt dr Pizzo Centrale 2'999 m ü. M.

In dr Mitte vu dr Gotthard-Gruppe lyt dr Pizzo Centrale 2'999 m ü. M.

Höchst Gipfel Pizzo Rotondo (3'192 m ü. M.)
Deil vo Weschtalpe
Koordinate 695056 / 159409Koordinate: 46° 35′ N, 8° 41′ O; CH1903: 695056 / 159409
Flechi 700 km²

ffff

D Gotthard-Gruppe[1], au Gotthardbärg[2] gnännt, isch e Gebirgsgruppe in dr Schwyz im eschtlige Dail vu dr Weschtalpe, wu iber d Kanten Üri, Graubünde, Wallis un Tessin goht. Ire hegschte Gipfel isch dr Pizzo Rotondo (3'192 m ü. M.), wu sidwechstli vum Gotthardpass lyt.

In dr Alpenyydailig no SOIUSA un SAC giltet d Gotthardgruppe nit as sälbschtändigi Gruppe un wird statt däm verschidene Nochbergruppe zuegornet.

Lag un Flechi[ändere | Quälltäxt bearbeite]

S Biet wird (im Uhrzaigersinn ab Nord) umgränzt vum Oberalppass, Vorderrhy, Rein da Medel, däm sym linke Quällfluss Froda, Lukmanierpass, Brenno, Tessin, Nufenepass, Ägene (au Ägina, linke Zuefluss zur Rhone), Rottu (Oberlauf vu dr Rhone), Furkapass, Furkarüüss un Oberalprüüss un deckt e Flechi vu 700 km2.[2]

Gruppe un Gipfel[ändere | Quälltäxt bearbeite]

D Gotthardbärg wäre in die segs Untergruppe yydailt:[2]

Däler un Ortschafte[ändere | Quälltäxt bearbeite]

Im Innere vu dr Gruppe git s nume churzi Däler, d Ortschafte sin wäge däm am Rand: Oberwald, Realp, Hoschpetal, Andermatt, Biasca, Giornico, Faido, Airolo un Bedretto. Am sidlige Änd vum Leventina isch dr niderscht Punkt uf 292 m ü. M., dodermit git s e Differänz zum hegschte vu 2900 m.

Klima un Wasser[ändere | Quälltäxt bearbeite]

S Gsamtbiet stoht unter em Yyfluss vu zwoo Klimazone: Im Norde vu dr atlantische Weschtwindzone un im Side vum Mittelmeerklima. Sidli vu dr Kammlinie falle weniger Niderschleg un d Zahl vu dr Sunneschyystunde isch hecher. D Glätscher sin do ender chlai, väm allgmaine Ruggang ganz abgsää.

Dr grescht Dail vu dr Gruppe, mitsamt dr Hauptgipfel, ghert geologisch zum Gotthardmassiv, wu di vier Fliss Rhone, Rhy (as Rein da Tuma), Rüüss un Ticino entspringe un dr Vier-Quälle-Wäg aaglait woren isch.

Uf em Alpehauptkamm nume ne bitzli eschtli vum hegschte Bärg vu dr Gruppe bim Pt. 3025 (eme Näbegipfel vum Witewasserestock) lyt dr Wasserschaidpunkt zwische Rhy, Rhône un Po. An ebe däre Stell dräffen au d Kanten Üri, Tessin un Wallis zäme.

Weblink[ändere | Quälltäxt bearbeite]

 Commons: Unter: Lepontinischi Alpe – Sammlig vo Multimediadateie

Fueßnote[ändere | Quälltäxt bearbeite]

  1. Bärgalbum no Johannes Führer in "Bergwelt" 1980, S. 38 ff.
  2. 2,0 2,1 2,2 Ernst Höhne: Knaurs Lexikon für Bergfreunde / Die Alpen zwischen Matterhorn und Bodensee. Droemer Knaur, München 1987, ISBN 3-426-26223-1, S. 124 f.



Information icon.svg Dä Artikel basiert uff ere fräie Übersetzig vu dere Version vum Artikel „Gotthard-Gruppe“ vu de dütsche Wikipedia. E Liste vu de Autore un Versione isch do z finde.