Gotthardmassiv

Us der alemannische Wikipedia, der freie Dialäkt-Enzyklopedy
Hops zue: Navigation, Suech

S Gotthardmassiv isch es Schwiizer Gebirgsmassiv im Gränzgebiet vo de Kantön Graubünde, Tessin, Wallis und Uri. S Gotthardmassiv häd sin Name vom Gotthardpass.

S Zentrum vom öschtliche Gotthardmassiv mit em Pizzo Centrale (2'999,3 m ü. M.).

Geographii[ändere | Quälltäxt bearbeite]

Als geographischi Gränze vom Gotthardmassiv gälted s Gadmentaal, de Suschtepass (2'224 m ü. M.), s Mäietaal und s Maderantertaal im Norde, im Weschte de Grimselpass (2'164 m) won s vom Aaremassiv tränne tuet und de Nufenepass (2'478 m). Im Süüde sind s s Bederettotal und d Leventina, im Oschte de Bernhardinpass (2'065 m).

En Bäärg won Gotthard ghäisst gits nöd. Rächts und linggs vom Gotthardpass sind de Pizzo Centrale und d Fibbia. Di högschte Gipfel vom Gotthardmassiv sind de Dammastock (3'630,3 m), de Pizzo Rotondo (3'192 m) der Oberalpstock (3'328 m) und s Riiwaldhorn (3'402 m).

Hydrologii und Geologii[ändere | Quälltäxt bearbeite]

Felsblöck vom Gotthardmassiv uf em Pass obe

Vom hydrologische Standphunkt här isch es intressant zum Wüsse, das i dem Gebirgsmassiv di europäischi Wasserschäide zwüschet em Mittelmeer und de Nordsee isch. Die vier groosse Flüss vo de Schwiiz, de Rii (flüüsst i Richtig Oschte ewägg), d Roone (flüüsst i Richtig Weschte), d Rüüss (i Richtig Norde) und de Tessin (Süde) händ iri Quäle da obe.

D Stei vom Gotthardmassiv sind Gneis. De Stei isch elter als di undere Steischichte, wil sich bim Gotthard di geologische Schichte überenand gschobe händ.

Vercheer[ändere | Quälltäxt bearbeite]

S Gotthardmassiv oder churz, de Gotthard, häd e wichtigi Rolle im Transitvercheer. I de Nord-Süd-Richtig sind de St. Gotthardpass (2'106 m ü. M.) und de Lukmanierpass (1'915 m) im Gotthardmassiv. I de Oscht-Wescht-Richtig sind s de Oberalppass (2'044 m) und de Furkapass (2'429 m).

Dur de Gotthard füert sit 1882 de 15'003 m langi Gotthard-Scheiteltunnel vo de SBB, sit 1980 de 16'942 m langi Gotthard-Strossetunnel und de rund 57 km langi Gotthard-Basistunnel, wo am 11. Dezember 2016 sin Betriib ufnee söll.

Weblink[ändere | Quälltäxt bearbeite]