Leone-Gruppe

Leone-Gruppe
Blick in d Leone-Gruppe vu dr Belalp. Blick in d Leone-Gruppe vu dr Belalp.
Höchst Gipfel	Monte Leone (3'553 m ü. M.)
Deil vo	Weschtalpe
Koordinate	659213 / 13135746.3318.20763553
Flechi	748 km²

ffff

p4

p5

D Leone-Gruppe isch e Gebirgsgruppe im eschtlige Dail vu dr Weschtalpe. Si lyt im Gränzebraich zwische dr Schwyzer Kanteen Wallis un Tessin un dr italienische Provinz Verbano-Cusio-Ossola in dr Region Piemont. Dr hegscht Bärg isch dr Monte Leone 3'553 m ü. M., wu d Staatsgränze iber dr Gipfel lauft.

Lag un Flechi

S Biet wird (im Uhrzaigersinn ab Nord) umgränzt vu dr Ägene (au Ägina, linke Zuefluss zum Rottu), Nufenepass, Tessin, San Giacomo, Toce, Diveria, Chrummbach, Simplonpass, Taferna, Saltina un em Oberlauf vum Rottu un deckt e Flechi vu 748 km².

Gruppe un Gipfel

D Leone-Gruppe wird au unte em Name Monte-Leone-Blinnenhorn-Gruppe as Untergruppe vu dr Walliser Alpe bschribe.. In dr Alpenyydailige no SOIUSA un SAC goht d Leone-Gruppe in dr Monte-Leone-Sankt-Gotthard-Alpe uf, wu au Dail vu dr Gotthard-Gruppe derzue ghere.

Wichtigi Gipfel sin:

• im Sidweschte dr Monte Leone 3'553 m ü. M.
• im Nordoschte s Blinnehorn 3'374 m ü. M.,
• derzwische s Ofehorn 3'235 m ü. M.

E weng nerdli – scho ganz in dr Schwyz – lige d Gipfel:

• Helsehorn 3'272 m ü. M.
• Hillehorn 3'181 m ü. M.

Däler un Ortschafte

Sidweschtli vum Blinnehorn lyt s Binntal un in ihm dr ainzig Ort Binn. Di andere Ortschafte sin usse drumume: Pumat, Baceno, Crodo, Gondo, Simplon, Brig, Fiesch un Ulriche. Am Sidzipfel bi Crevodossola im Eschedal isch dr niderscht Punkt uf 288 m ü. M..

Weblink

 Commons: Unter: Lepontinische Alpe – Sammlig vo Multimediadateie

• Deine Berge: Leone-Gruppe – Bärgstyger- & Wander-Portal
• Leone-Gruppe bi outdooractive

Fueßnote

Dä Artikel basiert uff ere fräie Übersetzig vu dere Version vum Artikel „Leone-Gruppe“ vu de dütsche Wikipedia. E Liste vu de Autore un Versione isch do z finde.