Benutzer Diskussion:Holder/Archiv10

Zürcher Bibel 1531: "y"

Bitte überprüfen Sie meine Aktionen: ich fing an, die Zürcher Bibel 1531 zu Lesen und sah, dass auf Seite 32 in der "Die gantze Bibel.pdf " von www.e-rara.ch gedruckt: himmel, tieffe. Also erlaubte ich mir, "y" in "i" zu ändern https://als.wikipedia.org/wiki/Text:Froschauer_Bibel_(1531)/Genesis._Das_erst_Buoch_Mose.#Das_erst_Capitel . Ich Schreibe Ihnen für den Fall, dass es Gründe für " y " gibt, von denen ich nicht weiß, entschuldige mich. Vitaly Litemin, VSL56 (Diskussion) 12:02, 4. Jan. 2019 (MEZ)

Imfochaschte für d Länder

Guete Daag, Holder. I ha scho es baar mol gseh, ass i der Vorlag für die Imfochäschte vo de Länder e Funkzion dinn isch, wo die roote Verchnüpfige uf separati Artikel für s Wappe und für d Faane verwyse. Abgseh dervo, dass men uf Alemannisch doch eender Faane weder «Flagge» seid und drumm die Verwystitel müesste gänderet wärde, halti das für en unrealistischi Boustell. I glaub nit, ass mol öpper die vierhundert oder no vil meh chlyne und stereotype Artikel schribt. Nid emol zum Artikel «Dütschland» git s die zwöi Syte (wo doch s düütsche Wappe en sehr en inträssanti Gschicht het), und bim Schwiizer Artikel verwyse beide Link uf die gnau glychi Syte. Wie wärs wenn me bi allne Staatsartikel die Link würd usenää und der Begriff schwarz lies – oder me chönt bi alne eifach algemein uf d Artikel «Wappe» und «Faane» verwyse. E schöne Gruess --Ark001 (Diskussion) 11:14, 12. Jan. 2019 (MEZ)

Sali Ark001. Du hesch rächt, die Link uf Artikel zue Fahne un Woobe sin aigetli iberflissig, ich haa si jetz us dr Infobox uusegnuu un au us allne Länder-Artikel. Grueß --Holder (Diskussion) 15:27, 12. Jan. 2019 (MEZ)

Vile Dank für die groossi Arbet; i stuune, wie vil Artikel das gsi sind, und bi de fälende Byträg het’s starch gminderet. Gruess --Ark001 (Diskussion) 15:45, 12. Jan. 2019 (MEZ)

Darfi do derzue no mit öppis wyterem choo? Bi de Syte über d Bundesstaate vo den USA isch none komischeri Form für d Verwys uf d Fääne und Sigel dinn (i der änglische WP stoot derfür flag und seal); es heisst bi üüs eifach (Details), wie übrigens au i der düütsche WP ! Das het doch eigentlech gar kei Sinn, oder nid? Sorry, und e Gruess --Ark001 (Diskussion) 11:39, 14. Jan. 2019 (MEZ)

Sali Ark001. Ich haa d Infobox fir US-Bundesstaate umböue un die (Details) uf Fahne bzw. Sigle gänderet. --Holder (Diskussion) 22:02, 14. Jan. 2019 (MEZ)

Danke au do derfüür! --Ark001 (Diskussion) 21:28, 16. Jan. 2019 (MEZ)

Schrybwettbewärb 2018

Hoi Holder. Me darf dir gratuliere, ass di Artikel über d Bénédicte Keck dr 3. Blatz im Schrybwebbewärb het. Härzliche Glückwunsch! – Schön, wie vil Nöis bi däm Projäkt usecho isch. --Ark001 (Diskussion) 21:28, 16. Jan. 2019 (MEZ)

Jahrestag

Salü Holder, just am 200. Geburtstag isch de Artikel Alfred Escher gschribe worde. Ich hane denn i de Hauptsyte-Rubrik mit de Jahrestäg yträit. Offebar wird die hüt aber nümme aktualisiert. Vilicht chönntsch du ja das ändere. Gruess, --Pakeha (Diskussion) 10:56, 20. Feb. 2019 (MEZ)

Sali Pakeha, d Houptsyte hangt ab un zue e weng hinterhär. Bi mir wird dr Escher aber aktuäll aazaigt. LG --Holder (Diskussion) 10:59, 20. Feb. 2019 (MEZ)

Bi mier äbe immer no nid. Aber das isch scho guet. --Pakeha (Diskussion) 11:07, 20. Feb. 2019 (MEZ)

L'Haÿ-les-Roses

Hi Holder,
des isch scho dr zwoide Ardikl vo der IP, mo nix isch. I denk, des isch Mutwilla, r kennd se nemle mid WP aus. Gruaß AVS - Beidräg zom Portal:Schwoba 09:15, 1. Mär. 2019 (MEZ)

Sali Avernarius. Jo guet, s git e Hufe Lyt, wu sonigi Pseudo-Artikel in alli meglige Sprochversione vu dr Wikipedia aalege. Du hesch dyni Ergänzige jetz uf Hochdytsch in Artikel dryygsetzt. Wettsch des no ibersetze? Du chasch rueig dr ganz Artikel in dy Schwebisch ibersetze. --Holder (Diskussion) 11:55, 1. Mär. 2019 (MEZ)

Vorlage Ort in Frankreich

Hi,
Beim Ergänza vo L’Haÿ-les-Roses han e en Paris (schbigga wella) gseha: Bevelkerungsdicht Expression-Fähler: Nit erwartete Operator: / Iiw./km2 drom lass e s au bei L’Haÿ-les-Roses. Gruaß AVS - Beidräg zom Portal:Schwoba 10:08, 1. Mär. 2019 (MEZ)

Ich haa die Vorlage, wu do gfählt hän, jetz aaglait. --Holder (Diskussion) 11:55, 1. Mär. 2019 (MEZ)

Au

Was isch do bassierd? Gruß AVS - Beidräg zom Portal:Schwoba 09:32, 5. Mär. 2019 (MEZ)

Sonigi Uusrutscher mien nit uubedingt ebis haiße, des cha au aifach e Softwarefähler syy, des het s vyl. Aber villich het au irgedeber die Syte gfunde un si per Mail, per Facebook, per Whatsapp oder wie au immer rumgschickt. --Holder (Diskussion) 09:41, 5. Mär. 2019 (MEZ)

Rückgängig gmacht

Morom? AVS - Beidräg zom Portal:Schwoba 09:21, 8. Mär. 2019 (MEZ)

Churzzeiche für Nordmazedonie

Guete Dag, Holder. I dr Lischte vom Wälterb hani s Chürzel für Nordmazedonie jetz zum Buechschtabe N verschobe. Es zeigt aber nid ufe richtig Artikel. Wie cha me das korigiere? Und das falsche Simbol Nordmazedonien Nordmazedonie chunt au süsch no uf es bar Syte vor. E Gruess --Ark001 (Diskussion) 17:38, 3. Apr. 2019 (MESZ)

Sali Ark001, isch gmacht. Grueß --Holder (Diskussion) 18:02, 3. Apr. 2019 (MESZ)

Es Dankeschön! --Ark001 (Diskussion) 18:07, 3. Apr. 2019 (MESZ)

Wechselkursdaten/EZB

Hallo, Holder, wollte Dich auf diese Anfrage hinweisen: w:de:Benutzer_Diskussion:GiftBot#Vorlage:Wechselkursdaten/EZB --Murma174 (Diskussion) 13:06, 4. Apr. 2019 (MESZ)

Abstimmig

Hoi Holder: da cha nöd stimme: „Mendig, 18. April am 0:00 Uhr aa un goot bis zum Zytschig, 17. Mai“. Da wäär doch eender Dunncshitg bzw. Frittig. --al-Qamar (Diskussion) 21:34, 8. Apr. 2019 (MESZ)

Stimmt, ich haa s korrigiert. --Holder (Diskussion) 21:43, 8. Apr. 2019 (MESZ)

Twi

Hallo Holder. Könntest Du bitte https://tw.wikipedia.org/wiki/The_Thunder_are_Good löschen? Falsche Sprache. Twi Wikipedia hat keinen Admin. Danke. --Gereon K. (Diskussion) 12:44, 13. Apr. 2019 (MESZ)

Hallo Gereon K.. Ist gelöscht. --Holder (Diskussion) 12:55, 13. Apr. 2019 (MESZ)

als.wp hat leider keine Danke-Funktion, deshalb hier mein geschriebener Dank. --Gereon K. (Diskussion) 12:57, 13. Apr. 2019 (MESZ)

Wikidata request - Main Page interwiki - Deletion of closed Wikinews projects

Hello,

I am looking for a way to remove locked wikinews projects (sd, hu, th) from the interwiki list. Unfortunately for me, d:Q5296 seems to be a protected page, and I do not have privileges to execute this move.

According to page histories, you have already removed some closed wikis from the list, so I have turned to you directly.

I think soft-closed (still editable) wikinews projects (sv, no, fi) should be left there to be seen.

Thank you for your time.

-- Xbspiro (Diskussion) 14:22, 15. Apr. 2019 (MESZ)

Please have a look here. I still tried it. --Holder (Diskussion) 15:41, 15. Apr. 2019 (MESZ)

Okay, I thought that their presence has just been overlooked - apparently removing them is not a straightforward step. Thank you again. - Xbspiro (Diskussion) 17:22, 15. Apr. 2019 (MESZ)

AutoWikiBrowswer

Hallo Holder ich möchte hier AutowikiBrowser für Kleinigkeiten nutzen, habe hier aber keine Richtlinie gefunden. Darf ich mich einfach in die Liste eintragen oder muss ich mir die Nutzung erst genehmigen lassen?--WikiBayer (Diskussion) 18:18, 7. Mai 2019 (MESZ)

Hallo WikiBayer, du kannst dich einfach in die Liste eintragen und den AWB nutzen. Falls wir das Gefühl bekämen, dass da etwas falsch läuft, ´könne wir dich immer noch ansprechen. Gruß --Holder (Diskussion) 18:20, 7. Mai 2019 (MESZ)

Vandal

Hallo ich habe gesehen das du gerade Online bist kannst du bitte im csbWiki ein paar löschungen durführen und den Vandal sperren--WikiBayer (Diskussion)

Wort:Schweizer Vokabeln

Hallo Holder,
I han jedsd amol abgwardad wia des aaguckd wurd. D Eidräg bis jedsd sen oogfähr a Vierdl vo dem was neisodd. Aafangs wared des 30 moischdens interne (wahrscheinle) Zugriff fir a jede Ändrong. Jedsd isch grad oinr odr zwoi, (wahrscheinle) extern. S hod also koi groß Echo, andrschd als s Schwäbische. Do werd e do ebbes macha. Gruaß AVS - Beidräg zom Portal:Schwoba 07:48, 26. Mai 2019 (MESZ)

e Frog zun ere Marggierig

Guete Dag, Holder. Es git im Komentarfäld bi Artikeländerige vo hüt d Marggierig «PHP7». Bedütet das öpis, wo me muess wüsse? Gruess --Ark001 (Diskussion) 09:48, 29. Mai 2019 (MESZ)

Hm, des isch e standardmäßigi Umstellig vu dr MadiaWiki-Software fir alli, wu lang aagchindet gsii un jetz Ändi Mai umgsetzt woren isch. Ich glaub nit, ass mer do groß mueß driber studiere. Grueß --Holder (Diskussion) 12:17, 29. Mai 2019 (MESZ)

Aha, merci. --Ark001 (Diskussion) 13:54, 29. Mai 2019 (MESZ)

Changing Welsh language posts

Guten Abend, someone is changing the English language instruction "left" and "right" of the image destription describing images I use on Welsh language articles e.g. 'tampon' to the Welsh words "chwith" and "dde". As a Welsh language wiki writer - I wrote one a day last year, if you are doing this can I ask you to stop? The wiki doesn't understand the instruction and the images end up on the opposite side of the page. It's best to leave this language issue alone - it's not important. The important thing is the language of the article itself. Danke schoen. Stefanik

Hi Stefanik. That wasn't me. I just added a references tag. The change you mentioned was done by BOT-Twm Crys. Best regards. --Holder (Diskussion) 05:51, 9. Jun. 2019 (MESZ)

e Vorschlaag zu de Imfochäschte vo de Oortschafte

Guete Daag Holder. Im Chaschte «Infobox Ort» isch bi de Symbol es Fäld agää mit em Begriff “Flagge”. I meinti, es wär schöner me würd s mundartlechere Wort “Fahne” bruuche, wott aber nid i die komplizierti Vorlaag sälber öpis dryschrybe. Gruess --Ark001 (Diskussion) 18:07, 11. Jun. 2019 (MESZ)

Sali Ark001. Hesch mer mol grad e Byschpel? Grueß --Holder (Diskussion) 18:10, 11. Jun. 2019 (MESZ)

Montréal, wo hütt öpper s Bild gänderet het. --Ark001 (Diskussion) 18:23, 11. Jun. 2019 (MESZ)

Ok, isch gänderet. --Holder (Diskussion) 18:27, 11. Jun. 2019 (MESZ)

Das gseht doch guet uus so, danke schön. --Ark001 (Diskussion) 19:05, 11. Jun. 2019 (MESZ)

Frankfurt

Salü Holder, jetz wo du wieder zrugg bisch, hani welle frage, öb du am Wuchenänd ächt au grad z Frankfurt bisch. Für de Stammtisch vom Fritig langeds no nid, aber am Samstig und Sunntig bis gäge Namittag wär ich de Main-Metropole. Ich reise drum mit Interrail Richtig Stockholm und mache det en erste Halt. Denn gahts wyter uf Hamburg. Wie me mich kännt, gahn ich i dütsche Stedt gärn mal i d Musee. Am Samstig würd ich gärn is Kunstmuseum Städel und am Sunntig is Naturmuseum und i Palmegarte ineluege. Gruess, --Pakeha (Diskussion) 16:11, 6. Aug. 2019 (MESZ)

Sali Pakeha, chenne mer gärn mache am Sunntig. In s Senckenberg-Museum hän my Holdi un ich scho lang mol welle un s bishär nie gschafft. Um wel Zyt hesch du dir do vorgstellt? --Holder (Diskussion) 19:19, 6. Aug. 2019 (MESZ)

Ja, sehr guet. Am Nüüni oder Viertel ab Nüüni wird ich öppe scho det sy. Ich luege dass ich vorhär s Gepäck im HB ufbewahre cha bis zu de Wyterreis. S Zyl isch denn d Wikimania 2019, myni füüfti Teilnahm a dere Zämekumft. --Pakeha (Diskussion) 23:01, 6. Aug. 2019 (MESZ)

Sali Pakeha, laider schaffe mir des jetz doch nit mornemorge eso frie uf Frankfurt. Duet mer laid, ass mer jetz so chruzfrischtig mo absage, aber mir sin grad erscht haimchuu un hän morn no Sache z erledige am Morge. Grueß un vyl Spaß z Frankfurt un z Stockholm. --Holder (Diskussion) 20:40, 10. Aug. 2019 (MESZ)

Danke für d Info. Schad, denn gan ich halt älei go Dino-Fossilie und Pflanze aaluege. Ich bi guet aacho und hüt wie erwähnt im Kunstmuseum gsi. Mier isch au e chli de Gägesatz zwüsched de vile Wulchechratzer und de ganz ruehige Quartier zmitzt i de Innestadt ufgfalle. Gruess au a dyni Partneri, --Pakeha (Diskussion) 22:08, 10. Aug. 2019 (MESZ)

Änderig

Guet Dag, Holder. I gseh nit, wie me die nöischte Änderige, wo mi falsch dunke, uf dr Syte Wikipedia:Sprachen gsamthaft cha zrugg mache. E Gruess --Ark001 (Diskussion) 12:10, 10. Aug. 2019 (MESZ)

Merci!

I hôn scho di ganz Zeit wellë dankschee sage fr des Vrtrauë mit de Sichter-/Fäldhieter-Rächt. Mèrci also! – Andrerseits hôn-e aber gmerkt, dass d alemannisch Wikipedia so arg hoch- und höchschtalemannisch ausgrichtet isch (it dass des êbbes Schlimms wär!), dass-e grad ufpassë muë. Wenn-e dô zviil liis oder z tiëf aitauch, komm-e grad ins Schwimmë, was denn no maim ôignë Schwäbisch entschpricht ... oder womit-e me bloß "aagschteckt" hôn. Drum hôn-e me ë weng rar gmacht. --Martinus KE (Diskussion) 23:47, 18. Aug. 2019 (MESZ)

Sali Martinus KE, wänn du s Gfiel hesch, die ganze hochalemannische Artikel do dien dir dy aigene schwebische Dialäkt verwässere, no liis doch mol d Artikel, wu dr Henri Berger gschribe het (si sin bi ihm uf syre Nutzersyte ufgfiert). Vyl Spaß bim Läse! Grueß --Holder (Diskussion) 05:11, 19. Aug. 2019 (MESZ)

Marie-Claude Chappuis

Hallo Holder! Im genannten Artikel hast Du erneut das Geburtsdatum revertiert. Kannst Du wegen einer Anfrage im OTRS dazu angeben, wo Du das Geburtsdatum herhast? Danke sehr, Doc Taxon (Diskussion) 13:29, 21. Aug. 2019 (MESZ)

Hallo Doc Taxon. Siehe Karl-Josef Kutsch, Leo Riemens: Großes Sängerlexikon. 4. Auflage, Bd. 4, S. 804f. Google Books. --Holder (Diskussion) 15:08, 21. Aug. 2019 (MESZ)

Hm, vielen Dank, Doc Taxon (Diskussion) 16:45, 21. Aug. 2019 (MESZ)

Frag zu Wikidata u zu mym Konto

Sälü Holder i ha e frag zu Wikidata. Bishär isch es geng so gsi, das weni e neui Syte erstellt ha, öpper vo euch Admins die a Wikidata hei müesse wyterleite. Syt geschter hani use gfunde wie me e Syte verchnüpft. Cha das sy das d Date a Wikidata witergleitet wärde, wenn i d Syte mit ere Andere Wikipediasprach verchnüpfe oder muess das no vo euch gmacht wärde? Denn isch mer ufgfalle das i ständig us vo mene Chinesische oder was wiss i was das für ne Sprach isch mäldige über. Cha das sie das es Kontos git wo inere andere Sprach dopplet vergäh sy? Gruess --MerengeManu (Diskussion) 16:05, 30. Aug. 2019 (MESZ)

Sali MerengeManu, wänn du ne Artikel mit andere Sprochversion verchnipfe duesch, no wird des diräkt uf Wikidata yydrait

Zue dyre zwoote Frog: Mit dr Aamäldig uf dr alswiki hesch du dr glych Account in allne Sprochversion iberchuu. Sälli Mäldige in andre Sproche sin aber wahrschyns aifach automatisierti Begrießigsmäldige. Grueß --Holder (Diskussion) 16:40, 30. Aug. 2019 (MESZ)

Näme vo Unfallopfer i der Wikipedia

Sälü Holder i schaffe zur Zyt am ne Artikel zunere Kataschtrofe wo's Opfer gä het. D Näme vo de Opfer sy Medial bekannt. Sälbst d Gedänktafele enthaltet di vollständige Näme. In wi wyt dörfe die Medial bekannte Näme vo de Opfer uf der Wikipedia erwähnt wärde? Für mi isch klar das dert wo di Agehörige oder betrofene nid wei gnennt wärde, das me das de ou nid darf nenne. Gruess --MerengeManu (Diskussion) 00:51, 10. Sep. 2019 (MESZ)

Hm, um was fir e Kataschtrof goot s denn? --Holder (Diskussion) 06:04, 10. Sep. 2019 (MESZ)

Guete Tag. Es geit um d Zugskataschtropfe im Dürrenascht z Thun 2006. E Zug isch ohni Bräms vo Frutige bis i Dürrenascht gfahre u dert mit em ne Bouzug kolidiert. D Fahrdienschtleiter hei der Zug dert inne greiset süsch hättis wäsendlech meh Toti gä. Gstorbe si drei Lüt es het e Höchesachschade gä. Gstorbe sy di beide Lokfüehrer vom Unglückszug u e Maschinischt wo ou uf däm Zug sy gsi. Um die Näme geit's. Der Schwyzer Fernseh het die Wuche e Dokufilm über ds Unglück veröffendlecht mit Namensnennig vo de drei Opfer. Gruess--MerengeManu (Diskussion) 10:48, 10. Sep. 2019 (MESZ)

Ah. Ich hätt jetz gsait, die Näme deet i do in dr Wikipedia nit uffiere. Gruess --Holder (Diskussion) 12:01, 10. Sep. 2019 (MESZ)

Okay Holder i versueche das. Du chasch dr ja der Artikel de Aluege wenn er fertig isch. Zur sicherheit gani de no mal uf Thun d Gedänkstet us ere andere Perspektive ga Fötele. D Näme sy uf der Gedänktafele mit Geburtstatum u follem Name z läse. Danke für d Uskunft. --MerengeManu (Diskussion) 13:17, 10. Sep. 2019 (MESZ)

Vorschlag zum InternetArchivBott

Säli Holder I ha da e Vorschlag zum InternetArchivBott. I ha jitz öppe drei bis vier Wuche bruucht bis i usegfunde ha was dä für ne Ufgab het. Är chunnt ja nid nur um z mälde das e Link kaputt isch, sondern ou um e Link z sichere. Chönnti me nid bi de FaQ vom Bott e chlyni Beschrybig dry tue mit syne Ufgabe u wie me i welem Fall söll ragiere? Me chönntis natürli ou i d Mäldig vom Bott tue. Der Bott sorgt nid nur bi mir als Wikipedianöiling für verwirrig, sonder ou bi Wikipedianer wo scho um einiges lenger der by si als i, da sech der Bott äbe ou mäldet we ke Link z flicke isch. Druuf cho was är macht bin i eigendlech nur, weil i mir syni Etits chly gnauer agluetg ha. Die Dütschi erchlärig zum Bott het mir nüt baracht. Isch eifach chly z kompliziert gsi mit dene vilne Fachbegriffe. Grüessli --MerengeManu (Diskussion) 03:28, 18. Sep. 2019 (MESZ)

Sali MerengeManu, mainsch du die FAQ-Syte? Do sottsch vorhär dr Cyberpower678 froge, wu där Bot bedrybt, un am beschte ne Vorschlag mache, wie s dert soll formuliert syy. LG --Holder (Diskussion) 06:11, 18. Sep. 2019 (MESZ)

Aso momäntaan spinnt de Bott – git allpott Läbigs as tood aa. --Freiguet (Diskussion) 09:27, 18. Sep. 2019 (MESZ)

Zitat us 'User talk:InternetArchiveBot': If you wish to report a bug, or request a feature change/addition, please report it with this tool. --Holder (Diskussion) 09:30, 18. Sep. 2019 (MESZ)

Sälü Holder danke für dyni Geduld. Ja i meine die Syte da hie die FAQ-Syte. Lider isch der Cyberpower678 e änglische User. I cha keis bizeli Änglisch. I chas weder läse no schrybe. Das heisst i cha kei vorschlag derzue mache. I hätti da äbe ou a ne Schwyzerdütschi eifachi erchlärig dänkt. Freiguet wäge dir bini überhoupt duuf cho. Der Bot mäldet sech äbe leider nid nur bi Totelinks. Är mädlet sech ou wenn är e Link i d Archiv verschobe het. D Archivsicherig isch derzue da, das we e Link tot isch, me der Inhalt immer no cha ga aluege u nid das passiert was im Artikel Swissair Flug 111 passiert isch. Dert hei mer jitz nämlech ä nid archivierte Link wo tot isch u me het kei ahnig was derte chönni gsi sy. Der Grund wi so sech der Bot mäldet wenn är e Link i ds Archiv verschiebt isch wil bim verschiebe i ds Archiv chöi Fähler passiere. Drum sött me prüefe öp der Link i ds Archiv funktioniert. Wener funktioniert isch guet, wenn nid, de muess me der Link flicke. Wenn är chunnt cho Archiviere de seit är ou wi vil Quelle är gsicheret het u wi vil är für tot erchlärt het. We dert Null steit de het der Bot nie behouptet das der Link tot syg sondern er het nur Quelle gsicheret. I funde aber das me genau das als User muess wüsse süsch gits missverständnis oder me gloubt sogar der Bot spinnt.--MerengeManu (Diskussion) 14:09, 18. Sep. 2019 (MESZ)

Ah … Was isch dän äigetli de Zwäck vo dèm Bott? Hät de Bott dän as Ziil, jede Link edèrewääg z sichere? Muesch is echli hälffe, Holder …--Freiguet (Diskussion) 16:21, 18. Sep. 2019 (MESZ)

Genau Freiguet das isch genau das was i meine. Der Bott isch irgendwie unklar definiert. Är sorgt für verwirrig. U das was i hie über e Bot gschribe ha, hani nur use gunde wil i d Edits vom Bot agluegt ha. Das isch z einzige was ds Verhalte vom Bot irgendwie erchlärt.--MerengeManu (Diskussion) 16:43, 18. Sep. 2019 (MESZ)

Där Bot soll dooti Link flicke, indäm er Link uf s Internetarchiv setzt. Derzue duet er Websyte ins Internetarchiv kopiere. Lääbigi Link soll er aigetli nit ändere. Wänn er Fähler macht, cha mer si uf sällere Syte mälde, dr Bot duet aber au vun ellai derzue lehre, wämer sy Edit ruggängig macht (s stäckt schyns e Art KI derhinter). Fähler cha s gee, wänn e Syte nit di ganz Zyt online isch oder z. B. wänn e URL uf ere Websyte aigetli wyterlaitet uf e anderi Syte. Vyl mee waiß i laider au nit. Mer cha au do uf Dytsch noofroge. --Holder (Diskussion) 17:55, 18. Sep. 2019 (MESZ)

Merci vilmaal! En Gruez vom --Freiguet (Diskussion) 18:27, 18. Sep. 2019 (MESZ)

An Vicipéid

Holder, a chara,

Níl mo Gearmáinis go maith!

Scríobhim (https://ga.wikipedia.org/wiki/%C3%9As%C3%A1ideoir:%C3%89riugena) ailt ar an leagan Gaeilge de Wikipedia (An Vicipéid), ach bíonn mífhoighneach toisc a bheith aineolach ar conas rudaí simplí a bhaint aamach. Mar shampla, conas 'Bosca sonraí' nó 'Infobox' a dhéanamh!

Mein lieber Freund, Holder,

Mein Deutsch ist nicht gut, deshalb werde ich das auf Englisch sagen! Ich (https://ga.wikipedia.org/wiki/%C3%9As%C3%A1ideoir:%C3%89riugena) schreibe Artikel über die irische Version von Wikipedia, bin aber frustriert, nicht zu wissen, wie man Dinge dosimple. Zum Beispiel, wie man eine Textbox macht!

Hi, Holder,

My German is not good so I will state this in English! I (https://ga.wikipedia.org/wiki/%C3%9As%C3%A1ideoir:%C3%89riugena)write articles on the Irish language version of Wikipedia ( AnVicipéid) but I am frustrated at not knowing how to do simple things. For example, how to make an 'Infobox' or 'Textbox'!

Ériugena (Diskussion) 19:07, 24. Sep. 2019 (MESZ)

Hi Ériugena. I'll be glad to help you. Which article is it about? --Holder (Diskussion) 21:50, 24. Sep. 2019 (MESZ)

Kategorie erstelle

Säli Holder sorry das i so vil Fragestelle. Aber wärd müglech das du mir churz chönntisch erchläre wi me e Kategorie u e Underkategorie erstellt? Da hani bis här nid use übercho. Gruess --MerengeManu (Diskussion) 20:53, 26. Sep. 2019 (MESZ)

Sali MerengeManu, kai Probläm, stell rueig Frooge :-). Neii Kategorie mache isch ganz aifach: du schrybsch unte in en Artikel [[Kategorie:xyz]] (Fir 'xyz' schrybsch natyrli dr Name vu dr neie Kategori) un duesch dr Artikel spychere. No het s unte im Artikel e roote Link 'xyz'. Do klicksch druf un chunnsch jetz uf e neii Kategorie-Syte. Jetz muesch dir iberleege, wu die nei Kategori derzue gheert, also unter weli ander Kategori si soll stoo. Z. B. gheert d Kategorie:Bible zue dr Kategorie 'Christetum', 'Judetum', 'Religiösi Literatur' usw. Un sonigi Iberkategorie duesch aifachin dyni nei Kategorie-Syte dryy un spycheresch, no hesch e neii Kategori aaglait. --Holder (Diskussion) 06:18, 27. Sep. 2019 (MESZ)

Säli Holder mersi für d erchlährig i has usbropiert u hes super funktioniert. Jitz chani so züg entlech sälber mache. Em i ha no relativ hüfig di Letschte Änderige offe. Hüt isch mer d Manipulation am Artikel Greta Thunberg ufgfalle. Chann i so seich eigentlech ou rückgängig mache oder müess dir Admins das mache? Gruess --MerengeManu (Diskussion) 14:06, 27. Sep. 2019 (MESZ)

Des chasch du gärn au sälber mache. --Holder (Diskussion) 16:06, 27. Sep. 2019 (MESZ)

Global templates draft spec

Hi,

You do a lot of work in small wikis. This involves some repetitive work on templates. For some time I've been thinking about how could this process be simpler and more automatic, and beneficial not only for small wikis, but for all wikis.

I wrote something about it.

Short version: mw:User:Amire80/Global_templates_draft_spec/TLDR

Long version: mw:User:Amire80/Global_templates_draft_spec

Given your experience, your feedback about this will be very appreciated.

Thank you! --Amir E. Aharoni (Diskussion) 14:07, 6. Okt. 2019 (MESZ)

E Syte Lösche

Säli Holder i ha nid gschnald das di Chinesischi Republik söll Taiwan sy. Drum hani e Vorlage:TAI‎ erstellt. Chönntisch du die Syte lösche? Die bruuchts nid. Es wär übrigens hilfrich we me uf der Syte Wikipedia:Ländervorlage mit Flagge d Teritoriestaate ou findet. Taiwan isch so ne Staat. Är isch teilwys anerchant. Einigi hani zwar in zwüsche grunde aber der Code zum Kosovo fählt zum bispil. Me muess süsch geng rate öp der Dütschi code funktioniert oder nid. Gruess--MerengeManu (Diskussion) 15:48, 11. Okt. 2019 (MESZ)

E Grafik verschiebe

Hoi Holder.
Wie chame s mache, ass sone Grafik wie die uf dr Syte vo den aktuelle Schwiizer Wahle statt rächts am Rand ussen uf der lingge Syte zwüschem Tegscht stoot? Gruess --Arkelin (Diskussion) 10:13, 21. Okt. 2019 (MESZ)

Sali Arkelin. Des isch e aigeni Vorlag, wu grundsätzli rächts uusgrichtet isch. In däm Fall mießt mer e Kopy vu däre Vorlag mache, wu statt rächts derno in dr Mitti zäntriert isch. Grueß --Holder (Diskussion) 17:38, 21. Okt. 2019 (MESZ)

Aha, danke schöön. --Arkelin (Diskussion) 17:45, 21. Okt. 2019 (MESZ)

I bitte um Korrektur

Sälü Holder i ha mehreri Kategorie zum Thema Fluggsellschafte erstellt. Wärsch du so lieb die schnäll düre z luege u bi Rächtschrybfähler z d Kategorie z Korrigiere u ds Lösche. Kategorie:Fluggsellschaft Das isch di erschti Kategorie vo dert us söttsch när problemlos dür d Kategorie cho. Mersi vilmal. Mersi vil mal Gruess--MerengeManu (Diskussion) 00:48, 23. Okt. 2019 (MESZ)

Isch gmacht. Grueß -Holder (Diskussion) 05:34, 23. Okt. 2019 (MESZ)

Ach no ebis: Wänn du ne Kategory in ere Diskussion witt verlinke, no chasch des eso mache: [[:Kategorie:Fluggsellschaft]] (wichtig isch där Doppelpunkt!), no siit des eso uus: Kategorie:Fluggsellschaft, wänn s ooni Doppelpunkt machsch, wird die ganz Diskussionssyte in dr Kategory yydrait. --Holder (Diskussion) 05:38, 23. Okt. 2019 (MESZ)

Offer of help!

Hi Holder, Would like to know how to create infoboxes for Vcipeid! When I write articles about biology for instance the INfobox which is in another language version seems to transfer to the Gaelic language page without any problem, but usually when I want to transfer an infobox for other subjects it does not work???

Ériugena (Diskussion) 21:47, 4. Nov. 2019 (MEZ)

Hi Ériugena. If you compare your article ga:Claribel Alegría (where the infobox doesn't work) and let's say ga:James Joyce (where it works) you can see that in the wikitext of James Joyce all the information, which is shown in the article, is directly written in the wikitext (have a look here). In Claribel Alegría you just have included {{Bosca Sonraí Scríbhneoir}}. So you have to fill in these informations like it's done in James Joyce. Best regards. --Holder (Diskussion) 06:14, 5. Nov. 2019 (MEZ)

Seitenschutz

Bitte Artikel Peter Handke schützen wird global vandaliert. --WikiBayer (Diskussion) 15:21, 9. Nov. 2019 (MEZ)

rangeblock

Hi would you please block 159.146.45.45 and place a rangeblock (I'd suggest /16)? It's a crosswiki lta who mass disrupts pages with massive amounts of random text. Praxidicae (Diskussion) 15:39, 20. Nov. 2019 (MEZ)

Frag zur Darstellig ohni Agmäldets Benutzerkonto

Sälü Holder. Vilich chasch du mir wyter hälfe. I ha geschter der Artikel Bashkirian Airlines gschibe. Da i bim Ystelle vo de Verschidene Abschnitte, vo der Infobox bis zu de Übeschrifte, scho dür ne einzelne Taschtedruck der Ganz Atikel verlohre gange isch, hani agfange der Erscht abriss eifach z Spichere. Jetz hani geschter der Artikel zersch under myre Benutzersyte gspicheret gha u när a richtig Artikelplatz verschobe. Dert hani ou d Kategorie zum Artikel viel Stück y gstellt. Wenn i nid agmäldet bi chann i aber e Handvoll vo dene Kategorie im bereich Kategorie nid gseh. Zum Bispil under de Fluggsellschaft nach Land isch d Kategorie Fluggsellschaft z Russland nid z gseh. Weisch du was i da Falsch gmacht ha? Grüessli --MerengeManu (Diskussion) 20:59, 1. Dez. 2019 (MEZ)

Sali MerengeManu. Kai Angscht, du hesch gar nyt falsch gmacht. Des isch aifach e bekant Brobläm vum Wikipedia-Server, ass d Version vum Artikel, wu mer siit, wämer nit aagmäldet isch, mänkmol e bitzli hinter dr Version hinterhärhinkt, wu mer siit, wämer aagmäldet isch. Des git s ab un zue, do hilft ganz aifach: abwarte!   Gruess --Holder (Diskussion) 21:47, 1. Dez. 2019 (MEZ)

Sälü Holder hesch du der Artikel Bashkirian Airlines über seh das dä nid im Artikelverzeichnis z finde isch? So wini dä Artikel erstellt ha, wird i's sicher nümm mache jitz hani ja d Artikelwärchstat woni när der Text eifach cha übere Kopiere. De chann i i aller rueh der Artikel fertig mache.--MerengeManu (Diskussion) 12:45, 2. Dez. 2019 (MEZ)

Stimmt, där Artikel haan i wirkli ibersää, isch jetz din im Verzaichnis. Grueß --Holder (Diskussion) 13:51, 2. Dez. 2019 (MEZ)

Liachtaschtaaner

Sali Holder, schön as es immer mee Artikel hät i de Kategorii Liachtastaaner*inne. Bim iiträge vo däne Persone im Artikel vo irem Geburtsort mue mer vorsichtig sii. Wil s Spitol z Vadoz früener e kä Geburtsabteilig gha hät und sit em 2014 wider e käni hät, gönd vill uf Grabs öberi, e paar uf Fäldkerch is Voralbärg dori und e paar au uf Walestadt oder uf Chur ufi go gebääre (Mehr als jeder zehnte Patient im Spital Grabs ist Liechtensteiner Artikel uf tagblatt.ch vom 1. Februar 2019). Ha vor eme Zitli emol uf de de-Wiki mit em Horgner uf de Grabser Site diskutiert und drufabe e ganzi Reije vo Liachtaschtaaner us de Lischte vo de Grabser Persönlichkeite glöscht. Jetzt häts döt wider e paar nöiji dinne und s gsiet us, as wär Grabs e „Bruetstätt“ vo Fuessballer. I wött nöd, as da au uf de als-Wiki passiert. Gruess --Schofför (Diskussion) 11:51, 4. Dez. 2019 (MEZ)

Sali Schofför. D Froog isch halt, weli Lyt wämer mir do bi dr alswiki in sonige Lischte uffiere? Nume, die wu im Ort ufgwagse sin? S isch jo grad karakteristisch fir greßeri Ortschafte mit eme Spital, ass deert au d Chinder vu Familie us em Umland uf d Wält cheme. Bi Walestadt oder Grabs falt des des nume uf, wel do zuefellig e Landesgränze derzwische isch. Aber ass Liechtesteiner z Grabs uf d Wält cheme, isch jo schyns eso typisch, ass es sogar Zytigsartikel derzue git. Im Ibrige mien mir uns nit no dr Entschaidige uf dr dewiki riichte. Maint ain, wu sälber au in dr Nochberstadt im Unispital uf d Wält chuu isch. --Holder (Diskussion) 06:21, 5. Dez. 2019 (MEZ)

Das öpper automaatisch «e Përsöönlichkäit vo X» isch, nu wil er deet im Spitaal uf d Wält choo isch, isch halt äinewääg fraagwürdig. Wän er nöd au es Wyli lang deet läbt oder würkt, hät er mit dëm Oort ja überhaupt nüüt z tue – ussert ebe das er e paar wenig Taag deet im Spitaal gsy isch. --Freiguet (Diskussion) 15:57, 5. Dez. 2019 (MEZ)

Es hät beedes öpis; nume wil öper döt uf d Wält cho isch, heisst no läng nöd, as er au e Persönlichkeit vo döt isch. Uf de andere Site isch es jo no inträssant, as Grabs, es Dorf uf em Land, di länger Lischte vo Persönlichkeite hät, as Buggs, wo sich sit 2015 Stadt nännt (uf de als-Wiki isch es no umbekehrt – uf de de-Wiki isch d Lischte öpe drümol länger). De Gedanke vom „Bsundrige“ isch bi mir au duretruckt, won i uf de de-Wiki d „Neuzuezüger“ i de Lischte nöd glösche han, sondern under de Titel «Im Spital Grabs geboren» gstellt han. Mir händ jo söttegi „Fäll“ z Walenstadt, wo klar as „z Walestadt uf d Wält cho“ deklariert sind. Esoo gsee, han i au nünnt degege. Me sött si dänn aber au i däm Ort uuffüere, wo si uufgwagse sind, för längeri Zit gwirkt oder de Läbesobig verbroocht händ. Mir händ zwor no känn Artikel öber en, aber bim Josef Ackermann isch da de Fall; er isch z Walestadt und z Mels dinne – jedesmol klar deklariert, wiso as er do ufgfüert isch. Esoo chan i guet läbe demit. Gruess --Schofför (Diskussion) 09:13, 6. Dez. 2019 (MEZ)

Gadgets

Servus ich prüfe gerade Gadgats auf allen möglichen Projekten und behebe Fehler. Auch hier existiert ein Gadget, das eine css Datei lädt die nicht existiert [1] bitte beheben.--WikiBayer (Diskussion) 18:52, 9. Dez. 2019 (MEZ)

Hallo WikiBayer, wenn du dieses Gadget gemeint hast, dann ist es jetzt behoben. Gruß --Holder (Diskussion) 21:29, 9. Dez. 2019 (MEZ)

Ja das meinte ich. Mir ist noch etwas aufgefallen beim gadget. Du hast alles nur vom DeWiki kopiert, deshalb werden nur deWiki Admins markiert. Damit Administratoren vom alsWiki markiert brauchtst du sowas Benutzer:WikiBayer/markadmin.css --14:16, 11. Dez. 2019 (MEZ)

Arab string vandal

I would like to suggest a review of the ranges special:contributions/197.38.0.0/16 and special:contributions/197.39.0.0/16. These are the two main (of 7 ) IP ranges that this vandal inhabits in their xwiki vandalism. Unfortunately we cannot globally block the ranges. You can see some of our tracking of the vandal at this filter. They will be back. Billinghurst (Diskussion) 13:40, 14. Dez. 2019 (MEZ)

Schryybwettbewärbspryys

I präsentier dir zum neue Joor deno doch no die drüü Pryys für d Artikel ussem Schryybwettbewärb, wo zämme die Pryys gwùnne hen: Chlooschter St. Elisabeth, Portal:Liachtaschtaa, Haus Liechtenstein. Glückwùnsch! --Terfili (Diskussion) 23:20, 30. Dez. 2019 (MEZ)

• 
  Gold
• 
  Silber
• 
  Bronze