Greta Thunberg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Greta Thunberg bi ere Reed vor em EU-Parlamänt z Stroossburg am 16. April 2019

D Greta Tintin Eleonora Ernman Thunberg [ˈgreːta ˈtʉːnˌbærj] (* 3. Jänner 2003 z Stockholm) isch e schweedischi Klimaschutzaktivisti. Si isch internationaal bikannt wore, well si afange het för de Klimaschutz z straike, statt i d Schuel z goo. Erem Biispill sind mittlerwiile vili Schüeller und Schüellerine gfolgt, so ass drususe e weltwiiti Biwegig entstanden isch, wo i de Tütschschwitz Klimastraik gnennt werd, im Weltsche Grève du Climat, z Tütschland und in anderne Länder aber Fridays For Future („Frittig für d Zuekumpft“).

s Lebe[ändere | Quälltäxt bearbeite]

D Greta Thunberg isch d Töchter vo der Ooperesengeri Malena Ernman und em Schauspiller Svante Thunberg. Nochdem d Greta i de Grundschuel vo der Erderwärmig ghört hett, hett si afange dihai Energii spare und hett o agfange vegaan zesse und si het o uffghöört mit em Flugi umezraise. Debi het si o eri aigni Famili öberzügt. Mit Elfi isch si depressiv woore und het nöme wöle rede und esse. En Arzt het den bi ere s Asperger-Syndrom diagnostiziert. Mit föfzeni het si denn demit aagfange, em Frittig, statt i d Schuel z goo, för s Klima straike. Dör da isch si weltwiit bikannt wore und isch im Dezember 2018 zo de UN-Klimakonferenz z Kattowitz igladt wore und im Jäner 2019 het si am Weltwertschaftsforum z Davoos e Reed ghalte. Im September vom gliiche Johr isch si mit eme Sägelschiff, möglichscht klimaneutral, uf Amerika öberi gfahre. Am 23. September hät si dänn bim Klimagipfel bi de UNO z New York zerscht di dütschi Bundeskanzleri Angela Merkel zum e Gsprööch troffe und nocher hät si vor de rund 60 Staats- und Regierigsschäfs e Reed ghalte. Si hät mit emozional uufgwüelte Wort di Versammlete ufgforderet, sich mee för de Schutz vom Klima iizetze und hät ene vorgworfe, si tögid eri Generazion im Stich loo.[1]

d Uuswörkige[ändere | Quälltäxt bearbeite]

d Greta Thunberg vor em schwedische Parlamäntsgeböü z Stockholm am 27. Augste 2018

Em 20. Augste 2018, em erste Schueltaag noch de Summerfeeri, isch d Greta Thunberg zerstmool mit eme Schild mit de Uufschrift ‘Skolstrejk för klimatet’ („Schuelstraik för s Klima“) vor der Schwedisch Riichstaag gsesse, wege de grosse Hitz und und ussergwöönliche Tröchni im Summer 2018. Die Anzelaktion isch nöd grad gutiert woore, aber bald hend sich anderi Schüeller und Schüellerine ere aagschlosse.

I de Schwitz hend as ersti d Gymeler vo de Kanti Sanggale am ene Frittig (21. Dezember 2018) för de Klimaschutz gstraikt.[2]

Weblink[ändere | Quälltäxt bearbeite]

 Commons: Greta Thunberg – Sammlig vo Multimediadateie
  • d Reed uf de UN-Klimakomferänz z Kattowitz (dütsch): Text und Video

Fuessnoote[ändere | Quälltäxt bearbeite]

  1. So subtil kontert Greta Thunberg die höhnischen Worte von Donald Trump Artikel uf welt.de vom 24. September 2019
  2. Kantischüler rufen zum Klimastreik in St.Gallen: «Wir wollen nicht länger auf eine bessere Welt warten» Artikel uf tagblatt.ch vom 11. Jänner 2019