Landkreis Lörrach
 |
Dä Artikel handelt vom Landkreis Lörrach. Für di glychnamigi Stadt lüeg bi Lörrach. |
| Landchreis Lörrach (Hd. Landkreis Lörrach) |
|
|---|---|
|
|
|
 |
 |
| Bundesland: | Bade-Württeberg |
| Regierigsbezirk: | Fryburg |
| Verwaltigssitz: | Lörrach |
| KFZ-Kennzeiche: | LÖ |
| Flächi: | 806,8 km² |
| Ywohner: | 222528 (31. Dezämber 2008) |
| Bevölkerigsdichti: | 276 Ywohner pro km² |
| Chreisschlüssel: | 08 3 36 |
| Chreisglyderig: | 42 Gmeinde |
| Dialekt | |
| Dialekt: | Markgräflerisch (Alemannisch) |
| Internetufftritt: | www.loerrach-Landkreis.de |
| E-Mail-Adress: | mail@loerrach-landkreis.de |
| Charte | |
 |
|
Dr Landkreis Lörrach lit im üsserschte Südweste vom Bundesland Bade-Württeberg (Dütschland) un grenzt im Süde an d' Schwyz (Kanton Basel-Stadt, Basel-Landschaft un Aargau), im Weschte an's Elsass (Frankriich), im Norde an de Landkreis Breisgau-Hochschwarzwald un im Oschte an de Landkreis Waldshuet.
Dr Landkreis g'hört zum Regierigsbezirk Friburg un zum Regionalverband Hochrhii-Bodesee.
Inhaltsverzeichnis |
Geografii [ändere]
S'Wiisetal (benönnt noch em Fluss "Wiise") als nordöschtliche Teil vom Landkreis g'hört zum Hochschwarzwald un zieht sich uffe bis zum Feldbärg, 'm höchschte Bärg vom Schwarzwald. Im Weschte hebe sich d'Wiiberg vom Markgräfler Hügelland use, im Süde de Dinkelbärg. Zwüschem Dinkelbärg un em Schwyzer Jura zieht sich s'Hochrhiital go Weschte un witet sich noch Basel nordwärts zur Oberrhiiebeni us.
Gschicht [ändere]
Dr Landkreis Lörrach isch in sine hütige Grenze durch d'Kreisreform z'Bade-Württebärg entstande, wo zum 1. Januar 1973 vollzoge worden isch. Dörtmols isch dr ehemolige Landkreis Lörrach mit de meischte Gmeie vom Landkreis Säckchinge un e paar Gmeie vom Landkreis Mülle zum e neue Landkreis Lörrach zämme gschlosse worde. Noch em Abschluss vo dr Gmeireform het dr Landkreis Lörrach 42 Gmeie, drunter 8 Städt un dodevo nomol 3 "großi Kreisstädt" (Lörrach, Rhiifelde (Bade) un Wiil am Rhii). Gröschti Stadt isch Lörrach, kleinschti Gmei isch Bölle, wo z'glich die kleinschti Gmei vo ganz Bade-Württebärg isch.
Wappe [ändere]
|
Bschribig: Teilt un halb gspalte: Obe in Silber ä rote Löb, wo noch rächts wachst; unte vorne in Gold ä rote Schrägbalke, hinte in Blau ä schräglinke silbrige Wellebalke (Wappe-Verleihig 29. Jänner 1957/11. Dezember 1973) |
Politik [ändere]
Dr Landkreis wird vom Kreistag un vom Landrot verwaltet. Dr Kreistag wird vo de Wahlb'rechtigte im Landkreis uf 5 Johr gwählt. Sell Gremium wählt de Landrot für ä Amtszit vo 8 Johr. Selle isch dr gsetzlichi Verträter un Repräsentant vom Landkreis un au Vorsitzende vom Kreistag un sine Usschüss. Er leitet s'Landrotsamt un isch Beamte vom Kreis.
Zue sinem Ufgobegebiet zälle d'Vorbereitig vo dr Kreistagssitzige un sine Usschüss. Er brueft Sitzige i, leitet selli un vollzieht d Bschlüss vo dört. In de Gremie het er kei Stimmrächt. Si Stellverträter isch dr Erschti Landesbeamti.
Gegewärtig het dr Kreistag 64 Mitglieder.
D'Landröt vom Landkreis Lörrach sit 1945:
- 1945: Otto Moericke
- 1945 - 1947: Rudolf Kraus
- 1947 - 1948: Alfred Horcher
- 1948 - 1955: Heinrich Graser
- 1955 - 1972: Wolfgang Bechtold
- 1972 - 1989: Otto Leible
- 1989 - 2004: Alois Rübsamen
- 2004 - 2012: Walter Schneider
- seit 1. März 2012: Marion Dammann
Wirtschaft [ändere]
Im Landkreis gits großi strukturelli Unterschiid. D'Region im vordere un mittlere Wiisetal un im Hochrhiital isch dicht bsiidelt un stark industrialisiert. Bsunders im Wiisetal isch d'Tegschtilinduschtrie stark verbreitet gsi. D'Tal- un Hochlage vom südliche Schwarzwald sin dünn bsiidlet un vo dr Landwirtschaft un vom Främdeverkähr prägt. S'weschtlich glägini Markgräflerland isch vo Sonderkulture wie Obscht- un Wiibau kennzeichnet.
In dr Rhiiebeni lit mit dr Thermi z'Bellige s'jüngschti Heilbad vo dr Region.
Verkehr [ändere]
Stroße [ändere]
Durch d'Oberrhiiebeni verlaufe vo Norde uff Süde zwei großi Fernstroße: D'Bundesautobahn A 5 un d'Bundesstroß B 3.
Isebahn [ändere]
In dr Rhiiebeni lit d'Rhiitalbahn, wo vo Karlsrueh uff Basel fiehrt und au als Badischi Hauptbahn bezeichnet wird.
Durchs Wiisetal fiehrt vo Basel übr Lörrach un Schopfe d'Wiisetalbahn uf Zell. Freyer isch vo Zell us ä Schmalspurbahn über Schönau noch Todtnau wiitergfahre. Sälli Bahn isch als Todtnauerli bekannt.
Vo Schopfe us isch freyer d'Wehratalbahn durch eine vo de längschde Iisebahntunnel vo Dütschland zwüsche Fahrnau un Hasle über Wehr uf Säckinge gfahre.
Vom Badische Bahnhof z Basel us füehrt au no d Hochrhiibahn über Badisch-Rhiifälde, Säckchinge uf Singe entlang em Hochrhii.
Als Museumsbahn isch hützdag no d'Chandertalbahn in Betrieb, si füehrt vo Haltige bi Wiil uf Chander.
Wasserstroße [ändere]
Mit de Rhiihäfe z'Wiil am Rhii isch dr Landkreis über de Rhii mit'm Nordseehafe im niiderländische Rotterdam verbunde.
Flughafe [ändere]
Dr Landkreis Lörrach lit im Izugsberich vom binationale EuroAirport Basel-Mulhouse-Freiburg.
Städt un Gmeinde [ändere]
|
Städt (Iwohnerzahl am 30.6.2002)
Verwaltigsgmeinschafte bzw. Gmeiverwaltigsverbänd
|
Gmeinde (Iwohnerzahl am 30.6.2002)
|
Sunschtiges [ändere]
Sehenswürdigkeite [ändere]
Sehenswerti Kultur- un Naturdenkmäler sin s'Röttler Schloss, d'Wasserschlösser z'Inzlinge un z'Schlienge, s'Schloss Bürgle, dr Nonnemattweiher, d'Hasler Tropfsteihöhli und s'Hebel-Hus.
International bekannt isch s'Vitra Design Museum z'Wiil am Rhii.
It zu vergässe isch des Naturschutzgebiet um de Feldberg umme un des groß Naturschutzgebiet Präger Gletscherchessel, wo mer seltene Dierer und Pflanze us de Eiszitt säh ka.
Weblink [ändere]
