Horgen
| Horgen | |
|---|---|
 |
|
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Horge |
| BFS-Nr.: | 0133 |
| Poschtleitzahl: | 8810, 8812, 8813 8815 Horgenberg 8135 Sihlwald / Sihlbrugg |
| UN/LOCODE: | CH HOE |
| Koordinate: | 687729 / 23509347.2609138.597777408Koordinate: 47° 15′ 39″ N, 8° 35′ 52″ O; CH1903: 687729 / 235093 |
| Höchi: | 408 m ü. M. |
| Flächi: | 21.07 km² |
| Iiwohner: | 19'095 (31. Dezämber 2011)[1] |
| Website: | www.horgen.ch |
 Horge |
|
| Karte | |
 |
|
Horge (amtlich Horgen) isch e Politischi Gmäind und de Hauptort vom Bezirk Horge im Kanton Züri, Schwiiz.
Inhaltsverzeichnis |
Allgemeins [ändere]
Horge liit am lingge, westliche Ufer vom Zürisee und isch öppe 18 km vom Kantonshauptort Züri weg. Es isch Teil vo de Agglomeration Züri. D'Iiwoner heissed Horgner. D'Gmeind isch öppe halbe mit Wald bewachse, ufeme Viertel tüends purä, en Achtel sind Hüser und de Rescht isch Strassä.
Wappe [ändere]
Im Wappe hätts en wisse Schwan uf rotem Tuech.
Geographie [ändere]
Horge liit am Hang vom Zimmerberg, das isch e Sitemoräne wo de Linthgletscher bi de letschte Iisziit ligge la hät. D'Gmeind gaht vom See über s'Sihltahl übere bis zum Albis.
Gschicht [ändere]
Horge isch zum eschte Mal gnamset worde im Jaar 952 als Horga.
Politik [ändere]
Z'Horgen hemer schwizerischi Basisdemokratie und a de Gmeindsversammlig (Legislative) dörf jede und jedi öppis säge, wo s'Schwizer Bürgerrecht hät und in Horge wohnt. De Gmeindrat ladt amigs zur Versammlig i, die wird im Schinzehof dure gfüert.
D'Mitglider vom Gemeindrat (Exekutive) händ jede es beschtimmts Amt. Die acht Gmeindröt und de Presidänt werded a de Urne gwählt.
Bi de Kantonsraatswaale 2011 hät s das Ergebnis ggee: BDP 4,6 %, CVP 7,4 %, EDU 1,4 %, EVP 4,2 %, FDP 16,7 %. GLP 8,0 %, GP 8,7 %, SP 17,9 %, SVP 30,2 %, Suschtigi 0,9 %.
Gmäindspresidänt isch de Theo Leuthold (Stand 2012).
Bevölkerigsentwicklig [ändere]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 4844 | 5311 | 5199 | 5268 | 5475 | 6883 | 8056 | 8471 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 9320 | 8916 | 10118 | 13482 | 15691 | 16577 | 16463 | 17432 |
De Uusländeraatäil liit bi 28,5 % (Stand 2011).
Religion [ändere]
31,2% vo de Iiwooner sind evangelisch-reformiert, 30,9% sind römisch-katholisch (Stand 2011).
Wirtschaft [ändere]
Induschtrie [ändere]
D' Induschtrialisierig het z'Horgen sit Mitti vom 19. Jahrhundert starchi auswürkige gha. Zerscht isch es d'Sideninduschtrie gsi, spöter au d'Maschineninduschtrie. Vili grossi Fabrike hend vo Afang a en grosse Teil exportiert.
Dienstleischtige [ändere]
Im 20. Jahrhundert hets immer me Dienstleischitgsfime gä. Verwaltige, Versicherige, Forschingsanstalte, Verarbeitings- und Schulingzentren von Banke und Kreditchartegsellschafte sind hüt wichtigi Arbeitgeber.
Vercher [ändere]
Horge hät vier Bahnhöf, drei sind vo de SBB und eine vo de Sihltalbahn. A de Gotthardlinie (vo Zug) liit uf 514 m ü.M. de Bahnhof Sihlbrugg Station (noch em Albistunnel im Sihltal). Noch em Zimmerbergtunnel i Richtig Thalwil liit uf 483 m ü.M. de Bahnhof Horge Oberdorf. A de Linie vo Chur liit uf 409 m ü.M. de Bahnhof Horge. Beidi Linie füered wiiter seeabwärts Richtig Züri. De vierti Bahnhof gheisst Sihlwald und isch hüt Endstation vo de Sihltalbahn. Bis zum Fahrplanwächsel im Herbst 2006 sind d Züg witer bis Sihlbrugg Station gfaare und me hät döt uf d SBB chöne umstiige.
Näbet de vier S-Bahnhöf hät Horge en Aaschluss a d Autobahn A3, e Fähre uf Maile und no d Kursschiff uf em Zürisee. I de Gemeind fahred Büs.
Tieläkt [ändere]
De züritüütsch Tieläkt vo Horge ghört zue de Seemundarte.
Büecher [ändere]
- Johannes Strickler: Geschichte der Gemeinde Horgen nebst Hirzel und Oberrieden. Festgabe zur hundertjährigen Kirchweihfeier. Schläpfer, Horge 1882
- Paul Kläui: Geschichte der Gemeinde Horgen. Horge 1952
- Gemeinde Horgen (Hrsg.): Horgner Jahrheft. Erschiint alljahr siit 1977.
Fuessnote [ändere]
Weblinks [ändere]
Allmänd (Commons): Horge – Sammlig vo witere Multimediadateie
