Schweizerische Bundesbahnen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Schweizerische Bundesbahnen SBB
Logo
Unternähmensform Aktiegsellschaft
gem. SBBG[1]
Gründig 1. Januar 1902
1. Januar 1999 (AG)
Sitz Bärn, Schwiiz
Leitig

Andreas Meyer
(CEO)
Ulrich Gygi
(VR-Presidänt)

Mitarbeiter 28'143 (2010)
27'822 (2008)
27'438 (2007)
27'933 (2006)
Umsatz 7987.2 Mio. CHF (2008)
7673.9 Mio. CHF (2007)
7269.0 Mio. CHF (2006)
Bilanzsumme 31'418.1 Mio. CHF (2008)
30'592.7 Mio. CHF (2007)
30'067.9 Mio. CHF (2006)
Branche Transportundernähme
Produkt

Persone- und Güeterverchehr, Immobilie

Uffdritt im Netz www.sbb.ch
SBB-Logo ufemene Wage

Die Schwiizerische Bundesbahne, kurz SBB und im Volksmund au so gnennt, sin die gröscht Ysebahngsellschaft vor Schwiiz. In dr Wälschschwiiz heissts CFF und im Tessin FFS - das si die entsprechende Abchürzige uf Französisch (Chemins de fer Fédéraux Suisse) und Italienisch (Ferrovie Federali Svizzere). Däzue chunnt no di inoffizielli Abchürzig i Rumantsch VFS (Roh-viafiers federalas svizras.ogg Viafiers Federalas Svizras ).

Gschecht[ändere | Quälltäxt bearbeite]

Am 15. Juni 1844 het de erschti schwiizer Bahnhof in Basel sin Betrieb ufgno, nachdem die erscht Isebahnstrecki vom Elsass bis nach Basel cho isch. Am 7. August 1847 isch de ou die erschti rein schwiizerischi Strecki: Bade-Züri, besser bekannt under em Name "Spanisch-Brötli-Bahn" eröffnet worde.

I de folgende Johr isch es regelrechts Bahnfieber usbroche und s'schwiizer Schinenetz het sich rasch vergrösseret. D'Bahne wo i dere Pionierzit gündet worde sind, sind usschliesslich Privatbahne gsi. Wil die einzelne Firme chuum kooperiert hend, sind weder Liniefüerig no Fahplän no Tarif koordiniert gsi, was es ständigs Ärgernis dargstellt het.

En InterCityNeigezug

Als Folg vo dere Entwicklig isch es am 20. Februar 1898 zur Abstimmig über d'Vorlag "Die Schweizer Bahnen dem Schweizer Volk" cho. Nach der Anahm vo dere Vorlag het me agfange die wichtigste Privatbahne z'verstaatliche und die neu gründeti SBB het im Jahr 1902 ire Betrieb chönne ufnäh.

De jetztig CEO vo de SBB heisst Andreas Meyer ond esch früecher be de düütsche Bahn (DB) gsi. Är hed s Amt vom Benedikt Weibel öberno.

Ab 1999 hed mer us de SBB verschedeni Divisione gmacht. Hötzotags sends 4 Divisione: Cargo, Personevercher, Immobilie ond Infra. De gröschti Rangierbahnhof i de Schwiiz esch de Rangierbahnhof Limmattal (RBL) i de nöchi vo Dietikon ond Killwange-Spreitebach. Es get velli anderi Rangierbahnhöf i de Schwiiz, zom Biischpel Muttenz, Lausanne-Triage, Buchs SG oder s'nöi Poschtverteilzentrum Züri-Müllige.

Schinennetz[ändere | Quälltäxt bearbeite]

D' Schwiiz hät so ziemli s'dichtischti Schinennetz vo de Wält. Jedoch muess d'SBB s'Netz mit verschidene Privatbahne teile, z.B. SOB (Südoschtbahn), BLS (Bern-Lötschberg-Simplon Bahn). S'Netz vo der SBB meint mer segi nur Normalspuer debi gitz no de Zentralbahn (Brünigbahn und d'LSE; Luzern-Stans-Engelberg Bahn) wo au zue d'SBB g'hörid.

Wältbeschti Bahn?[ändere | Quälltäxt bearbeite]

Will d'SBB (wiä obe erwähnt) so nes dicht's Netz hät und sii im Vergliich mit andere Bahne sehr pünktli isch, meine vili - vor allem ir Schwiiz - d'SBB segid die bescht Bahn uf de Wält. Ander Lüt teile die Meinig natürli überhaupt nid. So isch z.B. au s Bahnnetz vo Japan uff eme sehr hoche Stand.

SBB Infra[ändere | Quälltäxt bearbeite]

D' SBB Infra ischt d' Divisiuu wu für d' Infrastruktur vu d'r SBB zueschtändig ischt. Si isch im Äinenünzgi us d'r Reorganisaziuu vu d'r SBB entschtande. Sithäär vermiätät si ihri Aalaage a d' SBB Cargo, an SBB Personävercheer und anderi Baangsellschafte.

SBB Cargo[ändere | Quälltäxt bearbeite]

SBB Cargo esch 1999 us de divisionierig vo de "alte SBB" entstande. Chef esch bes im 2007 de Daniel Nordmann gsi, jetz esch ad interim de Nicolas Perrin de oberschti Chef vo Cargo.

Fuessnote[ändere | Quälltäxt bearbeite]

  1. Spezialrächtligi Aktiegsellschaft gemäss «Bundesgesetz über die Schweizerischen Bundesbahnen» (SBBG; SR 742.31)