Sihl
| Sihl | ||
 Zämefluss vo dr Sihl und dr Limmet bim Platzspitz in Züri |
||
| Daten | ||
|---|---|---|
| Gwässerkennzaal | CH: 577 | |
| Laag | Kanton Schwyz, Kanton Zug, Kanton Züri; Schwiz | |
| Flusssystem | Rhii | |
| Abfluss über | Limmat → Aare → Rhii → Nordsee | |
| Quelle | am Drusberg im Kanton Schwyz 47° 0′ 36″ N, 8° 50′ 29″ O47.018.84138888888891800 |
|
| Quellhöchi | 1'800 m ü. M. | |
| Mündig | am Platzspitz in d Limmat47.3827777777788.5386111111111402Koordinate: 47° 22′ 58″ N, 8° 32′ 19″ O; CH1903: 683062 / 248576 47° 22′ 58″ N, 8° 32′ 19″ O47.3827777777788.5386111111111402 |
|
| Mündigshöchi | 402 m ü. M. | |
| Höchiunterschiid | 1.398 m | |
| Lengi | 68 km | |
| Iizugsgebiet | 341 km² | |
| Abfluss am Pegel Sihlhölzli[1][2] | MQ MHQ HHQ (2005) |
5,63 m³/s 129,87 m³/s 280 m³/s |
| Rächti Nääbeflüss | Schanzegrabe | |
| Linggi Nääbeflüss | Alp | |
| Stausee | Sihlsee | |
 |
||
| Dialäkt: Züridütsch (See) |
D Sihl isch en Fluss i dr Schwiiz. Sie entschpringt am Drusberg im Gebiet vom Hochybrig im Kanton Schwyz.
Inhaltsverzeichnis |
Flusslauf [ändere]
Bi Einsidle durflüüsst d Sihl de Sihlsee, en 1937 zur Energiegwünnig aagleite Schtausee, wo mit ere Oberflächi vo 11 km² dr gröschti Schtausee vo dr Schwiiz isch. En wichtige Zuefluss isch d Alp, wo bi Biberbrugg i d Sihl flüüsst. Churz nach Schindellegi verlaat si de Kanton Schwyz, flüüsst dur es Schtuck vom Kanton Züri und bildet vo Hütte ZH aa bis uf Sihlbrugg d Kantonsgrenze zwüsched Züri und Zug. I dem Abschnitt liged bi Schöneberg Schtromschnelle, dr so genannti Sihlschprung.
Ab Sihlbrugg flüüsst d Sihl durs Zürcher Sihltal, eme Tal zwüsched Albis und Zimmerberg, konschtant begleitet vo dr Sihltalbahn.
Zwüsched Sihlbrugg und Langnau am Albis liit dr Sihlwald, es Naturschutzgebiet. Denaa durquert d Sihl Adlischwiil und erreicht bi Läibach d Schtadt Züri. I dem Abschnitt verlüürt si en grosse Teil vo ihrem Wasser, wil sich im 19. Jahrhundert viili Fabrike uf ewigi Ziit es Wassernutzigsrecht gsicheret händ, teils zur Energiegwünnig, teils als Prozesswasser. Während dere Ziit isch au dur zahlriichi Korrekture vom Flussbett di grossi Schtrömigsgschwindigkeit reduziert worde.
In Züri-Brunau verschwindet d Sihl under ere Schtadtautobahn, dr Sihlhochschtraass. Ab em Sihlhölzli flüüsst si wider offe, underquert de Hauptbahnhof und mündet nach 73 Kilometer am Platzspitz bim Landesmuseum i d Limmet.
Hochwasser [ändere]
Wenn d Schtaumuur vom Sihlsee breche würd, würdi d Fluetwelle innert zwei Schtunde in Züri aachoo und Überschwemmige verursache.[3] Sit em Bau vom Strossetunell under Schindellegi dure (Eröffnig 1972), chönnted au anderi Gebiet am obere linke Züriseeufer überschwemmt werde.
Galleri [ändere]
-
De Sihlsee bi Willerzäll
-
D Sihl bim Dorf Schindellegi
-
D Sihl underhalb vom Sihlsprung
-
D Sihl oberhalb vo Sihlbrugg
-
D Sihl bi Läibach, vor de Stadt Züri
Weblinks [ändere]
Allmänd (Commons): Sihl – Sammlig vo witere MultimediadateieEinzelnochwiis [ändere]
- ↑ Kantonales Amt für Amt für Abfall, Wasser, Energie und Luft. Abgrüeft am 2011-12-28.
- ↑ Bundesamt für Umwelt. Abgrüeft am 2011-12-28.
- ↑ Merkblatt: Wasseralarm Sihlsee mit Überfluetigszone i de Stadt Züri, abgruefe am 31. Juli 2012
| Dä Artikel basiert uff ere fräie Übbersetzig vum Artikel „Sihl“ vu de dütsche Wikipedia.
E Liste vu de Autore un Versione isch do z finde. |
