Hausen im Wiesental
Us der alemannische Wikipedia, der freie Dialäkt-Enzyklopedy
| Huuse im Wiisedal (Hausen im Wiesental) |
||
|---|---|---|
| Wappe | Charte | |
 |
|
|
| Dialekt: Alemannisch | ||
| Hauptvariante: | Hochalemannisch | |
| Regionalvariante: | Wiisedälerisch | |
| Lokalvariante: | ||
| Verbreitig: | ||
| Basisdate | ||
| Staat: | Dütschland | |
| Bundesland: | Bade-Württeberg | |
| Regierigsbezirk: | Friburg | |
| Chreis: | Lörrach | |
| Geographischi Lag: | 47° 41′ N, 7° 50′ O | |
| Höchi: | 404 m ü. NN | |
| Flächi: | 5,13 km² | |
| Iwohner: | 2366 (30. Sep. 2008)[1] | |
| Bevölcherigsdichti: | 461 Iwohner je km² | |
| Boschtleitzahl: | 79688 | |
| Vorwahl: | 07622 | |
| Nummereschild: | LÖ | |
| Gmeischlüssel: | 08 3 36 036 | |
| Adress vu dr Gmeiverwaltig: |
Bahnhofstraße 9 79688 Hausen im Wiesental |
|
| Internetuftritt: | ||
| Burgi: | Martin Bühler (FW) | |
| Topographi | ||
|
|
||
| Luftbild | ||
|
|
||
Huuse im Wiisedal [,hu:z̥əʔɪm'vi:z̥ədɑ:l] (amtlich Hausen im Wiesental) isch e chleini Gmei im Wiisedal im Landchreis Lörrch. Si isch als Heimetort vom alemannische Dichter Johann Peter Hebel bechannt und wird sällewäg au oft Hebeldorf gnännt. Huuse guet 2400 Iiwohner.
Inhaltsverzeichnis |
[ändere] Geografi
Huuse lit zmits im Wiisedal, fascht uf halbem Wäg zwische Feldberg und Basel. D Gmarkig vom Ort erstreckt sich über 514 Hektar, dr höchscht Punkt isch um em Tannenbühl (727 m. ü.M.). Nochbergmeine vo Huuse sin under anderem Zell und Schopfe.
[ändere] Gschicht
Huuse isch 1295 s'erscht Mol urchundlich erwähnt worde. Wirklich bechannt worde ischs non am Schluss vom 17. Johrhundert, wo mer im Ort e markgräfliches Iisewerk errichtet hät. Säll Werk isch ein vo dr gröschte Industriebetriib in dr Markgrafschaft un im Markgräflerland gsi und hät bis ins 19. Johrhundert bstande. Aschließend isch in Huuse, wie überall im Wiisetal, d' Textilindustrie sesshaft worde, allerdings ischs au mit dere ihrer Bedütig am End vom 20. Johrhundert bergab gange. Im Gegesatz zue andre Gmeine im Dal hätt Huuse aber au hüt no e großi Textilfabrik.
[ändere] Politik
Huuse hät e Gmeirot mit 12 Gmeiröt un em Burgermeischter as Vorsitzende. Sit dr letschte Wahl anno 2004 hän die drei Fraktione SPD, Freii Wähler un CDU jewils 4 Sitz im Gremium. Huuse hät zwei Partnergmeinde, nämlich Huuse im Aargau und Marlieshuuse, hützetag en Ortsdeil vo Wipfratal in Thüringe.
[ändere] Persönlichkeite
Die bekannteschti Persönlichkeit vo Huuse isch dr alemannisch Dichter Johann Peter Hebel. Dr Hebel isch zwar z'Basel uf d' Welt cho, hett aber en Grossdeil vo sinere Chindheit z'Huuse verbrocht und isch dört au vo 1766 bis 1769 uf d' Schuel gange. Zue sine Ehre wird alljohr am 10.Mai z'Huuse s Hebelfescht gfiiret, un alli zwei Johr verleiht s'Land Bade-Württeberg dört dr mit 10.000 dotiert Hebelpriis. Usserdem verleiht d' Gmei Huuse jedes Johr d' Hebelplakette. S' Heimethuus vom Hebel, s' sognannt Hebelhuus oder Hebelhüsli, isch als Heimetmuseum iigrichtet worde. Wiiteri bechannti Persönlichkeite vo Huuse sin dr August Babberger, en wichtige expressionistische Moler, wo am 8. Dezember 1885 z'Huuse uf d' Welt cho isch. Ebefalls z'Huuse uf d Welt cho isch dr Johann Sebastian Clais, wo als Erfinder uf em Gebiet vo de Salzgwinnig bechannt worde isch.
[ändere] Wirtschaft un Infrastruktur
[ändere] Musik
Sit 1855 git's z'Huuse d' "Hebelmusik". Usserdem git's no zwei Chilchechör (ei katholische un ein evangelische) sowie dr "Förderverein Musikschuel".
[ändere] Verkehr
Huuse hät zämme mit Schopfe-Raitbach en Bahnhof an de S-6-Regio-Bahn vo Basel uf Zell. Usserdem git's im Rahme vom Regio Verkehrsbund Lörrach lokali un regionali Busverbindige.
[ändere] Bildig
Huuse het en eigene Chindergarte und e eigini Grund- und Hautpschuel.
