Allschwil
| Allschwil | |
|---|---|
 |
|
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Arlesheim |
| BFS-Nr.: | 2762 |
| Poschtleitzahl: | 4123 |
| UN/LOCODE: | CH ASW |
| Koordinate: | 607323 / 26671347.5510937.535904287Koordinate: 47° 33′ 4″ N, 7° 32′ 9″ O; CH1903: 607323 / 266713 |
| Höchi: | 287 m ü. M. |
| Flächi: | 8.92 km² |
| Iiwohner: | 19'917 (31. Dezämber 2011)[1] |
| Website: | www.allschwil.ch |
 Bligg uff dr historisch Dorfplatz... |
|
| Karte | |
 |
|
| Dialäkt: Baseldytsch |
Allschwyl (umgangssprochlich au Schwellheim oder Schwelleme, hochdytsch Allschwil) isch e politischi Gmeind im Bezirk Arlise vom Kanton Basel-Landschaft in dr Schwiiz. Sii isch noch Rynech die Gmeind mit de meischte Yywooner vom Baselbiet.
Inhaltsverzeichnis |
Lag [ändere]
Allschwyl liggt am südweschtlige Rand vo dr Stadt Basel und isch mit ihre komplett zämmegwaggse. D Kantonsgränze verlauft zmittst durs Siidligsgebiet und so gitts Stroosse, wo die eint Sitte zer Stadt Basel, die visavis zue Allschwyl gheert. Am andere Ortsrand isch Allschwyl vo zwai Sytene vo Frankrych umgeh. Geografisch und kulturhistorisch gheert Allschwyl zem Sundgau. Nochbergmeinde sin Schönebuech, Oberwyl, Binnige und die franzeesische (elsässische) Gmeinde Neuweiler, Buschwiller, Hégenheim und Saint-Louis.
Wappe [ändere]
S Wappe vo 1939 zeiggt uf blauem Grund en goldige Schlüssel krytzt mit eme silbrige Schwärt. Es isch s'Symbol vo de Heilige Petrus und Paulus, de beide Patron vo dr Dorfchile.
Gschicht [ändere]
Urkundlig wird dr Ort Almswilre 1033 s'erschti Moll erwäänt, abr Fünd uss dr Stai-, Bronze- und Römerzyt züüge vonere lange Gschicht vom Ort. In fränkischer Zyt hettt Allschwyl zem Herzogtum Elsass gheert und isch 1004 zum Bistum Basel ko. 1525 hett Stadt Basel mit Allschwyl en Schirmvertrag gschlosse, wo vorübergehend bis 1595 d Reformation yygfiehrt hett[2] Wäärend em Drissgjöörige Krieg isch s Dorf 1634 vo schwedische Truppe plünderet worde. 1792 ischs Fürschtbischtum Bsel uffghobe und als Raurakische Republik konstituiert worde. Die isch 1793 als Département du Mont-Terrible Frankrych yverleibt worde, so dass d'Allschwyler kurzi Zyt widr Franzose gsi sin (nochdäm sis scho im 1. Joortusig lang gsi sin). 1815, noch em Wiener Kongräss, isch s Dorf definitiv zur Schwiizer Eidgenosseschaft ko. Dr lokali Name Schwellheim oder (elter) Schwelleme dürfti in dr Mitti vom 20. Joorhundert entstande sy.
Wirtschaft [ändere]
Uffgrund vo dr gynschtige Lag vor Gmeind (stadtnoch, Flughafe, Landesgränze) und dr styyrlige Belaschtig sin z'Allschwyl relativ villi glaineri Firmene asässig, vor allem sog. Startup-Unternähme in dr Chemii-, Pharma- und Biotechbranche. Die hän sich z'Allschwyl zem sogenannte "Innovationszentrum Nordweschtschwiiz" zämmegschlosse. Bekannti Firmene sin u.a. Actelion, Polyhpor, MDL Information Systems. Au d Färnseestation Nordwescht 1 hett ihri Studios z'Allschwyl gha. In Allschwil sind zahlreiche kleinere Firmen ansässig, da die Lage der Gemeinde sehr günstig ist und die steuerliche Belastung relativ tief ist. Allschwil liegt in Grenznähe (Nähe zur EU) und profitiert auch von den Zentrumsleistungen der Stadt Basel. Darunter befinden sich viele sogenannte "Startup-Unternehmen" in der Chemie-, Pharma und Biologiebranche. Diese haben sich in Allschwil zum sogenannten Innovationszentrum Nordwestschweiz zusammengeschlossen. Darunter befinden sich Firmen wie Actelion, Polyphor, MDL Information Systems und zahlreiche mehr. Die Fernsehstation NordWest1 ist ebenfalls in Allschwil beheimatet.
Freizyt und Kultur [ändere]
Wie in dr ganze Region isch au z'Allschwyl d Fasnacht stark in dr Bevölkerig verankeret. Dr Umzug am Sunntig ei Wuche vor dr Basler Fasnacht gheert zue de grössere vo dr Region, isch aber noni bsunders alt, isch doch Allschwyl bis vor em Bauboom in de 1970er Joore no e glaises Dorf gsi. Entsprächend ka's d Allschwyler Fasnacht au nid mit däre z'Basel, z'Lieschtel oder z'Sissech uffnee. Sii hett aber mit de Joore iire eigne Charme entwickelet. En alte Bruuch, wo in de letschte Joore reaktiviert worde isch, isch d'Eierläset im Friehlig.
E Halle- und e Freibad biete Erholig und Aktivität im Wasser. Für Jungi gitts es Jugendfreizythuus, en Robi-Spiilplatz und s'Jugendland.
Verkeer [ändere]
Allschwyl isch mit emene dichte Stroosenetz mit dr Region verbunde, hett aber ken Schnällstrooseaschluss, was zumene hoche Verkehrsufkomme uff de Hauptstroose fiehrt, bsunders zu de Pändelzyte, wenn d Elsässer via Allschwyl noch Basel zur Arbet kemme oder wieder hai geehn.
Bis zum Dorfplatz fahrt d Tramlinie 6 vo dr BVB, wo noch Basel und witer noch Rieche bis an d Landesgränze bi Lörrach fiehrt. Drei Buslinie (33, 38, 61) verbinde d Quartier vo Allschwyl unterenand und mit Basel, Schönebeuch, Binnige und Oberwyl.
Sehenswürdigkeite [ändere]
- Dorfkärn mit typische Sundgauer Fachwärkhyyser (Riigelbaute)
- Dorfchile vo 1698 mit spotbarocker Usstattig (hytte chrischtkatholisch)
- Dorfmihli, im 17. Joorhundert als Hoschtiemihli baut, hyt e Reschtorong
- Heimatmuseum (Homepage)
- Wasserturm Langi Ägerte mit Ussichtsterasse (Blick über Basel, Südbade und Südelsass)
- Allschwiler Wald, e beliebts Nocherholigsgebiet, wo unter Naturschutz stoot, zem Teil aber au übernutzt isch
Partnerstedt [ändere]
- Pfullendorf (Dütschland)
- Blaj (Rumänie)
Quelle [ändere]
- ↑ Canton of Basel-Land Statistics, Wohnbevölkerung nach Nationalität und Konfession per 31. Dezember 2011
- ↑ Knapp Ch., Borel M. und Attinger V.(Herausg):Geographisches Lexikon der Schweiz. Band 1: AA - Emmengruppe (Seite 37).Neuenburg: Attinger, 1902.
Weblink [ändere]
Allmänd (Commons): Allschwil – Sammlig vo witere MultimediadateieFuessnoote [ändere]
| Dä Artikel basiert uff ere fräie Übbersetzig vum Artikel „Allschwil“ vu de dütsche Wikipedia.
E Liste vu de Autore un Versione isch do z finde. |
