Mont-Terrible

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Mont-Terrible isch de Name vo eme französische Département gsi, wo vom 1793i bis zum Johr 1800 exischtiirt het. De gröschti Teil vom Gebiet vom damalige Département ghört hüt zum Schwiizer Kanton Jura.

Name[ändere | Quälltäxt bearbeite]

De Name vom Département chunt vom Pultbärg, wo uf französisch Mont Terri heisst. Der Bärg ligt südlich vo Cornol im Elsgau, also zmits in dem Département.

Gschicht[ändere | Quälltäxt bearbeite]

Im 1793 het Frankrich d Raurakischi Republik, wo im Dezember 1792 us Teil vom Fürschtbistum Basel entschtanden isch, anektiirt. S anektiirti Gebiet isch zum 84. Département vo de erschte französische Republik worde. Im Johr 1800 isch s Département zum Oberelsass dezu cho und dodermit vo de Landchart verschwunde. Bim Wiener Kongress im 1815 isch de gröschti Teil vom Mont-Terrible zum Kanton Bärn cho.

Biet und Organisation[ändere | Quälltäxt bearbeite]

S Département du Mont-Terrible het am Aafang us de Dischtrikt vo Pruntrut und Delsbärg bschtande. De Dischtrikt Pruntrut isch in acht Kantön unterteilt gsi, Delsbärg in füf. Im 1797i sind noch Biet um Mömpelgard zum Département cho und de Rescht vo de ehemolige Bsitzige im Südjura vo de Fürschtbischöf vo Basel. S Département het in dere Ziit 210 Gmeinde gha und öppe 77'000 Iiwohner, gliichwohl het Frankriich s Gfühl gha, s Département sigi z chlii und so isch es im 1800 zum Département Haut-Rhin cho.

Weblinks[ändere | Quälltäxt bearbeite]