Schännau im Schwarzwald
| Wappe | Dütschlandcharte | |
|---|---|---|
|
| |
| Basisdate | ||
| Dialekt: | Alemannisch | |
| Hauptvariante: | Hochalemannisch | |
| Regionalvariante: | Wiisedälerisch | |
| Bundesland: | Bade-Württebärg | |
| Regierigsbezirk: | Friburg | |
| Landchreis: | Löörech | |
| Höchi: | 540 m ü. NHN | |
| Flächi: | 14,7 km² | |
| Iiwohner: |
2417 (31. Dez. 2022)[1] | |
| Bevölkerigsdichti: | 164 Iiwohner je km² | |
| Poschtleitzahl: | 79677 | |
| Vorwahl: | 07673 | |
| Kfz-Chennzeiche: | LÖ | |
| Gmeischlüssel: | 08 3 36 079 | |
| Adress vo dr Stadtverwaltig: |
Talstraße 22 79677 Schännau im Schwarzwald | |
| Webpräsenz: | ||
| Burgermeischter: | Peter Schelshorn | |
| Lag vo dr Stadt Schännau im Schwarzwald im Landchreis Löörech | ||
 | ||
| Dialäkt: Markgräflerisch (Ebringe) |
Schännau im Schwarzwald (dt. Schönau im Schwarzwald) isch e Stadt im Landchreis Lörrach in Bade-Württeberg.
Geographi
[ändere | Quälltäxt bearbeite]Geographischi Lag
[ändere | Quälltäxt bearbeite]Dr staatlich aerchennt Luftchurort Schännau im Schwarzwald lit im obere Wiisedal am Oberlauf vu dr Grosse Wiise, umgäbe vu dr Erhebige vum südliche Schwarzwald, in 517 bis 1309 Meter Höchi am Fuess vum Belche.
Meh wie 80 % vu dr Flächi isch vu Wald bedeckt.
Noochbergmeinde
[ändere | Quälltäxt bearbeite]Im Uhrzeigersinn (vu Norde agfange): Aitere, Utzefeld, Todtnau, Bernau im Schwarzwald, Tunau, Wembach, Fröhnd un Schöneberg.
Stadtgliderig
[ändere | Quälltäxt bearbeite]Zue Schännau ghöre näbe dr Chernstadt d'Ortsdeile Schönebueche, Brand un Uf dr Bruck.
Gschichte
[ändere | Quälltäxt bearbeite]Schännau isch anno 1113 erstmols urchundlich erwähnt worre. Dr Ort het zum Chloster St. Blasie ghört un demit zue Vorderöstriich. Anno 1805 isch Schännau zum nöi gschaffene Grossherzogtum Bade chu. 1809 het Schännau d'Stadtrechte erlangt. Sälli sin 1936 aberchennt un 1950 wiider gwährt worre.
Politik
[ändere | Quälltäxt bearbeite]D'Stadt isch Sitz vum Gmeiverwaldigsverband Schännau, wo die Gmeie Aitere, Fröhnd, Schöneberg, Utzefeld, Wiide, Bölle, Schännau, Tunau un Wembach dezu ghöre.
Wahle
[ändere | Quälltäxt bearbeite]Ergebnis vo dr Landdagswahle sit 2006:[2]
| Johr | CDU | SPD | FDP | Grüeni | Linki1 | AfD | Suschtigi |
| 2016 | 30,5 % | 12,8 % | 6,9 % | 33 % | 1,7 % | 10,1 % | 4,9 % |
| 2011 | 41,2 % | 21,9 % | 4,5 % | 26,5 % | 1,6 % | 4,3 % | |
| 2006 | 52,4 % | 23,5 % | 7,8 % | 9 % | 3,8 % | 3,6 % |
1 2006: WASG, sit 2011: Die Linke
Städtpartnerschafte
[ändere | Quälltäxt bearbeite]D'Stadt Schännau underhaldet partnerschaftlichi Beziegige zue
- Villersexel im Département Haute-Saône in Frankriich sit 1974.
Religion
[ändere | Quälltäxt bearbeite]
Z Schännau git s e katholischi un e evangelischi Chilchegmei.
Wirtschaft un Infrastruktur
[ändere | Quälltäxt bearbeite]Verchehr
[ändere | Quälltäxt bearbeite]Dur Schännau verlauft d'B 317 vu Basel nooch Titisee, wo au e regionali Buslinie druf verlauft, wo vu dr Südbadebus GmbH, ere Dochter vu dr Dytsche Bahn betriibe wird. Sälli isch dr Ersatz fer die Ober Wiisedalbahn. S'Todtnauerli, au as Oberi Wiisendalbahn bezeichnet, isch e privati Schmalspurbahn gsi, wo vu Zell im Wiisedal, wo d'Normalspurbahn vu Basel uffhört, iber Schännau nooch Dodtnau gfüehrt het. Si isch anno 1889 eröffnet un 1967 stillglegt worre. Ihr Trasse isch hüt grösstedeils aber e Radwäg, wo nit asphaltiert un dorum nit fir Rennräder geignet isch.
Asässigi Undernähme
[ändere | Quälltäxt bearbeite]- Die örtlich asässige Undernähme hän sich anno 2002 zu eme Initiativkreis Obers Wiisedal (IOW) zämmegschlosse, um gmeinsam d'Infrastrukture vum obere Wiisedal sowohl fer die asässige Undernähme as au fer die dert läbende Lüt attraktiv z'gstalte.
- Dytschlandwitt bekannt isch Schännau dur sini „Stromrebelle“ in dr 1980er Johre worre. D'Bürgerinitiative het nooch em Reaktorunfall z'Tschernobyl agfange, sich energipolitisch z'engagiere. Im Juli 1997 hän schliesslich - erstmols in dr Gschichte vu dr Bundesrepublik - e Gruppe vu Bürger (un andere) d'Stromversorgig vu dr Gmei indem si s'Netz vum damolige Energiversorger Kraftwerke Rhifelde gchauft hän. Hyt wird s'Stromnetz vu dr Elektrizitätswerke Schönau GmbH (EWS) betribe.
Gricht un Irichtige
[ändere | Quälltäxt bearbeite]Z Schännau hets e Amtsgricht, wo zum Landgrichtsbezirk Waldshuet-Tinge un Oberlandesgrichtsbezirk Charlsrueh ghört.
Persönlichkeite
[ändere | Quälltäxt bearbeite]Ehrebürger
[ändere | Quälltäxt bearbeite]- Adolf Dießlin (1853–1917), Grossherzoglicher Forstmeister
- Josef Eduard Schlageter (1855–1938), Vadder vum Albert Leo Schlageter
- Eduard Böhler (1878–1964), Geistlicher Rot
- Fritz Rueb (1925–2015), Gründer vu dr Firma Frisetta (hytt Frisetta Kunststoff un Frisetta Polymer)
- Anton Gromer (* 1931), Geschäftsführer vu dr Firma Heinzmann
- Joachim Löw (* 1960), Fuessballweltmeischter as Trainer vu dr ditsche Männernationalmannschaft anne 2014
Söhn un Döchter vu dr Stadt
[ändere | Quälltäxt bearbeite]- Albert Leo Schlageter, (1894–1923), dytscher Freikorpschämpfer
- Joachim Löw, (* 1960), dytscher Fuessballspiler un -trainer 2006 Bundestrainer vu dr dütsche Fuessballnationalmannschaft.
- Michael Sladek (* 1947), Stromrebell un Gründer vu dr EWS Schönau
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
|
Dä Artikel basiert uff ere fräie Übersetzig vum Artikel „Schönau_im_Schwarzwald“ vu de dütsche Wikipedia. E Liste vu de Autore un Versione isch do z finde. |
