Joachim Löw

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Joachim Löw
Joachim Löw.JPG
Spiilerinformatione
Name Joachim Löw
Geburtstag 3. Februar 1960
Uf d Wält cho z Schännau
Dütschland
Grössi 182 cm
Position Sturm
Verein in der Jugend
0
0
0
TuS Schönau 1896
FC Schönau
SF Eitracht Friiburg
Verein als Aktive1
Johr Verein Spiil (Gool)
1978–1980
1980–1981
1981–1982
1982–1984
1984–1985
1985–1989
1989–1992
1992–1994
1994–1995
SC Friiburg
VfB Stuttgart
Eintracht Frankfurt
SC Freiburg
Karlsruher SC
SC Friiburg
FC Schaffhuuse
FC Winterthur
FC Frauefäld
71 (18)
4 (00)
24 (05)
65 (25)
24 (02)
116 (38)
0
0
0
Nationalmannschaft
Dütschland U-21 4 (00)
Statione as Trainer
1994
1994–1995
1995–1996
1996–1998
1998–1999
1999–2000
2001
2001–2002
2003–2004
2004–2006
seit 2006
FC Winterthur D-Jugend
FC Frauefeld
VfB Stuttgart (Co-Trainer)
VfB Stuttgart
Fenerbahçe Istanbul
Karlsruher SC
Adanaspor
FC Tirol Innsbruck
FK Austria Wien
Dütschi Nationalmannschaft (Co-Trainer)
Dütschland

1 Aage si nume Liga-Spiil.

Dialäkt: Markgräflerisch (Ebringe)

Dr Joachim „Jogi“ Löw (* 3. Februar 1960 z Schännau) isch sit em 1. Auguscht 2006 dr Trainer vu dr dytsche Fuessballnationalmannschaft. As Trainer het er untert anderem d Fuessball-Weltmeisterschaft 2014 gwunne.

Dr Löw het nooch sinere middlere Riifi am Gymnasium in sinem Heimetort e Usbildig zum Grosshandelschaufmann gmacht. Er wohnt z Wittnau im Hexedal bi Friburg im Brisgau, isch verhirotet (Ehefrau Daniela) un het keini Chinder.

Karriere as Fuessballspiler[ändere | Quälltäxt bearbeite]

As Fuessballspiler isch er nooch dr Jugend bi zwei Schännauer Verein un dr Eitracht Friburg as Profi fir dr SC Friburg, dr VfB Stuegert, Eitracht Frankfurt, dr Charlsrueher SC, dr FC Schaffhuse, dr FC Winterthur und dr FC Frauefeld aktiv gsi. In 52 Bundesligaspil het er sibe Dor gschosse, dezue sin 252 Isätz un 81 Dor in dr 2. Bundesliga chuu; usserdem het er vier Isätz in dr U21-Nationalmannschaft gha.

Karriere as Trainer[ändere | Quälltäxt bearbeite]

As Trainer het er dr FC Winterthur, dr FC Frauenfeld, dr VfB Stuttgart (14. August 1996 bis 30. Juni 1998), Fenerbahçe Istanbul (1. Juli 1998 bis 29. Mai 1999), dr Charlsrueher SC (25. Oktober 1999 bis 19. April 2000), Adanaspor in dr Türkei (20. Dezember 2000 bis 4. März 2001), dr FC Tirol Innsbruck (10. Oktober 2001 bis 18. Juni 2002) un zledscht Austria Wien (4. Juni 2003 bis 24. März 2004) gleitet.

Sini gröschte sportliche Erfolg as Vereinstrainer sin dr Gwinn vum DFB-Pokal anno 1997 und s Erreiche vum Finale vum Europapokal vu dr Pokalsiger anno 1998 gsi (beides mit em VfB Stuegert) un di östriichisch Meisterschaft anno 2002 (mit em FC Tirol Innsbruck).

Nooch dr EM 2004 un em Rucktritt vum Rudi Völler het dr Löw näbenem Jürgen Klinsmann un em Oliver Bierhoff s'Füehrigstrio vu dr dytsche Nationalelf komplettiert, wo er bi dr Fuessballweltmeisterschaft 2006 dr dritt Platz erreicht het mit ere.

Am 12. Juli 2006 isch dr Joachim Löw in ere Pressekonferenz vum DFB als nöie un demit insgsamt 10. Trainer vu dr dytsche Fuessballnationalmannschaft vorgstellt worre. Säller Platz isch frei worre, noochdem dr Jürgen Klinsmann sich defür entschide het, sin Vertrag bis zum 31. Juli 2006 nimmi z'verlängere. Dr Löw het zuenächscht e Vertrag iber zwei Johr erhalde.

Nooch dr gwunnene Qualifikation zue dr Europameischterschaft 2008 in dr Schwiiz un Öschterrich het die dytsch Mannschaft nooch ere durchwaxene Vorrunde am 19. Juni z'Basel s'Virtelfinalspiil gege Portugal gwunne. Dr Löw isch fier säll Spiil vu dr UEFA in e Reporterkabine hoch iberem Stadion verbannt worre.

Mit em 3:2-Siig iber d'Türkei im St.-Jakob-Stadion ebefalls z'Basel am 25. Juni 2008 het im Joachim Löw si Mannschaft s'Finale z'Wien erreicht.

Bi dr Fuessball-WM 2010 z'Südafrika het die vum Löw betreut ditsch Nationalmannschaft dr dritt Platz erreicht un demit s'Duell um dr bescht Trainer ussem Wiisedal klar fier sich entschide. Die jüngscht ditsch Mannschaft, wo je an e WM gschickt worre isch, het sich debi durch e attraktive, offensive Fuessball uszeichnet un sowohl durch ihri Spilart wie au d'Herchumft vu dr Spiler alli Clichés iber Ditschland iber dr Huffe gworfe.

Im Vorfeld vu dr WM het es Querele um d'Vertragsverlängerig gä un noch ere Niderlage ime Teschtspil gege Argentinie im März isch au e Diskussion mit Kritik an dr Nicht-Nominierig vu erfahrene Spiler in die ditsch Nationalmannschaft in dr Presse ufchu. Bsunders heftig kritisiert worre isch, dass dr Löw dr Bundesliga-Torschützekönig vu dr abgloffene Spilzit, dr Kevin Kuranyi, nit fier d'WM nominiert het. Die Hamburger Illustrierti "DER SPIEGEL" het im Löw vorgworfe, numme uf jungi Josager z'setze un keini Kritiker z'dulde. [1] Mitte Juli hän dr Löw un si Trainerstab ihr Vertrag mit em DFB um zwei Johr bis 2012 verlängeret.

In dr Qualifikation zue dr WM 2014 isch di dütsch Mannschaft unter em Löw uf nüün Siig un ei Remis chuu. D Gruppephase vu dr WM z Brasilie hän si mit Siig über Portugal un d USA un eme Remis gege Ghana as Gruppesiiger abgschlosse. Über s Achtelfinale gege Algerie, wu in dr Verlängerig mit 2:1 besigt wore isch, isch em Löw si Mannschaft ins Viertelfinale gege Frankrich chuu, wu si mit 1:0 gwunne het. S Halbfinale gege Brasilie het di dütsch Mannschaft mit 7:1 gwunne un isch schließli noch eme 1:0 no Verlängerig im Finale gege Argentinie Weltmeister wore.

Bi de Europameischterschaft 2016 isch Dütschland in de Gruppephase uf d Ukraine, Pole un Nordirland droffe. Mit zwee Siig un eim Unentschide gege Pole isch Dütschland ins Achtefinale iizoge. Noch em Siig gege d Slowakei un em Siig gege Italie im Vierteilfinale het d MAnschaft s Halbfilane gege Frankrich verlore.

Literatur[ändere | Quälltäxt bearbeite]

  • Christoph Bausenwein: Joachim Löw und sein Traum vom perfekten Spiel. Verlag die Werkstatt, Göttingen 2011, ISBN 978-3-89533-813-7.
  • Alexander Osang: Der fremde Deutsche. Titelgeschichte in: Der Spiegel Nr. 28 vom 7. Juli 2014

Weblink[ändere | Quälltäxt bearbeite]

 Commons: Joachim Löw – Sammlig vo Multimediadateie

Quelle[ändere | Quälltäxt bearbeite]

  1. Spiegel Online am 03. Mai 2010
Information icon.svg Dä Artikel basiert uff ere fräie Übersetzig vum Artikel „Joachim_Löw“ vu de dütsche Wikipedia.

E Liste vu de Autore un Versione isch do z finde.