Michael Sladek
Dr Michael Sladek (* 1. Oktober 1946 z Murrhardt; † 24. Septämber 2024 z Schännau) isch e dytsche Dokter, Umwältaktivischt un Ekostrom-Unternämer gsii.
Lääbe
[ändere | Quälltäxt bearbeite]Dr Michael Sladek isch e Suhn vun eme Jurischt un ere promowierte Philosophi gsii. Sy Abitur het er am Gimnasium z Baggena gmacht, wun er in dr 11. Klass sy speteri Frau Ursula chänneglehrt het. Är het vu 1966 bis 1972 an dr Uniwersiteet Fryburg im Brysgau Medizin studiert un het 1969 dert ghyrote. Bis 1973 isch er druf Medizinalassischtänt z Schopfe gsii, nocherdani isch er uf „Lehr- un Wanderjohr“ gange. Anne 1977 het er si mit ere aigene Praxis as Allgmaindokter z Schännau im Schwarzwald nidergloo, 1984 het er e Gmainschaftspraxis mit eme Internischt grindet.
No dr Nuklearkataschtroph vu Tschernobyl[1] im Johr 1986 het mer ihn gchännt dur sy Idee vun eme Sischtem zur Produktion vu Strom, wu dur verdailti Minichraftwärch unabhängig vu Chärnchraftwärch isch. Dur des Sischtem, wu ne Strategi vu dr Effiziänz mit dr Stromproduktion us regenerative Energiquälle un Blockhaizchraftwärch verbindet, isch s megli wore, dr Elektrizitetsbedarf vu dr Stadt Schännau im Schwarzwald ganz autark z decke. Dur syni Initiativ, unterstitzt dur sy Frau un Frynd, sin schließli d EWS Schännau entstande. Eso sich d Stadt Schännau di erscht Gmai wore, wu ganz unabhängig vu dr Produktion vu Atomstrom isch. Mittlerwyli biete d EWS „suufere“ Strom z ganz Dytschland aa.
Ab em 6. Oktober 2009 het dr Michael Sladek e Fierigsfunktion in dr vu ihm mitgrindete Burgerinitiativ Energie in Bürgerhand gsii. Derzue isch er bi dr BürgerEnergie Berlin, ere Gnosseschaft i. G. zur blante Ibernahm vum Berliner Stromnetz syt 2014 u. a. zäme mit em Lukas Beckmann aktiv gsii. Ab 2014 isch er Uufsichtsrotsmitglid vum Bündnis Bürgerenergie e. V. gsii.
Uf Ändi 2014 het er si us em operative Gschäft vu dr EWS zruggzoge un het d Gschäftsfierig an sy Sihn ibergee.[2]
Är isch am 24. Septämber 2024 noch ere schwäre Chranket im Alter vu 77 Johr z Schännau im Schwarzwald gstorbe.[3]
Uuszaichnige
[ändere | Quälltäxt bearbeite]- 1996: Ekomanager vum Johr
- 1998: Markgrefler Guetedelbryys
- 1999: Nuclear-Free Future Award, zäme mit syre Frau
- 2003: Sunderbryys vum Europäische Solarbryys, zäme mit syre Frau
- 2004: Bundesverdienschtchryz am Band, zäme mit syre Frau
- 2007: Dytsche Grinderbryys, zäme mit syre Frau, fir di glunge Verchnipfig vu ekonomischem Erfolg mit ekologischer un sozialer Verantwortig
- 2012: Verdienschtorde vum Land Bade-Wirttebärg, zäme mit syre Frau
- 2017: Burgermedaille vu dr Stadt Schännau im Schwarzwald
Weblink
[ändere | Quälltäxt bearbeite]
Commons: Michael Sladek – Sammlig vo Multimediadateie- Elektrizitetswärch Schännau
- dr Michael Sladek bi BürgerEnergie Berlin
- Sarah Trinler: Stromrebell und EWS-Gründer Michael Sladek ist tot, Badische Zeitung, 25. Septämber 2024
Fueßnote
[ändere | Quälltäxt bearbeite]- ↑ Michael Sladek: Mut kann man spüren. Abgruefen am 12. September 2024.
- ↑ Bernward Janzing: Stromrebellen ziehen sich zurück – Söhne übernehmen. In: badische-zeitung.de. 27. Juni 2014, abgruefen am 26. Februar 2024.
- ↑ Wir trauern um Michael Sladek. In: ews-schoenau.de, 25. Septämber 2024.
|
Dä Artikel basiert uff ere fräie Übersetzig vu dere Version vum Artikel „Michael_Sladek“ vu de dütsche Wikipedia. E Liste vu de Autore un Versione isch do z finde. |