Merz Akademy
| Merz Akademie | |
|---|---|
| |
| Gründig | 1918 |
| Drägerschaft | privaat, gmainnitzigi GmbH |
| Ort |  Stuegert
|
| Bundesland |  Bade-Wirttebärg
|
| Land |  Dytschland
|
| Räkter | vakant |
| Studänt*ene | 260 WS 2014/15 |
| Website | www.merz-akademie.de |
D Merz Akademy isch e staatlig anerkännti Hoochschuel fir Gstaltig, Chunscht un Meedie im Kultuurpaark Berg z Stuegert-Oscht. Iri Wuurzle liigen in dr 1918 vum Refoormpedagoog Albrecht Leo Merz grindete „Freien Akademie für Erkennen und Gestalten“. Unter dr Laitig vum Markus Merz het d Yyriichtig 1985 di staatli Anerkännig kriegt. Dr Markus Merz het d Hoochschuel vu 1983 bis 2016 as Räkter glaitet. Vu 2016 bis Oktober 2020 isch dr Martin Fritz Räkter gsii.[1][2]
Stuudium
[ändere | Quälltäxt bearbeite]Im Bachelorstuudiegang Gstaltig, Chunscht un Meedie git s d Stuudieriichtige: Crossmedia Publishing[3], Film un Video, New Media un Visuälli Kommunikazioon. Dr Schwäärpunkt vu dr Stuudieriichtige lyt in dr gstalterische un konzepzionälle Aawändig vu dr neie Meedietächnologie in soziaale, wisseschaftlige un kulturäle Beryych. S Stuudium goot siibe Semeschter un schließt mit em staatlig anerkännte Titel Bachelor of Arts ab.
Dr dreisemeschtrig Masterstuudiegang Foorschig in Gstaltig, Chunscht un Meedie riichtet si an Absolvänte*ne vu chinschtlerisch-gstalterische Stuudiegäng un au an Gaischtes- un Kultuurwisseschaftler*ne. Är bietet dr Dailnämer*ne d Meegligkait, aigeni chinschtlerischi Foorschigsprojäkt in dr Beryych Film un Video, New Media oder Visuälli Kommunikazioon z verfolge. In interdisziplineere Team, wu vu Profässer*ne fir Theory un fir Gstaltig gmainsam glaitet wääre, wird uf dr Grundlaag vu intensiive Reschersche di aige esteetisch Praxis entwicklet un in ire gsellschaftlige Bedytig refläktiert. Dr Masterstuudiegang schließt mit em staatlig anerkännte Titel Master of Arts ab.
D Bildigsyyriichtig het e umfangryychi tächnischi Uusstattig in dr Beryych Fotografy, Druck, Videoschnitt, Tonbearbaitig un 3D-Blue-Screen-Studio, Computer-Laboratorie un e Biblioteek.
Akkreditierig
[ändere | Quälltäxt bearbeite]
D Hoochschuel, wu vu dr Merz Akademie gGmbH as gmainnitzigi Yyriichtig gfiert wiird, isch 2008 un 2015 vum Wisseschaftsroot inschtituzionäll akkreditiert woore, derno sin au d Bachelor- un Master-Stuudiegäng akkreditiert woore. Syter anne 2011 drait d Hoochschuel dr Name „Merz Akademie, Hochschule für Gestaltung, Kunst und Medien, Stuttgart“.[4]
Sunschtigs
[ändere | Quälltäxt bearbeite]D Akademy isch Dail vum Merz Bildigswäärch, wu au d Merz-Schuel un s Merz Beruefskolleeg fir Graafik-Design z Stuegert derzue gheere.[5][6]
Uusgweelti Publikazioone vu dr Akademy erschyyne im Wilhelm Fink Verlaag. E Dail Publikazioone sin au unter em Name Merz & Solitude zäme mit dr Stuftig Akademie Schloss Solitude verlait woore.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Inge Jacobs: Neuer Rektor an Merz Akademie. 6. Oktober 2016, abgruefen am 13. September 2018.
- ↑ CV. In: martinfritz.info. Abgruefen am 4. Oktober 2020.
- ↑ Kevin B. Lee appointed professor for Crossmedia Publishing. 12. September 2017, abgruefen am 21. September 2017 (änglisch).
- ↑ Merz Akademie Hochschule. Abgruefen am 3. Juli 2017.
- ↑ Rektor der Merz-Akademie in Stuttgart „Ich übergebe eine geordnete Hochschule“. Abgruefen am 7. Juli 2017.
- ↑ Merz Bildungswerk baut Angebot aus. 29. März 2017, abgruefen am 21. September 2017.
Koordinate: 48° 47′ 22,9″ N, 9° 12′ 33,8″ O
|
Dä Artikel basiert uff ere fräie Übersetzig vu dere Version vum Artikel „Merz_Akademie“ vu de dütsche Wikipedia. E Liste vu de Autore un Versione isch do z finde. |