Bundesschtrõß 314

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Vorlage:Infobox hochrangige Straße/Wartung/DE-B
Bundesstraße 314 in Deutschland
Bundesstraße 314
Karte
Rute vo dr B 314
Basisdaten
Betriiber: Bundesrepublik Deutschland
Gsamtlengi: ca. 61 km

Bundesland:

Erschtè Kilometer vo dè B 314 vo dè Bahnübberfüürig bim Baanhof Lauchringè uus.
Diè zweischpurigi, abber guèt ausbauti B 314 bi dè Silberwisè z Öschingè.
Unterhalb vom Dorf Randè chömmèd d B314 un d B27 vu Blummbärg hèr zämmè. 1,5 km öschtlich drènnt sich d B314 un goot übber Kommingè, Tengè, Bluèmèfäld gu Singè.

Diè dütschi Bundesschtrõß 314 (Abkürzig: B 314) fangt z Lauchringè (Landchreis Waldshuèt) aa als Abzwyg vo dè B 34 un füürt durch s Wuètèdal de Wuètè nõch übber Stüèlingè un Wizä (Aafang vo dè Museumsbaan Sauschwänzlebaan) gu Grimmelzofè. Dört unterquert si durch è „Nòdelöör“ d Baanschtreggi un volòt s Wuètèdal. D B 314 schlängelt witer durchs Dal vom Fiètzèmer Müllibach, wo si sich vom Grimmelzofer Steibruch wèg d B 314 durch d Müllibach-Schlucht schlänglèt, vorby a dè Viadukt vo dè Sauschwänzlebaan un dè Ort Fiètzè un Epfèhoffè, windet sich d B 314 uff d Höchi vom Große Randè, wo si bi öppè 800 m Höchi s Dorf Randè tangyrt. Dõ isch dè Chrützigspunkt mit dè B 27, welli gu Nordè hy d Vobindig vo dè öschtlichè Hochrhy-Region zum dütschè Autobaannetz bi Donaueschingè sicherschtellt un nõch Südè hy d Gränz zuè dè Schwiz erreicht. Ab dè Gränz gòt d B 27 als A4 witer, übber Schaffhuusè gu Winti. Durch selli Vobindig mit èm dütschè Autobaannetz ergit sich diè großi Bedütig vo dè B 314 für diè östlichi Hochrhy-Region. Bis zum Dorf Randè volauft d B 314 vo Südwescht nõch Nordoscht. Ab dört schwenkt si nõch Südoscht, zwygt vor èm Gränzübbergang Neuhuus-Bargè vo dè B 27 ab, un füürt übber Kommingè d Oschtflankè vom Grossè Randè durab übber Tengè un Bluèmèfäld nõch Hilzingè im Hegau. Nõch dè Autobaaufffaart Hilzingè gòt s nu nõ è baar Kilometer, bis d B 314 bi Singè widder i d Bundesschtrõß 34 ymündet. D B 314 umgòt uff dütschem Gebièt dè Kanton Schaffhuusè, wellè dõ wit übber dè Rhy nõch Nordè reichè duèt, wôrend d Bundesstrõß 34 z Èrzingè weschtlich vo Schaffhuusè a dè Schwizer Gränz uffhört un z Thayngè öschtlich vo Schaffhuusè widder aafangt.

Gschichtè[ändere | Quälltäxt bearbeite]

D Wuètèdalschtrõß zwǜschè Kadelburg un èm Randè isch ab 1750 zuè nèrè Chaussee uusbaut worrè. Selli Streggi isch 1901 als badischi Staatsstrǒß Nr. 54 benamst worrè.

D Rychsschtrõß 314 (als Vorgängerin vo dè B 314) isch öppè 1937 ygfüürt worrè.

Ortsumfaarungè[ändere | Quälltäxt bearbeite]

Stroosèübberfüürig vo dè B 314 übber d Wuètèdalbaan südlich vo Eggingè.
D Spannbedongbrugg übber d Wuètè a dè B 314 in Höchi Stadthallè Stüèlingè
Èn Museumszug vo dè Sauschwänzlebaan passyrt dè Baanübbergang a dè B 314 südlich vo Grimmelzofè. D Uusbauschtreggi goot denõch i s Nòdelöör übber
Dreischpurigi Ortsumfaarig vo Epfèhoffè in Richtung Randè.

S schtygendè Vokeersuffchò uff dè B 314 im Wuètèdal ab Aafang vo dè 1950er-Johr hèt dèzuè gfüürt, dass mò ab 1957 d Trassè vo dè B 314 vo dè Ortsdurchfaartè wäg als Umfaarungè volait hèt. Die aalt Trassè hèt nit nu jedes Dorf un d Stadt Stüèlingè durchquert, sondern isch au a rächtè Dalwangè nǒch gangè, well dè Dalboddès im mittlere Wuètèdal bis zum Dammbau uumittelbar vor èm Èrschtè Wältchrièg öft übberschwèmmt gsi isch. Diè èrscht Umfaarig isch 1957 zwǜschè Stüèlingè un Äbberfingè baut worrè. Denõch sin suksessyv alli Ortdurchfaartè zwǜschè Lauchringè un Äbberfingè draa chò: Horrè, Oftringè un Untereggingè. Diè letscht Ortsumfaarung vo Wizä-Baanhof isch kurz nõch dè Johrduusigwendi, öppè im Johr 2001, gmacht worrè. Diè beidè Blummbärger Stadtdeil Fiètzè un Èpfèhoffè sin ebbèfalls mit èrè uffwändigè Trassè zwǜschè dè Müllibachschlucht un dè Randèhöchi umfaarè worrè. Uffällig a dè Trassèfüürung vo sèllènè Ortsumfaarungè isch, dass d Strõßèbauer sich a dè Linnièfüürung vo dè Wuètèdalbaan orièntyrt hèn, bsunders uffällig zwǜschè Untereggingè und Äbberfingè. Öschtlich vom Randè stòn diè Umfaarungè nõ uus, nu Hilzingè, diè letscht Ortschaft a dè B 314 weschtlich vo Singè, vofüègt übber è Umfaarig, Im Wuètèdal hèt diè Umfaarigstrassè dè B 314 dè Spitznammè BAB, also Bundesautobahn, ybrocht. Bi erlaubtè 100 km/h lyt d Durchschnittsgschwindigkeit grob gschätzt bi 130 km/h, wodurrè Gschwindigkeitskontrollè uff dèm B 314 - Abschnitt öfters durrègfüürt wörrè.

Autobaanaaschlüss[ändere | Quälltäxt bearbeite]

Sit neuschter Zit füürt è dreischpurig uusbauts Deilschtugg vo dè A 98 vo Düèngè-Oscht dirèkt uff d B 314 (Uff- un Abfaart). D A 98 wörd si zuèkümpftig au vomuètlich 2-3 übber- odder unterquerè. È Brugg isch schu fèrtiggschtellt. → Kartè zum voruussichtlichen Streggèvolauf (47° 37′ 52″ N, 8° 20′ 0″ O47.6310408037878.3333015441895) D Fortfüürig vo dè Streggè ab dè Brugg, diè nördlich vo Obberlauchringè stòt, isch übber dè Klingègrabbè, s Hauptdal vom Chleggau, uff dè dütschè Sitè bis Èrzingè blaant. Voruussetzig dõfür isch d Witerfüürig uff dè Schwizer Sitè im südlichè Kanton Schaffuusè, disèll Variantè wörd vom Kanton Schaffhuusè abber nit guèt gheißè. D Brugg bi Obberlauchringè isch deshalb fungtionslos un isch im Volksmund als Soda-Brugg (mòl ebbè So-Da) dauft worrè. In weschtlicher Richtung gits ab èm Kaitlè, wo dè A81-Uusbau bis jetzt (Stand:2015) endèt, witeri Blaanigsbrobleeme, well dè Aarbärg bi Waldshuèt un dè Felsvorschprung, uff dèm d Altstadt vo Waldshuèt lyt, im Wäg sin. Südweschtlich vom Hohèntwyl bi Singè exischtyrt sit dè Fèrigschtellig vo dè sog. Boddèsee-Autobaan A 81 èn èchtè Autobaan-Aaschluss.

Vokeersuffchò[ändere | Quälltäxt bearbeite]

Dreischpurigè Uusbau[ändere | Quälltäxt bearbeite]

Dreischpuiig uusbauti Streggi uumittelbar bim Scheitelpunkt un unterhalb vom Dorf Randè.
Dreischpurigè Abschnitt vo dè B 314 bi dè Baanübberfüürig weschtlich vo Fiètzè.

Dè stetig aawachsende Vokeer uff èm Abschnitt Randè - Obberlauchringè hèt zum Bau vo dreischpurigè B 314 - Abschnitt gfüürt. Dè längschte dèvò füürt vo dè obberè Èndi vo dè Müllibachschlucht südlich vo Fiètzè bis uff dè Große Randè graad uumittelbar unterhalb vom Dorf Randè. Au uff dè Hegau-Abschnitt zwǜschè Kommingè un Tengè¨ un vom südlichè Stadtrand vo Singè bis zum Autobaan-Aaschluss bim Hohèntwyl volauft d B 314 deilwys dreischpurig.

Nòdelöör Grimmelzofè[ändere | Quälltäxt bearbeite]

S Noodelöör bi Grimmelzofè mit "Tempo 20"-Limitè. D Sauschwänzlebaan übberquert d B 314 am südlichè Ortsrand vo Grimmelzofè.

Grimmelzofè belait dè komplette Boddè vom Wuètèdal un lyt au nò a dèrrè Stell, wo s Müllibachdal vo Fiètzè hèr i s Wuètèdal mündet. Durch dè Bau vo dè Umfaarungè obber- un unterhalb vo Grimmelzofè hèt mò dè Vokeersfluss dütlich vobesserè chönnè, nu d Ortsdurchfaart Grimmelzofè mindert dè Vokeersfluss dütlich, zmòl südlich vo Grimmelzofè è Högschtgschwindigkeit vo 20 km/h uff ènèm ca. 250 m langè Abschnitt ygfüürt worrè isch, un für d Bürger vo Geimmelzofè è Ampelaalaag a dè Wuètèbrugg in Dorfmitte inschtallyrt worrè isch. D Bürger un dè Ortschaftsrõt vo Grimmelzofè sin schu lang un oft am Proteschtyrè un Tribellyrè, abber au Yschprõchè bim Bundesvokeersminischterium z BèrlinBundesvokeerswegeblaan betrèffènd hèn bisher nüt brocht. Blaant isch è Dunnellösig mit èrè Trassè am unterè Dorfrand nõch, um öschtlich vo dè Wuètèbrugg mit ènèm Dunnel èn Bärgvorschprung z unterquerè un denn witer i s Müllibachdal z chò.

Luèg au[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vu dere Version vum Artikel „Bundesstraße_314“ vu de dütsche Wikipedia. E Liste vu de Autore un Versione isch do z finde.