Caspar Baader

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Caspar Baader isch am 1. Oktober 1953 z Basel uf d Wält cho. Är isch schtudierte Buur, Rächtsaawalt und e Schwyzer Politiker vo dr SVP.

Caspar Baader

Schuele, Schtudium[ändere | Quälltäxt bearbeite]

Nodem dr Caspar Baader z Gälterchinde d Primar- und Realschuel (hütigi Sekundarschuel) bsuecht gha het, isch är bis 1972 ins Gymnasium z Lieschtel gange. Drno het är an dr ETH Züri Agronomy schtudiert (bis 1977) und an dr Uni-Basel Rächtswüsseschaft (1982). Drü Joor spöter het är im Baselbiet s Aawaltspatänt gmacht.

Syni Titel si: lic. iur. und dipl. Ing.-Agr. ETH. Dr Caspar Baader isch hüte selbschtändige Rächtsaawalt mit ere Aawaltspraxis z Gälterchinde.

Politik[ändere | Quälltäxt bearbeite]

Der Caspar Baader isch vo 1983 bis 1986 Mitglyd vom Gmeinrot Bannwil (BE) gsi; vo 1988 bis 1998 Mitglyd vom Bürgerrot Gälterchinde; vo 1991 bis 1999 Mitglyd und Presidänt vo dr Kreissekundarschuel Gälterchinde; vo 1992 bis 1994 Mitglyd vo dr Schtüürrekurskommission vom Kanton Basel-Landschaft; sit 1994 Presidänt vo dr Abteilig Schtüürgricht vom Kanton Basel-Landschaft.

Im Joor 1998 isch dr Caspar Baader für e Hansrudolf Nebiker in Nazionalrot nogrütscht und vertritt sither dr Kanton Basel-Land in Bärn. Är het meereri Verwaltigsrotsmandat [1] (Site cha nüme abgrüeft wärde; Suche im Webarchiv)[2] [3] Vorlage:Toter Link/www.caspar-baader.ch , isch in einige Kommissione und Delegazione und zuedem no Presidänt vo dr SVP-Bundeshuusfrakzion.

Militär[ändere | Quälltäxt bearbeite]

Im Militär isch dr Caspar Baader Oberscht.

Familie[ändere | Quälltäxt bearbeite]

Dr Caspar Baader isch verhürotet und Vater vo drei erwachsene Süün. Är woont z Gälterchinde.

Weblink[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Caspar_Baader“ vu de dütsche Wikipedia.

E Liste vu de Autore un Versione isch do z finde.