Nordkorea

Us der alemannische Wikipedia, der freie Dialäkt-Enzyklopedy
조선민주주의인민공화국

(朝鮮民主主義人民共和國)
Chosŏn Minjujuŭi Inmin Konghwaguk
Demokratische Volksrepublik Korea

{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Amtsspraach Koreanisch
Hauptstadt Pjöngjang
Staatsoberhaupt Kim Jong-un
Regierigschef Kim Chae-ryong
Flächi (95.) 122.762 km²
Iiwohnerzahl (47.) 22.912.177 (Juli 2005)
Bevölkerigsdichti (42.) 186 Iiwohner pro km²
Bruttoinlandsprodukt 25,6 Mrd. USD (Stand 2006)[1]
Brutto­inlands­produkt pro Iiwohner 1117 USD
Währig Won (= 100 Chon)
Unabhängigkeit seit 1948
Nationalhimne Achimun pinnara
Zitzone UTC+8:30 (PYT)
Kfz-Kennzeiche KP
Internet-TLD .kp (reserviert, wird nit bruucht)
Vorwahl +850

Die Demokratischi Volksrepublik Korea (kor. 조선민주주의인민공화국, Chosŏn Minjujuŭi Inmin Konghwaguk), allgmein besser bekannt as Nordkorea, isch ä Schdaat in Oschdasie. Nordkorea umfasst dr nördlig Deil vo der koreanische Halbinsle und isch noch em Kollaps vom Oschdblock eine vo de wenige realsozialistische Schdaate, wo vom Kim Jong-il diktatorisch gregiert wird.

Im Süde bildet die demilitarisierti Zone d Gränze zu Südkorea („Republik Korea“), mit welem Nordkorea bis zur japanische Annexion vo Korea 1910 ä gmeinsame Schdaat bildet het. D Deilig vom Land het noch em Zweite Wältchrieg mit der Aufdeilig vo Korea in US-amerikanischi und ä sowjetischi Bsatzigszone agfange, in wele 1948 zwei unabhängigi Schdaate gründet worde si. Si isch mit em Koreakrieg (1950 bis 1953) permanänt worde. Usser an Südkorea gränzt Nordkorea au an d Volksrepublik China und am enä sehr schmale Gränzschdreife au an Russland.

Nordkorea schdoht sit öbbe 2000 wäge siiner Wiitergab vo militärische Ragetetechnologie und in letzscher Ziit zuesätzlig wäge siim Atomwaffebrogramm im Blickpunkt vo der Wältöffentlikeit.

Bezeichnige[ändere | Quälltäxt bearbeite]

Z Nordkorea isch d Churzform Chosŏn (kor. 조선, 朝鮮, Korea) gängig. Z Sidkorea, wu Gsamtkorea Hanguk statt Chosŏn gnännt wird, heißt mer dr Nochberstaat Bukhan (북한, , „Nordkorea“).

Z Dytschland, z Eschtryych, in dr Schwyz un z Nordkorea wird offiziäll d Bezeichnig Demokratischi Volksrepublik Korea (churz "DVRK") brucht. Nordkorea sälber het bis Mitti Dezämber 2007 di in dr DDR etabliert Ibersetzig Koreanischi Demokratischi Volksrepublik un d Abchirzig KDVR brucht. Sälte wird au no dr Uusdruck Koreanischi Volksdemokratischi Republik (churz KVDR) in dr Medie brucht. Die Bezeichnig het dr Minischterrot vu dr DDR 1949 verfiegt ghaa, un het bis anne 1990 in dr DDR offiziäll Bstand ghaa, drotz ass Ändi 1977 e Änderig in KDVR aagregt woren isch.[2]

Geografii[ändere | Quälltäxt bearbeite]

Im Norde gränzt s Land an d Volksrepublik China, derzue chunnt e rund 19 km lange Gränzstreife zue Russland am Fluss Tumen lang. D Weschtkischte vu Nordkorea lyt an dr Bucht vu Korea, eme Deil vum Gele Meer. Im Oschte lyt s Japanisch Meer, wu vu dr Nordkoreaner Koreanischs Oschtmeer gnännt wird..[3][4] In dr Namesstryt um s Japanisch Meer isch au Sidkorea verwicklet.

S Landesinneri isch wäg syym gebirgige Karakter nume dinn bsidlet. D Bevelkerig konzentriert sich uf d Kischteregione im Weschte un Oschte vum Land. Wäge däm lige dert au di greschte Stedt vu Nordkorea - näbe dr Hauptstadt Pjöngjang vor allem Hamhŭng, Kaesŏng, Sinŭiju un Ch'ŏngjin.

Dr hegscht Bärg isch dr Paektusan (2.744 m) an dr Gränze zue China. Di wichtigschte Fliss sin dr Tumen (im Norde) un dr Amrok (bekannter unter syym chinesische Name Yalu).

Klima[ändere | Quälltäxt bearbeite]

Nordkorea het in dr Hauptsach e gmäßigt Kontinentalklima mit vier uusbregte Johreszyte. Dr Johresniderschlag fallt vor allem im Monsun (jangma) im Zytruum vu Juni bis Augschte. D Wintermonet sin dur Chelti un Drickeni gchännzeichnet. Im Spotjohr git s mänkmol Taifun.

D Wirtschaft[ändere | Quälltäxt bearbeite]

Nordkorea het e straff zentralisierti Blaanwirtschaft. Die isch im Raame vo dr Chuch'e-Ideologii ganz uf Autarkii usgrichdet worde. Alli Hauptindustrie und d Landwirtschaft befinde sich in staatlige Hand. D Pjöngjanger Füerig ziet d Schweerindustrii, wo milidäärisch wichdig isch, dr Brodukzioon vo Konsuumgüeter und dr Landwirtschaft vor, wo dorum stark vernoochlässigt wärde.

Wo Nordkorea sini Handelspartner im Ostblock noch dr kapitalistische Wändi dört verloore het, isch si Wirtschaft zämmebroche. Zum si Bevölkerig z ernääre, isch s Land uf Lääbensmiddelliifrige vo usländische Hilfsorganisazioone aagwiise.

Quälle[ändere | Quälltäxt bearbeite]

  1. The Korea Times: NK Economy Shrinks 1.1% in 2006, 16. August 2007 (englisch)
  2. Woodrow Wilson International Center for Scholars – Virtual Archive: Report on the official friendship visit to the DPRK by the Party and state delegation of the GDR, led by Com. Erich Honecker (Site cha nüme abgrüeft wärde; Suche im Webarchiv)[1] [2] Vorlage:Toter Link/www.wilsoncenter.org, 13. Dezämber 1977 (Ibersetzig us em Dytsch)
  3. Japanisches Außenministerium: Efforts of the Government of Japan in Response to the Issue of the Name of the Sea of Japan (1) The 8th UNCSGN, Stand 2003
  4. Korean Central News Agency: East Sea of Korea Is Not Sea of Japan Archivlink (Memento vom 20. Septämber 2011 im Internet Archive), 11. März 2004



Dä Artikel basiert uff ere fräie Übersetzig vum Artikel „Nordkorea“ vu de dütsche Wikipedia. E Liste vu de Autore un Versione isch do z finde.