Oman

Us der alemannische Wikipedia, der freie Dialäkt-Enzyklopedy
Hops zue: Navigation, Suech
سلطنة عمان

Saltanat Uman
Sultanat Oman

Flagge Omans
Wappen Omans
Flagge Wappen
Amtsschpraach Arabisch
Hauptschtadt Maskat
Schtaatsform absoluti Monarchii (Sultanat)
Schtaatsoberhaupt und Regierigschef Sultan Qabus Bin Said
Flächi 309.500 km²
Iiwohnerzahl 2.534.000 (2004)
Bevölkerigsdichti 8,2 Iiwohner pro km²
BIP/Iiwohner 9.070 US-$ ((2004))
Währig 1 Rial Omani (R. O.) = 1.000 Baizas
Unabhängigkeit 1971
Nationalhymne Ya Rabbana Ehfid Lana Jalalat Al Sultan
Ziitzone UTC+4
Kfz-Kennzeiche OM
Internet-TLD .om
Vorwahl +968
Oman in its region.svg

S Sultanat Oman, (arabisch سلطنة عمان / salṭanat ʿumān) lit am Südoschtegge vo der Arabische Halbinsle. Es gränzt im Nordweschte an die Vereinigte Arabische Emirat, im Weschte an Saudi-Arabie und im Südweschte an Jemen. Zum Staatsgebiet ghört au d Halbinsle Ruus al-Jibal am Kap Musandam, wo nördlig vom Territorium vo de Vereinigte Arabische Emirat an der Schdrooss vo Hormuz lit, d Exklave Madha, wo vo de Vereinigte Arabische Emirat umschlosse isch und d Gruppe vo de Kuria-Muria-Insle und d Insle Masirah vor der Oschtküschte vom Land. D Küschte wird begränzt vom Arabische Meer im Süde und Oschte und vom Golf vo Oman im Nordoschte. D Schdaatsgränze im Landesinnere si nit exakt feschtgleit. S Land isch ä chli chliiner as Dütschland.

Bevölkerig[ändere | Quälltäxt bearbeite]

Oase in Oman

Oman isch eins vo de Länder vo der Ärde, wo am dünnschte besiidlet si. Öbb 5% vo der Bevölkerig läbe no as Nomade. Zwüsche 1994 und 2004 isch d Bevölkerig um 1,8% gwaggse. Zum schdiigende Bevölkerigswaggstum in de letschten Johr hai vor allem die usländische Arbetnähmer bidrait:

  • 550.000 (1950)
  • 1.060.000 (1980)
  • 2.340.000 (2003)

34,9% vo der Omaner si 2004 jünger als 15  gsi, die durchschnittligi Läbeserwartig isch im gliiche Johr 75 Johr gsi. Der Adeil vo der schdedtische Bevölkerig isch 2004 uf 78% agwaggse. 2003 hai 1.781.558 Omaner und 559.257 Usländer im Land gläbt. In de Hafeschdedt läbe zahlriichi Inder, Pakistaner, Bangladeschi und Filipinos; vili vo de Usländer im Nordoschde schdamme us Oschtafrika.

Dä Artikel basiert uff ere fräie Übersetzig vum Artikel „Oman“ vu de dütsche Wikipedia.

E Liste vu de Autore un Versione isch do z finde.