Häfelfinge

Häfelfingen
Wappe vo Häfelfingen
Basisdate
Staat:	Schwiiz
Kanton:	Basel-Landschaft (BL)
Bezirk:	Sissachw
BFS-Nr.:	2847i1f3f4
Poschtleitzahl:	4445
Koordinate:	632303 / 25185047.4166667.866668543
Höchi:	543 m ü. M.
Flächi:	3,96 km²
Iiwohner:	259 (31. Dezämber 2022)
Website:	www.haefelfingen.ch
Häfelfinge und im Hindergrund Rümlige Häfelfinge und im Hindergrund Rümlige
Charte
Charte vo Häfelfingen w

Dialäkt: Baseldytsch

Häfelfinge (hochdytsch Häfelfingen) isch e politischi Gmeind im Bezirk Sissech vom Kanton Basel-Landschaft in dr Schwiiz.

Lag

Häfelfinge isch ä "Bärgdorf" uf 543 m. ü. M. am Nordweschthang vom Wiseberg im Süde vom Oberbaselbiet. Nochbergmeinde sin Rünebrg, Zeglige, s soledurnische Wiise, Läufelfinge, Buckte und Rümlige.

Wappe

S Wappe - offiziell sit 1946 - kennti fascht e Hommage an Obelix vo de unbesiigbare Gallier si. Denn es zeigt under emene schwarze Querbalke uff goldigem Grund e schwarzes Chessi (Hafe) mit drei Bai. In Wooret aber erinnerts Wappe an Name vor Gmeind. Allerdings isch das ä Fähldyttig (lueg under Gschicht).

Gschicht

S'erscht Moll wird Häfelfinge 1358 als Hevelingen urkundlig erwähnt. D Ändig -ingen dyttet uff e friehmittelalterligi alemannischi Sippesiidlig hi. Dr Gründer hett woorschiins Hevilo der Hefwulf gheisse. Also gits e ke Abstammig vomene Hafe (Chessi). Dr Ort hett friener de Froburger gheert, isch denn e Dail vor Herrschaft Homburg worde und mit ihre 1305 an Bischof und 1400 an d Stadt Basel gange. Chirchlig gheert Häfelfinge mit Wittschbrg, Chärnerchindä und Buckte zue Rümlige.

Sehenswürdigkeite

• Vom Ussichtsturm uff em Wisebärg (1001 m ü. M.) hett me an guete Dääg e wunderbari Färnsicht über dr weschtlig Jura, dr Schwarzwald, d Vogese, s Mittelland, Voralpe und Alpe

Bilder

• 
  Draditionells Buurehuus im Dorfzentrum
• 
  Dorfstrooss
• 
  Schuelblatz
• 
  Schuelhuus

Literatur

• Hans-Rudolf Heyer: Die Kunstdenkmäler des Kantons Basel-Landschaft, Band III: Der Bezirk Sissach. Hrsg. von der Gesellschaft für Schweizerische Kunstgeschichte GSK. Bern 1986 (Kunstdenkmäler der Schweiz Band 77). ISBN 3-7643-1796-5. S. 80–83.
• s Baselbiet, Verlag des Kantons Basel-Landschaft, 1996, ISBN 3-85673-617-4

Weblink

• Häfelfinge hett kei offizielli Website
• Infos vom Kanton
• Thomas Schibler: Häfelfingen. In: Historisches Lexikon vo dr Schwiiz.