Buckte
| Buckten | |
|---|---|
 | |
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Sissach |
| BFS-Nr.: | 2843 |
| Poschtleitzahl: | 4446 |
| Koordinate: | 630654 / 251098 |
| Höchi: | 480 m ü. M. |
| Flächi: | 1.99 km² |
| Iiwohner: | 717 (31. Dezämber 2022)[1] |
| Website: | www.buckten.ch |
 Ortsiigang vo Buckten | |
| Charte | |
 | |
| Dialäkt: Baseldytsch |
Buckte (hochdytsch Buckten) isch e politischi Gmeind im Bezirk Sissech vom Kanton Basel-Landschaft in dr Schwiiz.
Lag
[ändere | Quälltäxt bearbeite]Buckte ligt uff 480 m. ü. M. am Fuess vom Untere Hauestai im mittlere Homburgertal. Es liggt an dr alte Hauestailinie vo dr SBB, wo 1858 eröffnet worde isch. Hytte hett Buckte no immer en - bizz abglägene - Bahnhof, wo all Stund d S 9 vo dr S-Bahn Basel haltet. D Streggi isch besser als "Läufelfingerli" bekannt.
Nochbergmeinde vo Buckte sin talabwärts Rümlike und taluffwärts Läufelfinge. A de Häng gränze Wittschbrg, Chärnerchindä und Häfelfinge an Buckte.
Wappe
[ändere | Quälltäxt bearbeite]S Wappe stammt vo 1944 und isch ganz in gäl (gold) und schwarz ghalte. Es isch in dr Mitti durch en woogrächte Strich in zwei Hälftene teilt. Obe wird e goldigs Poschthorn uff schwarzem Grund zeigt, unde e schwarzes Wagerad uff goldigem Grund. Die Symbol erinnere dra, dass friener Buckte als Passfussort am Fuess vom Hauestai e gresseri Bedytig gha hett: Z'Buckte hett me fyr d Passyberquerig meh Rösser zer Verstärkig vor d Wäge gspannt und dr Stroossezoll ikassiert.
Gschicht
[ändere | Quälltäxt bearbeite]Scho in voralemannischer Zyt hän wohrschiins Mensche i däm Gebiet gläbt. Buckte wird 1323 als Butkon erwähnt, druffabe Buttikon und 1417 als Butken. Uffgrund vonere Konsonanteverschiebig wie z'Böckte isch denn Buckte druss worde. S'allererschti Moll wird Buckte aber am 18. Juli 1266 als Butuchon imene Kaufvertrag erwähnt. Me nimmt a, dass die Ortsbezeichnig uff dr erscht Siidler zrugg gfiehrt wärde ka.
Bilder
[ändere | Quälltäxt bearbeite]-
Ortsygang fo Buckte wemä fo Känerchinde her chunnt -
Gmäindhuus -
Gmäindhuus -
Dorfzäntrum -
Volg -
Blick uf d'Bahnhofstraass
Literatur
[ändere | Quälltäxt bearbeite]- Hans-Rudolf Heyer: Die Kunstdenkmäler des Kantons Basel-Landschaft, Band III: Der Bezirk Sissach. Hrsg. von der Gesellschaft für Schweizerische Kunstgeschichte GSK. Bern 1986 (Kunstdenkmäler der Schweiz Band 77). ISBN 3-7643-1796-5. S. 23–25.
Weblink
[ändere | Quälltäxt bearbeite]- Offizielli Website
- Infos vom Kanton
- Bernard Degen: Buckten. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
|
Dä Artikel basiert uff ere fräie Übersetzig vum Artikel „Buckten“ vu de dütsche Wikipedia. E Liste vu de Autore un Versione isch do z finde. |