Wytschbrg
| Wittinsburg | |
|---|---|
 | |
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Sissach |
| BFS-Nr.: | 2867 |
| Poschtleitzahl: | 4443 |
| Koordinate: | 630495 / 253014 |
| Höchi: | 573 m ü. M. |
| Flächi: | 3,21 km² |
| Iiwohner: | 428 (31. Dezämber 2022)[1] |
| Website: | www.wittinsburg.ch |
| Charte | |
 | |
| Dialäkt: Baseldytsch |
Wytschbrg (oder "Dr Wytschbrg", hochdytsch Wittinsburg) isch e politischi Gmeind im Bezirk Sissech vom Kanton Basel-Landschaft in dr Schwiiz.
Lag[ändere | Quälltäxt bearbeite]
Wytschbrg liggt uff 572 m ü.M. in ere Mulde vom Tafeljura zwischem Homburger- und Diegtertal und wird vo Buckte us erschlosse. Nochbergmeinde sin Diepflige, Gälterchindä, Rümlige, Buckte, Chärnerchindä, Diegtä, Dännike und uff es paar Meter Dürne.
Wappe[ändere | Quälltäxt bearbeite]
S Wappe vo 1944 zeigt uff dr schwarze Schildhelfti e goldigi Kornähre und uff dr goldige Helfti e schwarzi. S Wappe stellt dr dominierend Ackerbau im Tafeljura dar.
Gschicht[ändere | Quälltäxt bearbeite]
Bodefund belegge menschlichi Aktivitäte uff em Wytschbrg uss dr Stai- und Römerzyt. S Dorf goot uff e Siidlig zrugg, dären-ihrer Gründer villicht Widubar oder Witheris gheisse hett. 1358 isch Witerberg inere Urkunde erwäänt. Die hyttig hochdytsch Schrybig uf -burg hett sich erscht im 18. Joorhundert afoo duresetze, im Dialäkt ischs bim -berg bis hyt bliibe. Wytschbrg hett zer Herrschaft Homburg gheert, isch 1305 an Bischof und 1400 an d Stadt Basel ko. Vom Mittelalter bis in d Neuzyt sin d'Steigruebe, wo Mühlistai, Türstürz und Fänschtergwänd uss Dänniker Muschelagglomerat gliiferet hän, vo Bedytig gsi.
Weblink[ändere | Quälltäxt bearbeite]
Fuessnoote[ändere | Quälltäxt bearbeite]
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
