Ormalinge

Ormalingen
	Wappe vo Ormalingen
Basisdate
Staat:	Schwiiz
Kanton:	Basel-Landschaft (BL)
Bezirk:	Sissach
BFS-Nr.:	2856
Poschtleitzahl:	4466
UN/LOCODE:	CH OLG
Koordinate:	633022 / 257850Koordinate: 47° 28′ 14″ N, 7° 52′ 36″ O; CH1903: 633022 / 257850
Höchi:	423 m ü. M.
Flächi:	6,94 km²
Iiwohner:	2330 (31. Dezämber 2022)
Website:	www.ormalingen.ch
	Ormalinge Ormalinge
Charte
	Charte vo Ormalingen

Dialäkt: Baseldytsch

Ormalinge (hochdytsch Ormalingen) isch e politischi Gmeind im Bezirk Sissech vom Kanton Basel-Landschaft in dr Schwiiz.

Lag

Ormalinge liggt uff 423 m ü.M. im Ergolztal öschtlich vo Gälterchindä. Witeri Nochbergmeinde sin Buus, Rickebach, Däggnau, Wäislinge, Roteflue und Hemmike.

Wappe

S Wappe vo 1946 isch in dr undere Helfti blau und obedra zeigts e rote Stärn uff goldigem Grund. Es isch s'Siigel vo de Edelchnächt vo Zielemp, wo in dr Mitti vom 14. Joorhundert Güeter z'Ormalinge bsässe hei.

Gschicht

Ormalinge isch scho früeh bsidlet worde, so hett me e Überräscht vonere römischä Villa und riichi früehmittelalterlichi Gräber gfunde. "Normandingen" isch 1286 s'erschti Moll urkundlig erwähnt worde. Dr Name stammt woorschiindli vo "Nordmann" ab. Mit dr Zyt isch s "N" vrlore gange und me hetts Dorf "Ormandingen" gnennt. Im Mittelalter hei sich nochenander d Grafe vo Hombärg, Froburg, Homburg und Thierstei s Dorf teilt. 1461 isch s Dorf wie die ganz Gegend in Bsitz vor Stadt Basel cho.