Amtliche Gmeischlüssel

Dialäkt: Markgräflerisch (Ebringe)

Dr Amtliche Gmeischlüssel (AGS), früeher au Amtlichi Gmeikennzahl (GKZ) oder Gmeichennziffere, isch e Zifferefolg fer d Identifikation vu politisch selbständige Gmeinde oder gmeifreie Gebite.

Anderi Nomeklature fier e Abgrenzig vu Gebite sin z. B. d Boschleitzahl oder dr NUTS-Code. Im Marketing werre au Nielsegebiet verwendet.

Dytschland

Dr dytsch Gmeoschlüssel isch vor allem fier statistische Zwecke do un wird in dr Dateverarbeitig verwendet, wo mer Gmeilischte brucht. Er wird in Dytschland vu dr Statistische Ämter vu dr einzelne Bundesländer eiheitlich vergä.

Dr Gmeischlüssel isch z. B. bim Wohnigswexel uf dr Abmeldig bzw. Ameldig azgä. Er wird aber i. d. R. vum jewilige Iwohnermeldeamt im Rothus itrage.

Ufbau

Dr Gmeischlüssel bestot us insgsamt 8 Ziffere, wo sich wie folgt zämmesetze:

Die erschte beide Ziffere bezeichne s Bundesland, die 3. Ziffere bezeichnet dr Regierigsbezirk (bi Länder ohni Regierigsbezirke stot do e 0), die 4. un 5. Ziffere bezeichne dr Stadtchreis (chreisfreii Stadt) bzw. dr Landchreis (Chreis) un die 6., 7. un 8. Ziffere bezeichne d Gmei oder e gmeifreis Gebit.

Bispiler:

08 3 11 000 = Friburg im Brisgau

08 Bade-Württeberg
3 Regierigsbezirk Friburg
11 Stadtchreis Friburg
000 (Friburg kriegt als Stadtchreis keini wittere Gmeischlüssel)

08 3 15 028 = Ebringe

08 Bade-Württeberg
3 Regierigsbezirk Friburg
15 Landchreis Brisgau-Hochschwarzwald
028 Gmei Ebringe

Bundesländer

D Zellig erfolgt vu Norde uf Süde (Nr. 01-09), in chronologischer Zueghörigkeit zue dr Bundesrepublik Dytschland (Nr. 10, Bitritt 1957) un alphabetischer Reihefolge (Nr. 11-16) im Bitrittsgebit vu 1990.

Weblink

Statistischs Bundesamt Dytschland - Suech im bundeswitte Gmeiverzeichnis iber „Gemeindenamen“ oder „Gemeindeschlüssel“ mit statistische Agabe zue dr Bevölcherig un Flächi.
https://web.archive.org/web/20050306043650/http://www.mh-hannover.de/einrichtungen/tumorzentrum/pdf/HIT_COD_GEMEINDE.PDF - Gmeischlüssel vu Nidersaxe un Breme
https://web.archive.org/web/20060102183744/http://www.mi.brandenburg.de/sixcms/media.php/1071/Gemarkungserlass%202004.pdf - Gmeischlüssel un Gmarkigsnummer vu Brandeburg

Östriich

Ufbau

Dr Gmeischlüssel z Östriich bestot us insgsamt 5 Ziffere, wo sich wie folgt zämmesetze:

Die erscht Ziffere bezeichnet s Bundesland (in alphabetischer Reihefolg), die 2. un 3. Ziffere bezeichne dr Bezirk un die 4. un 5. Ziffere bezeichne d Gmei.

Bispiler:

3 25 21 = Rappottenstein

3 Nideröstriich
25 Bezirk Zwettl
21 Gmei Rappottenstein

9 07 01 = Wien - Neubau

9 Wien
07 Neubau (7. Bezirk)
01 -

Bundesländer

Weblink

https://web.archive.org/web/20070410204149/http://www.statistik.at/blickgem/index.jsp - Städtverzeichnis mit Gmeischlüssel

Schwiz

S Schwizer Gegestuck zum Gmeischlüssel isch d Gmeinummere.

Dä Artikel basiert uff ere fräie Übersetzig vum Artikel „Amtlicher_Gemeindeschlüssel“ vu de dütsche Wikipedia. E Liste vu de Autore un Versione isch do z finde.