Meckleburg-Vorpommre

Meckleburg-Vorpommere; Mecklenburg-Vorpommern
	{{{ARTIKEL-FLAGGE}}}
	{{{ARTIKEL-WAPPEN}}}
Basisdate
Landeshauptstadt:	Schwerin
Flechi:	23.174,17 km² km²
Gründig:	1990
ISO 3166-2:	DE-MW
Website:	www.mecklenburg-vorpommern.de
Bevölkerig
Iiwohnerzahl:	1.679.682 (31. Dezember 2007)
Bevölkerigsdichti:	72,7 Iiwohner pro km²
Wirtschaft
Arbetslosequote:	8,6 % (Januar 2021)
Schulde:	10,9 Mrd. € (Januar 2008)
Politik
Regierungschef:	Manuela Schwesig (SPD)
Regierendi Parteie:	CDU und SPD
Sitzverteilig im Landesparlament:	LINKE = 14; SPD = 27; GRÜNE = 7; CDU = 18; NPD = 5
Letschti Wahl:	4. Septämber 2011
Neggschti Wahl:	2016
Stimme im Bundesrat:	4

Meckleburg-Vorpommre (dt. Mecklenburg-Vorpommern, plattdütsch Mäkelborg-Vörpommern – s e oder ä im erschte Wort seit me lang) isch a dütsches Bundesland und ligt im Nordoschtä fa Dütschland. Des Bundesland isch relativ groaß und hätt aber nu ca. 1,7 Millione Iwohner. D Hauptstadt isch Schwerin. Bekannt sind oh die Städt Wismar und Rostock.

Dr Weste und d Mitti vom Bundesland bestoht us dr historische Region Meckleburg, im Oste lit Vorpommre – dä Deil vo dr früehnere preußische Provinz Pommre, wo noch em Zweite Wältchrieg bi Dütschland bliibe isch.

Geografy

Lag

Meckleburg-Vorpommre litt ganz im Nordoste vo Dütschland. Im Norde liige großi Deil vom Bundesland an de Ostsee. Im Weste und Nordweste grenzt s an d Bundesländer Schleswig-Holste und Niedersachse und im Süde an Brandeburg; östlig vo Meckleburg-Vorpommre litt Pole.

Landschaft

Meckleburg-Vorpommre hät e Küstelängi vo insgsamt 1700 Kilometer. Dodemit hät s di längsti Küste vo allne dütsche Bundesländer. Di gröschte Insle sin Rügen, Usedom, Poel und Hiddensee. Wichtigsti Halbinsle isch Fischland-Darß-Zingst.

S Land isch flach bis hüglig. Die höchste Berge sin:

Helpter Berge (179 m)
Ruhner Berge (176,6 m)
Piekberg (Rügen; 161 m)

Gschicht

Noch em Zweite Wältchrieg isch s Land uss de beede meckleburgische Freistaate und uss Vorpommre, em weschtliche Teil vo de prüßische Brovinz Pommre, bildet worde. Dezue cho isch no s Amt Neuhaus, wo devor zur Brovinz Hannover ghört hät.

Wäge de Verwaltigsreform in de DDR isch s Land 1952 aber scho wider uffglöst und in d Bezirk Neubrandeburg (Südoste), Rostock (an de Küste) und Schwerin (Südweste) uffteilt worre. Kleini Deil sin au zu Frankfurt an de Oder und Potsdam cho.

Wo 1990 d DDR zerfalle isch, hät mer s Land Meckleburg-Vorpommre neu gründet. S isch vom Umfang här fascht s Glych, wie s 1945–1952 gsi isch. E baar wenigi Gebiet sin a Brandeburg cho wie z. B. Gartz an de Oder, wo e Ruckkehr zu Meckleburg uss politische Gründ nit durchsetzbar gsi isch, und s Amt Neuhaus hät wider wele zu Nidersachse zrugg.

Gröschti Städt

Platz	Stadt	Ywohner (31.12.06)
1	Rostock	199.868
2	Schwerin	96.280
3	Neubrandenburg	67.517
4	Stralsund	58.288
5	Greifswald	53.434
6	Wismar	45.182
7	Güstrow	31.083
8	Neustrelitz	22.152

Gliiderig

Sit der Chreisgebietsreform 2011 isch s Land i sächs Landchreis und zwei chreisfreii Stedt gliideret:

Landchreis oder chreisfreii Stadt	Landesdeil	Chreissitz	Ywohner 31. Dezämber 2022^[2]	Flächi km²	Ywohner pro km²
Rostock	Meckleburg	—	209.920	181,26	1157
Schwerin	Meckleburg	—	98.596	130,52	756
Landchreis Ludwigslust-Parchim	Meckleburg	Parchim	214.161	4.751,86	45
Landchreis Mecklenburgische Seenplatte	Meckleburg (deilwys Vorpommern)	Neubrandenburg	259.568	5.470,03	47
Landchreis Nordwestmecklenburg	Meckleburg	Wismar	160.288	2.118,45	76
Landchreis Rostock	Meckleburg	Güstrow	220.807	3.422,23	65
Landchreis Vorpommern-Greifswald	Vorpommre (deilwys Meckleburg)	Greifswald	237.355	3.929,48	60
Landchreis Vorpommern-Rügen	Vorpommre (deilwys Mecklenburg)	Stralsund	227.683	3.207,22	71

Varia

D frienerig dytsch Bundeskanzleri Angela Merkel het ihr Wahlchreis z Vorpommre gha.

Weblink

Commons: Mecklenburg-Vorpommern – Sammlig vo Multimediadateie

Fueßnote

↑ Arbeitslosenquoten – Länder und Kreise. In: statistik.arbeitsagentur.de. Statistik der Bundesagentur für Arbeit, Januar 2021, abgruefen am 9. Februar 2021.
↑ Statistisches Amt M-V – Bevölkerungsstand der Kreise, Ämter und Gemeinden 2022 (XLS-Datei) (Amtliche Einwohnerzahlen in Fortschreibung des Zensus 2011).

Dä Artikel basiert uff ere fräie Übersetzig vum Artikel „Mecklenburg-Vorpommern“ vu de.wikipedia.org. E Liste vu de Autore un Versione isch do z finde.

[1] Arbeitslosenquoten – Länder und Kreise. In: statistik.arbeitsagentur.de. Statistik der Bundesagentur für Arbeit, Januar 2021, abgruefen am 9. Februar 2021.

[ReferenceA-2] Statistisches Amt M-V – Bevölkerungsstand der Kreise, Ämter und Gemeinden 2022 (XLS-Datei) (Amtliche Einwohnerzahlen in Fortschreibung des Zensus 2011).

[1]

[2]