Challand-Saint-Anselme

Us der alemannische Wikipedia, der freie Dialäkt-Enzyklopedy
Challand-Saint-Anselme
Wappe
Challand-Saint-Anselme (Italien)
Challand-Saint-Anselme (Italien)
Challand-Saint-Anselme
Challand-Saint-Anselme
Lag vu dr Gmai Challand-Saint-Anselme im Augschtdal

Lag vu dr Gmai Challand-Saint-Anselme im Augschtdal
Lag vu dr Gmai Challand-Saint-Anselme im Augschtdal
Staat: Italie
Region: Aostatal
Koordinate: 45° 43′ N, 7° 44′ OKoordinate: 45° 43′ 0″ N, 7° 44′ 0″ O
Hechi: 1,03 m s.l.m.
Yywohner: 742 (31. Dez. 2022)[1]
ISTAT-Nummer: 007013

Challand-Saint-Anselme (frankoprov. Tchalàn Damoùn, töitschu z’uabra Tschallanh) isch e Gmai in dr autonome Provinz Augschtdal z Italie.

Challand-Saint-Anselme ghert zue dr Gmainschaft Unité de communes Evançon.

Geografi[ändere | Quälltäxt bearbeite]

Challand-Saint-Anselme lyt im Val d’Ayas, eme Sytedal vum Augschtdal.

Zue dr Gmai ghere d Wyyler Allésaz, Arbaz, Bachan, Châtillonet, Corliod, Maé, Moussanet, Orbeillaz, Quinçod, Pésan, Plésod, Ruvére, Tollégnaz, Tilly. Nochbergmaine sin Brusson, Challand-Saint-Victor, Emarèse un Issime

Gschicht[ändere | Quälltäxt bearbeite]

Dr Grinder vum Huus Savoye, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoye gheert bis anne 1946, d. h. bis dr letscht italienisch Chenig Umberto II. abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus under em Benito Mussolini isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Challand-Saint-Anselme dr italienisiert Name Villa Sant’Anselmo drait. Noch em Zweede Wältchrieg het s Augschtdal anne 1948 e autonome Sonderstatus griegt.

Bevelkerig[ändere | Quälltäxt bearbeite]

Johr 1861 1871 1881 1901 1911 1921 1931
Yywohner 1181 1218 1127 1317 1305 1324 1023
Johr 1936 1951 1961 1971 1981 1991 2001
Yywohner 982 800 755 672 713 706 686

Politik[ändere | Quälltäxt bearbeite]

Dr Burgermaischter vu Challand-Saint-Anselme isch dr Riccardo Perret.

Sproch und Dialäkt[ändere | Quälltäxt bearbeite]

Dr frankoprovenzalisch Dialäkt vu Challand-Saint-Anselme ghert zum Valdostanisch (Valdôtèn).

Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Challand-Saint-Anselme sin 83 Froogebeege wider retuurchuu[2].

Froog 0301: Was isch Ihri Muetersprooch?
Italienisch Patois Italienisch un Patois Piemontesisch anderi kai Andwoord Total
33 (39,8 %) 32 (38,6 %) 3 (3,6 %) 1 (1,2 %) 3 (3,6 %) 11 (13,3 %) 83
Froog 1403a: Wie guet verstehn si Frankoprovenzalisch (Patois)?
guet mittelguet e weng gar nit kai Andwoord Total
66 (79,5 %) 11 (13,3 %) 2 (2,4 %) 4 (4,8 %) 0 (0 %) 83
Froog 1403b: Wie guet chenne si Frankoprovenzalisch (Patois) schwätze?
guet mittelguet e weng gar nit kai Andwoord Total
57 (68,7 %) 5 (6 %) 7 (8,4 %) 9 (10,8 %) 5 (6 %) 83

Weblink[ändere | Quälltäxt bearbeite]

 Commons: Challand-Saint-Anselme – Sammlig vo Multimediadateie

Fueßnote[ändere | Quälltäxt bearbeite]

  1. Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
  2. Fondation Émile Chanoux: ‘‘Sondage linguistique’’. Archiviert vom Original am 5. Juli 2017; abgruefen am 15. November 2012.