Champorcher

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Champorcher
Wappe
Champorcher (Italien)
Champorcher
Lag vu dr Gmai Champorcher im Augschtdal
Lag vu dr Gmai Champorcher im Augschtdal
Staat: Italie
Region: Aostatal
Koordinate
45° 37′ N, 7° 37′ O45.6166666666677.61666666666671427Koordinaten: 45° 37′ 0″ N, 7° 37′ 0″ O
Hechi: 1.427 m s.l.m.
Yywohner: 393 (31. Dez. 2016)[1]
ISTAT-Nummer: 007018

Champorcher (frankoprov. Tsampourtséi) isch e Gmai in dr autonome Provinz Augschtdal z Italie.

Champorcher ghert zue dr Gmainschaft Unité de communes Mont-Rose.

Geografi[ändere | Quälltäxt bearbeite]

Champorcher lyt im Valle di Champorcher, eme Sytedal vum Augschtdal.

Zue dr Gmai ghere d Wyyler Arbussey, Boussiney, Byron, Chardonney, Château, Collin, Coudreyt, Dogier, Dublanc, Garavet, Gontier, Grand-Mont-Blanc, Grand- Rosier, L’Ecreux, Loré, Mellier, Moulin, Outre l’éve, Parié, Perrier, Perruchon, Petit-Mont-Blanc, Petit-Rosier, Ronchas, Salleret, Sen-du-Gail, Vagly, Verana, Vignat, Vigneroisa. Nochbergmaine sin Champdepraz, Cogne, Fénis, Issogne, Pontboset, Valprato Soana (TO) un Vico Canavese (TO)

Gschicht[ändere | Quälltäxt bearbeite]

Dr Grinder vum Huus Savoye, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoye gheert bis anne 1946, d. h. bis dr letscht italienisch Chenig Umberto II. abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus under em Benito Mussolini isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Champorcher dr italienisiert Name Campo Laris drait. Noch em Zweede Wältchrieg het s Augschtdal anne 1948 e autonome Sonderstatus griegt.

Bevelkerig[ändere | Quälltäxt bearbeite]

Johr 1861 1871 1881 1901 1911 1921 1931
Yywohner 1200 1207 1167 1108 1094 998 861
Johr 1936 1951 1961 1971 1981 1991 2001
Yywohner 726 638 563 515 455 406 423

Politik[ändere | Quälltäxt bearbeite]

Dr Burgermaischter vu Champorcher isch dr Mauro Gontier.

Sproch und Dialäkt[ändere | Quälltäxt bearbeite]

Dr frankoprovenzalisch Dialäkt vu Champorcher ghert zum Valdostanisch (Valdôtèn).

Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Champorcher sin 59 Froogebeege wider retuurchuu[2].

Froog 0301: Was isch Ihri Muetersprooch?
Italienisch Patois Franzeesisch anderi kai Andwoord Total
38 (64,4 %) 15 (25,4 %) 1 (1,7 %) 1 (1,7 %) 4 (6,8 %) 59
Froog 1403a: Wie guet verstehn si Frankoprovenzalisch (Patois)?
guet mittelguet e weng gar nit kai Andwoord Total
33 (55,9 %) 10 (17 %) 2 (3,4 %) 13 (22 %) 1 (1,7 %) 59
Froog 1403b: Wie guet chenne si Frankoprovenzalisch (Patois) schwätze?
guet mittelguet e weng gar nit kai Andwoord Total
29 (49,2 %) 5 (8,5 %) 5 (8,5 %) 19 (32,2 %) 1 (1,7 %) 59

Weblink[ändere | Quälltäxt bearbeite]

 Commons: Champorcher – Sammlig vo Multimediadateie

Fueßnote[ändere | Quälltäxt bearbeite]

  1. Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2016.
  2. Fondation Émile Chanoux: ‘‘Sondage linguistique’’