Italiänisierig

As Italiänisierig wird im Allgemäine d Verdrängig vo andere Sprooche dur s Italiänische bzw. d Akkulturazioon vo ethnische Minderhäite in Itaalie bezäichnet.

Im Bsundere bezäichnet dr Begriff dr Versuech vo dr faschistische Regierig vom Köönigriich Itaalie, wo 1922 an d Macht cho isch, d Gebiet mit nit-italiäänische Bevölkerige, wo im Raame vom Irredentismus zu Itaalie cho si, sproochlig und kulturell italiäänisch z dominiere und iine iiri äigeni Identidäät wägznee.

D Gebiet, wo betroffe gsi si

s Südtirol, wo bis 1919 zu Ööstriich-Ungarn ghöört het, isch mit em Verdraag vo Saint-Germain zum Köönigriich Itaalie cho.
s Kanaltal, bis 1919 Däil vo Kärnte (Ööstriich-Ungarn)
die dütsche Sproochinsle vo de Zimbere und de Färsedaaler in Nordostitaalie
d Haafestadt Triest und iiri Umgääbig, bis 1919 as freiji Gmäind Däil vo Ööstriich-Ungarn
Istrie, bis 1919 Däil vo Ööstriich-Ungarn
Däil vo dr histoorische Regioon Dalmaazie, bis 1919 as Köönigriich Dalmaazie Däil vo Ööstriich-Ungarn
s Aostadaal
Sardiinie
die Ioonische Insle (1941–1943)
die Italiänische Egeis-Insle (1923–1943)

Kwelle

Dr Ardikel «Italianisierung» uf dr dütsche Wikipedia

Liddratuur

Walter Freiberg (i. e. Kurt Heinricher): Südtirol und der italienische Nationalismus – Entstehung und Entwicklung einer europäischen Minderheitenfrage, Universitätsverlag Wagner, Innsbruck 1990 , 2 Bände, ISBN 978-3-7030-0224-3.
Claus Gatterer: Im Kampf gegen Rom – Bürger, Minderheiten und Autonomien in Italien, Europa-Verlag, Wien/Frankfurt/Zürich 1968, ISBN 978-3-203-50056-0.
Alfons Gruber: Südtirol unter dem Faschismus, Athesia, Bozen 1979, ISBN 978-88-7014-010-1.
Sebastian Weberitsch: Aus dem Leben des Doktor Sebastian Weberitsch, 568 Seiten, Verlag Ferd. Kleinmayr, Klagenfurt 1947
Das Kanaltal und seine Geschichte. Uusegääber Kanaltaler Kulturverein, Annenheim 1995, ISBN 3-901088-04-0.

Weblingg

Fuessnoote