Ueli Maurer
Us der alemannische Wikipedia, der freie Dialäkt-Enzyklopedy
De Ueli Maurer (* 1. Dezember 1950 z Wetzike, Kanton Züri) isch en Schwiizer Politiker (SVP). Er isch sit em 1. Jänner 2009 eine vo de siebe Bundesröt vo de Eidgnosseschaft.
De Maurer het e kaufmännischi Lehr gmacht un s eidgnössisch Buchhalterdiplom gmacht. Vo 1994 bis 2008 isch er Gschäftsführer vom Zürcher Buureverband gsi. De Maurer wohnt z Wernetshuse (Teil vo de Gmeind Hinwil), isch ghürate un het sechs Chind. Er isch Bürger vo Adelbode un Hinwil.
[ändere] Politischi Karriere
Vo 1978 bis 1986 isch de Maurer Gmeindrot z Hinwil gsi. Im 1983i isch er i de Zürcher Kantonsrot gwählt worde un derte blibe bis zu sinere Wahl i de Nationalrat im 1991. Vo 1996 bis 2008 isch er Präsident vo de SVP Schwiiz gsi, wo unter sinere Führig zu de wählerschtärkschte Partei vo de Schwiiz worden isch. Am 10. Dezember 2008 isch er als Nachfolger vom Samuel Schmid i de Bundesrot gwählt worde un hett am 1. Jänner 2009 sis Amt aaträte un s Departement für Verteidigig, Bevölkerigsschutz un Sport (VBS) übernoh.
| Vorgänger Samuel Schmid |
Mitgliid im Schwiizer Bundesrat 2009-... |
Nochfolger --- |
