Hans-Rudolf Merz
De Hans-Rudolf Merz (* 10. November 1942 in Herisau), Bürger vo Beiwil am See (AG), isch en Schwiizer Politiker (FDP).
Er isch am 10. Dezember 2003 in Bundesrat gwählt worde. D Wahl vom Hans-Rudolf Merz und vom Christoph Blocher hät Unmuet in gwüsse Bevölkerigschreise uusglöst, insbsunderi bi de Fraue, wo sitdem nur no dur d Micheline Calmy-Rey im Bundesrat vertrete gsii sind (sit em 1. Auguscht 2006 isch mit dr Doris Leuthard wider e zweiti Frau im Bundesrat). Er staht sit siinere Wahl em Eidgenössische Finanzdepartement vor.
Am 6. Augschte 2010 het de Hans-Rudolf Merz z Bärn sii Rucktritt us em Bundesrat per Afang Oktober 2010 bekannt gää.[1][2] Uf de 31. Oktober 2010 isch er us em Bundserot usgschide.
Vo 1997 bis 2003 isch er Schtänderat vo Appezell Usserrhode gsii. Bis 1967 isch de Hans-Rudolf Merz Mitgliid vo dr Legislative (Iiwohnerrat) vo dr Gmeind Herisau (AR) gsii.
Brueflich isch er vo 1977 bis 2003 international und i dr Schwiiz als Undernähmesberater tätig gsii. Dezue isch er i mehrere Verwaltigsrät gsesse.
Schrifte [ändere]
- Finanz- und Verwaltungsvermögen in öffentlich-rechtlicher und wirtschaftlicher Betrachtungsweise, unter besonderer Berücksichtigung der Staatsrechnungen der Kantone. St. Gallen 1971 (Dissertation)
- Die aussergewöhnliche Führungspersönlichkeit: Essay über Elativität und elative Persönlichkeit. Rüegger, Grüsch 1987, ISBN 3-7253-0297-9
- Der Landammann und weitere Erzählungen aus dem Appenzellerland. Schläpfer, Herisau 1992, ISBN 3-85882-072-5
Weblink [ändere]
Allmänd (Commons): Hans-Rudolf Merz – Album mit witere Multimediadateie- Lebenslauf vom Hans-Rudolf Merz uf der Websiite vom Eidgnössischen Finanzdepartement
- Hans-Rudolf Merz uf dr Websyte vo dr Bundesversammlig
- Artikel Merz, Hans-Rudolf im Historische Lexikon vo dr Schwiiz
Einzelnochwis [ändere]
- ↑ Demission von Bundesrat Hans-Rudolf Merz auf Oktober, Die Bundesbehörden der Schweizerischen Eidgenossenschaft (admin.ch), 6. Augschte 2010
- ↑ Medienkonferenz des Bundesrates vom 6.8.2010, Die Bundesbehörden der Schweizerischen Eidgenossenschaft (admin.ch), 6. Augschte 2010
| Vorgänger Kaspar Villiger |
Mitgliid im Schwiizer Bundesrat 2004-2010 |
Nochfolger Johann Schneider-Ammann |
| Dä Artikel basiert uff ere fräie Übbersetzig vum Artikel „Hans-Rudolf_Merz“ vu de dütsche Wikipedia.
E Liste vu de Autore un Versione isch do z finde. |
| Persoonedaate | |
|---|---|
| NAME: | Merz, Hans-Rudolf |
| ALTERNATIVNAMEN: | |
| KURZBESCHREIBUNG: | Schweizer Politiker, Bundesrat |
| GEBURTSDATUM: | 10. November 1942 |
| GEBURTSORT: | Herisau, Schweiz |
| STERBEDATUM: | |
| STERBEORT: | |
