Bundesversammlung (Schweiz)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Bundeshuus z Bärnn

D Bundesversammlig, s Parlament vo de Schwiiz, het zwei Kammere: em Nationalrot mit 200 Mitglider un de Ständerot mit 46 Mitglider. Zämme sin si di legislativi Gwalt vo de Eidgnosseschaft. Wenn si zämme e Sitzig hei, wo bi de Wahl vom Bundesroot und de Bundesrichter de Fall isch, bezeichnet me si als Vereinigti Bundesversammlig.

Versammlig[ändere | Quälltäxt bearbeite]

D Bundesversammlig tagt sit de Gründig vom Bundesschtaat im 1848i z Bern. Sit em 1858i tagt de Naitiopnal- und de Ständerot hüt so gnannte Bundeshuus Wescht, wo damals Bundesrathuus gheisse het. Sit em 1902i isch de Tagisgsort de zentrali Kuppelbau vom Bundeshuus, wo damals noi bauet worde-n-isch.

Bisher het d Bundesversammlig wäge Renovatione an anderne Ort i de Schwiiz taget, nämlich z Gämf (Herbschtsession 1993), z Lugano (Frühjahrssession 2001) und z Flims (Herbschtsession 2006).

D Sitzverteilig im Nationalrot entschpricht em Bevölkerigsaateil vo de einzelne Kantön, wobi jede Kanton mindescht ein Verträter het; im Schtänderot hei 20 Kantön je zwei Sitz, sächsi aber numme eine (des sin die frühner so gnennte Halbkantön).

De Präsident vom Nationalrot het de Vorsitz in de Vereinigte Bundesversammlig und wird hüfig als „höchschter Schwiizer“ bezeichnet. Nach em protokollarische Reglement o de Schwiiz isch er aber an achter reschpektiv nünter Schtell.

Wichtigi Ufgabe[ändere | Quälltäxt bearbeite]

  • Wer vom Bundesgricht verurteilt worde-n-isch, cha es Gsuech uf Begnadigung iireiche, wo vo de Rät beurteilt werde muess.
  • Wenn im Fall di drei Bundesgewalten (Parlament, Bundesrot und Bundesgericht) ned einig sin, wer in ere bschtimmt Sach zuschtändig isch, dann entscheidet d Bundesversammlig drüber, wil si vom Volk legitimiirt isch.

Weblink[ändere | Quälltäxt bearbeite]