Eidgenössisches Departement für Verteidigung, Bevölkerungsschutz und Sport

Eidgenössischs Departement für Verteidigung, Bevölkerigsschutz und Schport

Eidgenössischs Departement für Verteidigung, Bevölkerigsschutz und Schport

Hauptsitz	Bärn, Bundeshuus Ost
Vorsteher	Ueli Maurer, Bundesrot
Zahl vo de Mitarbeiter	12000
Ufsicht	Bundesrot
Untergeordneti Ämter	Generalsekretariat Oberauditorat Strategisch Nochrichtedienst Direktion für Sicherheitspolitik Gruppe Verteidigung Bundesamt für Bevölkerigsschutz Bundesamt für Sport Gruppe Armasuisse
Website	www.vbs.admin.ch

Dialäkt: Züridütsch (See)

Organigramm vom VBS

S Eidgenössische Departement für Verteidigung, Bevölkerigsschutz und Schport (VBS) isch eis vo de sibe Departement (Minischterie) i dr Schwiizer Regierig. Jewiils eine vo de Bundesrät schtaht em Departement vor.

S zentrale Aaliege vom VBS isch es, "Sicherheit und Bewegig" für d Schwiiz und ihri Bevölkerig z schaffe. Armee, Bevölkerigsschutz und zivili Inschtitutione schaffed nach em Grundsatz "Sicherheit dur Kooperation" eng zäme. Sie schützed und helfed im In- und Ussland. D Friedensförderig isch en wichtige Biitrag zur internationale Sicherheit und demit au zur Sicherheit vo dr Schwiiz. Mit em Bundesamt für Schport förderet s Departement Schport und Bewegig uf nationaler Ebeni und treit so zur Gsundheit vo dr Bevölkerig bii.

S VBS gliederet sich i di vier Bereich:

• Verteidigung
• Bevölkerigsschutz
• Schport
• Armasuisse (Rüschtigsbeschaffigsaaschtalt)

Am Aafang vom Bundesschtaat höt das Departement schlicht "Militärdepartement" gheisse. 1979 isch es umbenännt worde in "Eidgenössischs Militärdepartement" (EMD). Mit dr Integration vom Zivilschutz und dr Schportförderig i das Departement treits siit 1998 de Name "Eidgenössischs Departement für Verteidigung, Bevölkerigsschutz und Schport".

Dr Usslandsnachrichtedienscht vo dr Schwiiz - Schtrategische Nachrichtedienscht (SND) - isch direkt em Chef vom VBS underschtellt. Ebefalls zum Bereich vom VBS ghöred d Nachrichtedienscht Militärische Nachrichtedienscht (MND) und Luftwaffenachrichtedienscht (LWND). Lueg dezue: Schwiizer Nachrichtedienscht.

Departementsvorschteher

1848-1854: Ulrich Ochsenbein 1855-1859: Friedrich Frey-Herosé 1860-1861: Jakob Stämpfli 1862: Constant Fornerod 1863: Jakob Stämpfli 1864-1866: Constant Fornerod 1867-1868: Emil Welti 1869: Victor Ruffy 1870-1871: Emil Welti 1872: Paul Cérésole 1873-1875: Emil Welti 1876-1878: Johann Jakob Scherer

1879-1888: Wilhelm Hertenstein 1889-1890: Walter Hauser 1891-1897: Emil Frey 1897-1898: Eduard Müller 1899: Eugène Ruffy 1900-1906: Eduard Müller 1907: Ludwig Forrer 1908-1911: Eduard Müller 1912-1913: Arthur Hoffmann 1914-1919: Camille Decoppet 1920-1929: Karl Scheurer 1930-1940: Rudolf Minger

1940-1954: Karl Kobelt 1955-1966: Paul Chaudet 1967-1968: Nello Celio 1968-1979: Rudolf Gnägi 1980-1983: Georges-André Chevallaz 1984-1986: Jean-Pascal Delamuraz 1987-1989: Arnold Koller 1989-1995: Kaspar Villiger 1996-2000: Adolf Ogi 2001-2008: Samuel Schmid sit 2009: Ueli Maurer (SVP)

Lueg au

• Schwiizer Armee

Weblinks

• Offizielli Website

Dä Artikel basiert uff ere fräie Übbersetzig vum Artikel „Eidgenössisches_Departement_für_Verteidigung,_Bevölkerungsschutz_und_Sport“ vu de dütsche Wikipedia. E Liste vu de Autore un Versione isch do z finde.