Samuel Schmid

Dialäkt: Züridütsch (See)

Samuel Schmid

De Samuel Schmid, (*8. Januar 1947 in Rüti bei Büren im Kanton Bern) isch en Schwiizer Politiker (SVP) und ehmalige Bundesrat. Im Jahr 2005 isch er Bundespräsident gsii.

Politischi Laufbahn

Nach diverse politische Ämter

• 1972 - 1974 Gmeindrat in Rüti bi Büren
• 1974 - 1982 Gmeindspräsident in Rüti bi Büren
• 1982 - 1993 Mitglied vom bernische Grosse Rat
• 1994 - 1999 Nationalrat
• 1998 - 1999 SVP-Fraktionspräsident vo dr Bundesversammlig
• 1999 - 2000 Schtänderat für de Kanton Bern

isch de Samuel Schmid am 6. Dezember 2000 in Bundesrat gwählt worde. Bis zu sim Usscheide uf de 31. Dezember 2008 isch er em Eidgenössische Departement für Verteidigung, Bevölkerigsschutz und Schport (VBS) vorgschtande.

Im Jahr 2004 isch er Vizepräsident und isch am 8. Dezember 2004 zum Bundespräsident für s Jahr 2005 gwählt worde. Em Samuel Schmid siis Motto für s Jahr 2005 hät "Begegnig" gheisse. Siis wichtigschte Aaliege isch nach eigene Aagabe d Abschtimmig über di Bilaterale II und d Schtärchig vo dr Kollegialität im Bundesrat. Am 12. November 2008 het er sin Rücktritt uf Endi Johr aakündt. Sin Nachfolger isch sit em 1. Januar 2009 de Ueli Maurer.

Militär

Oberscht, Kommandant vomene Infanterie-Regiment vo 1993 bis Endi 1996, Schtellvertretende Kommandant F Div 3 i de Jahre 1998 und 1999.

Zivillebe

Wo de Samuel Schmid 1967 d Matura beschtande hät, hät er s Juraschtudium a dr Universität Bern aagfange. 1978 - inzwüsche Notar - hät er siini eigeni Praxis eröffnet.

De Samuel Schmid isch verhüüratet und Vater vo drei Söhn.

Weblinks

• Offizielli Homepage

Vorgänger Adolf Ogi

Mitglied im Schweizer Bundesrat 2001-2008

Nochfolger Ueli Maurer

Dä Artikel basiert uff ere fräie Übbersetzig vum Artikel „Samuel_Schmid“ vu de dütsche Wikipedia. E Liste vu de Autore un Versione isch do z finde.