Republik Mazedonien
Us der alemannische Wikipedia, der freie Dialäkt-Enzyklopedy
 |
Sälle Artikel behandelt die ehemolig jugoslawisch Republik Mazedonie, fer witteri Bedütige lueg under Makedonie |
| Република Македонија Republika Makedonija |
|
 |
 |
| Amtsschpraach(e) | Mazedonisch (slawisch) un Albanisch |
| Hauptschtadt | Skopje |
| Schtaatsform | Republik |
| Schtaatsoberhaupt | Präsident Branko Crvenkovski |
| Regierigschef | Ministerpräsident Vlado Bučkovski |
| Flächi | 25.333 km² |
| Iiwohnerzahl | 2.063.122 Ywohner (2004) |
| Bevölkerigsdichti | 81 Iiwohner pro km² |
| BIP/Iiwohner | 2.404 US-$ (2005) |
| Währig | Mazedonische Denar |
| Unabhängigkeit | 8. September 1991 |
| Nationalhymne | Denes Nad Makedonija (Денес над Македонија) |
| Nationalfiirtig | 2. August (Ilinde-Uffstand vo 1903) |
| Ziitzone | UTC+1 |
| Kfz-Kennzeiche | MK |
| Internet-TLD | .mk |
| Vorwahl | +389 |
 |
|
 |
|
Republik Mazedonie, mängisch au Republik Makedonie, odr völkerrächtlich Ehemoligi Jugoslawischi Republik Mazedonie, isch e Staat z Südosteuropa. Er hat derzitt zwei offizielli Nämme. Die amtlich Eigebezeichnig isch mazedonisch (slawisch) Република Македониjа/Republika Makedonija, in dr Sproch vu dr albanische Minderheit Republika e Maqedonisë), vu dr UNO, dr Europäische Union un andere internationale Organisatione isch dr Staat sit 1993 völkerrechtlich provisorisch under dr Bezeichnig Former Yugoslav Republic of Macedonia (abchürzt F.Y.R.O.M. au FYROM, uff alemannisch Ehemoligi Jugoslawischi Republik Mazedonie) anerkannt. [1].
Die amtlich Selbschtbezeichnig isch zwische dr grichische un dr slawisch-mazedonische Regierig umstritte, dorüber laufe sitt Johre Vermittligsbemüehige under dr Schirmherrschaft vu dr Vereinte Natione.
Grund fier die grichisch Argwohn isch die glichnammig nordgrichisch Provinz Makedonia. Gricheland understellt dr ehemolige jugoslawische Republik dur d'Nammenswahl "Republika Makedonija" fier dr Staat territoriali Asprüch uf ganz Makedonie un demit au dr grichisch Süddeil.
[ändere] Geographischi Lag
Mazedonie isch die südlichscht Deilrepublik vum früehere Jugoslawie gsi un het eweng später wie Kroatie un Slowenie si Unabhängigkeit usgruefe. Es grenzt an Serbie, dr Kosovo, Bulgarie, Gricheland un Albanie.
[ändere] Schribwiis
Im dütsche Sprochruum het sich in dr ledschde Johre e Underschidig zwische Mazedonien, wo über s Latiinisch iidütscht isch, für di ehmolig jugoslawisch Deilrepublik, un dr Bezeichnig Makedonien, wo direkt us em Griechisch übernoh isch, für di historisch Region un di hütig griechisch Provinz ussibildet. Die Unterschidig isch numme e Schribempfählig - wo in dr Regel au d'Regierige z Ditschland, Öschterrich un dr Schwiz verwende - aber in andere Sproche nüt gängig. Grad in älterer ditschsprochiger Literatur (vor dr Gründig vom Staat Mazedonie un in dr erschte Johre nooch dr Unabhängigkeit) werre Mazedonien un Makedonien sowohl fier die ehemolig jugoslawisch Republik wie au die griechisch Provinz un die gsamt Region verwendet.
[ändere] Quelle
- ↑ Anerchennig dur d'UNO: A/RES/47/225, 8. Apr. 1993
