Nordmazedonie

Us der alemannische Wikipedia, der freie Dialäkt-Enzyklopedy
(Witergleitet vun Republik Mazedonien)
Dä Artikel behandelt die ehemolig jugoslawisch Republik Mazedonie, fer witteri Bedütige lueg under Mazedonie (Begriffsklärig).


Република Северна Македонија

Republika Serverna Makedonija
Republik Nordmazedonie

{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Amtsspraach Mazedonisch un Albanisch
Hauptstadt Skopje
Staatsoberhaupt
Regierigschef Dimitar Kovačevski
Flächi 25.333 km²
Iiwohnerzahl 2.063.122 Ywohner (2004)
Bevölkerigsdichti 81 Iiwohner pro km²
Brutto­inlands­produkt pro Iiwohner 2.404 US-$ (2005)
Währig Mazedonische Denar
Unabhängigkeit 8. September 1991
Nationalhimne Denes Nad Makedonija
(Денес над Македонија)
Nationalfiirtig 2. August (Ilinde-Uffstand vo 1903)
Zitzone UTC+1
Kfz-Kennzeiche MK
Internet-TLD .mk
Vorwahl +389

Nordmazedonie, mängisch au Nordmakedonie, isch e Staat z Südoschteuropa.

der Name vom Staat[ändere | Quälltäxt bearbeite]

Er hat derzitt zwei offizielli Nämme. Die amtlich Eigebezeichnig isch bis am 11. Februar 2019 gsi: mazedonisch Република Северна Македонија Republika Serverna Makedonija, in dr Sproch vu dr albanische Minderheit Republika e Maqedonisë).

Vu dr UNO, dr Europäische Union un andere internationale Organisatione isch dr Staat sit 1993 völkerrechtlich provisorisch under dr Bezeichnig Former Yugoslav Republic of Macedonia (abchürzt F.Y.R.O.M. au FYROM, uff alemannisch Ehemoligi Jugoslawischi Republik Mazedonie) anerkannt gsi.[1]

Die amtlich Selbschtbezeichnig isch zwische dr griechische un dr slawisch-mazedonische Regierig umstritte gsi, dorüber hän joorelangi Vermittligsbemüehige under dr Schirmherrschaft vu dr Vereinte Nationen stattgfunde.

Grund fir die griechisch Argwohn isch die glichnammig nordgriechisch Provinz Makedonia. Griecheland het dr ehemolige jugoslawische Republik understellt gha, dur d'Nammenswahl Republika Makedonija fir dr Staat territoriali Asprüch uf ganz Makedonie un demit au dr griechisch Süddeil z stelle. Es isch denn i zäche Verhandlige sowyt cho, ass sech beidi Länder eins worde sind, zum die griechischi Provinz und s nöi Land klar z underscheide sell das der nöi Name Nordmazedonie ha.

Am 11. Jänner 2019 het s Parlamänt pschlosse, die Abmachig aznää. Am 25. Jänner 2019 het au s griechische Parlamänt em Vertrag mit em Nochberland über dä nöi Name Nordmazedonie zuegstumme. Sid em 12. Februar 2019 isch dr nöi Name Nordmakedonie gültig.

Geographischi Lag[ändere | Quälltäxt bearbeite]

Nordmazedonie lyt ufem Balkan. Es grenzt an Serbie, dr Kosovo, Bulgarie, Griecheland und Albanie.

D Hauptstadt isch Skopje.

Dr gröscht Deil vom Land sind Landschafte mit Bärge und Höger. Dr Golem Korab iasch dr höchscht Bärg, sin Gipfel isch uf 2764 Meter über Meer.

Grossi Flüss im Land sin dr Vardar und dr Schwarz Drin. Dr Korab-Wasserfall isch 139 Meter hölch; es isch dr högscht Wasserfall vo Südoschtöiropa. D Landschaft bi Ohrid zellt zum Wälterb vo dr UNESCO.

Gschicht[ändere | Quälltäxt bearbeite]

Es isch die südlichscht Deilrepublik vum früehere Jugoslawie gsi un het eweng später wie Kroazie un Slowenie si Unabhängigkeit usgruefe.

Schribwiis vom Name[ändere | Quälltäxt bearbeite]

Im dütsche Sprochruum het sich in dr ledschde Johre e Underschidig zwische Mazedonien, wo über s Latiinisch iidütscht isch, für di ehmolig jugoslawisch Deilrepublik un dr Bezeichnig Makedonien, wo direkt us em Griechisch übernoh isch, für di historisch Region un di hütig griechisch Provinz ussibildet. Die Unterschidig isch numme e Schribempfählig – wo in dr Regel au d'Regierige z Ditschland, z Öschterrich un dr Schwiz verwendet hän – aber in andere Sproche nüt gängig. Grad in älterer ditschsprochiger Literatur (vor dr Gründig vom Staat Mazedonie un in dr erschte Johre nooch dr Unabhängigkeit) werre Mazedonien un Makedonien sowohl fier die ehemolig jugoslawisch Republik wie au die griechisch Provinz un die gsamt Region verwendet.

Bevölkerig[ändere | Quälltäxt bearbeite]

Z Nordmazedonie wohne Lüüt vo verschidene Völker. Näbe de Mazedonier sälber läbe vil Albanier im Land; es sind öppe 25 Prozänt vo der Bevölkerig. Derzue chöme chlyneri Minderheite vo Türgge, Rumäne, Serbe und anderne Gruppe.

D Mehrheit vo de Lüüt ghöre zu der Orthodoxe Chile.

Quelle[ändere | Quälltäxt bearbeite]

  1. Anerchennig dur d'UNO: A/RES/47/225, 8. Apr. 1993